संविधान भवन उभारणीसाठी २ डिसेंबरला बैठकीचे आयोजन......

नाशिक : नाशिक शहरात आंतरराष्ट्रीय दर्जाचे संविधान भवन उभारणीसाठी शहरातील विचारवंत, संविधान अभ्यासक, वाचक, नागरीकांची बैठक मंगळवार दि. २ डिसेंबर २०२५ रोजी दुपारी ३ वाजता आहिरे स्पर्धा परीक्षा अकॅडमी, गोळे कॉम्प्लेक्स, मेहेर सिग्नलच्या बाजुला, अशोक स्तंभयेथे आयोजित करण्यात आल्याची माहिती इंडियन सोशल मुव्हमेंटचे अध्यक्ष शरद धनराव व प्रा. डॉ. आनंद आहिरे यांनी दिली.

नाशिक शहरातील गट क्रमांक ११७ मध्ये भारतीय संविधान भवनासाठी पाच हेक्टर जमीन शासनाने द्यावी, यासाठी इंडियन सोशल मुव्हमेंट या संस्थेने जिल्हाधिकारी यांना निवेदन दिले. या जागेवर २२ हॉल व ५०० आसनी हॉल व

संविधान प्रचारक व प्रसारक कार्यालय निर्मिती करण्याची इच्छा आहे. या भवनाचा भारत व महाराष्ट्रातील सर्व जाती, धर्मातील युवकांना फायदा होणार आहे. या ठिकाणी एमपीएससी, युपीएससी व जगातील इतर व्यावसायिक परीक्षा देण्यासाठी सर्व पुस्तके व साधन सामग्री उपलब्ध राहणार आहे. याठिकाणी नाशिक बाहेरून येणाऱ्या विद्यार्थ्यांसाठी निवासी व्यवस्था करता येणार आहे. महाकुंभ २०२७ च्या महाकुंभनिधीतून शंभर कोटीची तरतूद करण्याची मागणी या निवेदनातून करण्यात आली आहे. या संविधान भवनामध्ये २२ हॉल, ई ग्रंथालय, मिटिंग हॉल, निवासगृह, सोलर सिस्टिम, किचन हॉल, कॅण्टिन आदी सुविधा उपलब्ध करण्याचा प्रस्ताव आहे.