ଶ୍ରୀ ଶ୍ରୀ ରାଧାକୃଷ୍ଣଙ୍କ ଦିବ୍ୟ ରାସୋତ୍ସବ ପୂଜା ଅନୁଷ୍ଠିତ

ଆନନ୍ଦପୁର ର ସର୍ବପୁରାତନ ରାଧାକୃଷ୍ଣ କ୍ଲବ ପକ୍ଷରୁ ବ୍ରିଜ୍‌ଛକ ଠାରେ ୧୨ ତାରିଖ ମଙ୍ଗଳବାର ଠାରୁ ଶ୍ରୀ ଶ୍ରୀ ରାଧାକୃଷ୍ଣଙ୍କ ଦିବ୍ୟ ରାସୋତ୍ସବ ମହାସମାରୋହରେ ଯଥାବିଧ ରିତିନୀତି ଅନୁଯାୟୀ ଅନୁଷ୍ଠିତ ହୋଇଯାଛି। ଶ୍ରୀ ଶ୍ରୀ ରାଧାକୃଷ୍ଣଙ୍କ ଦିବ୍ୟ ରାସୋତ୍ସବ ନେଇ ସୋମବାର ଦିନ ଅଧ‌ିବାସ ପୂଜା କରାଯାଇଥିବା ବେଳେ ମଙ୍ଗଳବାର ଦିନ ପୁଣ୍ୟ ତୋୟା ବୈତରଣୀ ନଦୀରୁ କଳସ ରେ ଜଳ ଅଣାଯାଇ ହୋମଯଜ୍ଞ ସହ ପୂଜାରମ୍ଭ କରାଯାଇଥିଲା ମୁଖ୍ୟ ପୂଜକ ଭାବେ ଯୋଗାନନ୍ଦ ପଣ୍ଡା ଓ ସହଯୋଗୀ ସନ୍ଦୀପ୍ କୁମାର ପାଢ଼ୀଙ୍କ ଦ୍ଵାରା ପୂଜାକାର୍ଯ୍ୟ କରାଯାଉଥିବା ବେଳେ ରାମହରି ରଣା, ରତିକାନ୍ତ ସାହୁ, କାର୍ଭିକେଶ୍ଵର ମହାନ୍ତି, ସରୋଜକାନ୍ତ ପରିଡ଼ା, ଦିବ୍ୟ ସାଗର ସିଂ, ପ୍ରତୀକ କୁମାର ସିଂ, ରୂପମ୍ ରାଜ ପ୍ରମୁଖ ସଂକଳ୍ପରେ ବସିଥିଲେ । ରାଧାକୃଷ୍ଣଙ୍କୁ ସୁନ୍ଦର ମେଢ଼ରେ ସଜ୍ଜା ଯାଇଥିବା ବେଳେ ଉଜ୍ଜ୍ବଳମୟ ଆଲୋକ ଦ୍ବାରା ତୋରଣମାନ କରାଯାଇଛି । ଦୀର୍ଘ ବର୍ଷଧରି ରାଧାକୃଷ୍ଣ କ୍ଲବ ପକ୍ଷରୁ ପୂଜା ଅନୁଷ୍ଠିତ ହେଉଥିବା ବେଳେ ଚଳିତ ବର୍ଷ ରାଧାକୃଷ୍ଣ କ୍ଲବର ସଭାପତି ଆଦିକନ୍ଦ ମହାକୁଡ଼, ସମ୍ପାଦକ ଜ୍ୟୋତିରଂଜନ ଜେନା, ବରିଷ୍ଠ ସଦସ୍ୟ ତଥା ମାର୍ଗଦର୍ଶକ ରାଧା ବଲ୍ଲବ ମିଶ୍ର,ମିଲୁ ମିଶ୍ର, ଶରତ ଜେନା, ମୁନା ସିଂ, ମୂରଲିଧର ମିଶ୍ର, ନିଲୁ ମହାନ୍ତି, ଗଗନ ସିଂ,ଅରୁଣ କୁମାର ମିଶ୍ର, ଗଣେଶ୍ଵର ମହାନ୍ତି ପ୍ରମୁଖଙ୍କ ସହ କ୍ଲବ୍ ର ସମସ୍ତ ସଦସ୍ୟ ଉପସ୍ଥିତ ରହି ପୂଜାକାର୍ଯ୍ୟରେ ସହଯୋଗ କରୁଥିବା ବେଳେ ଶହଶହ ଭକ୍ତ ଠାକୁରଙ୍କ ଦିବ୍ୟ ରୂପ ଦର୍ଶନ କରି ଆଶୀର୍ବାଦ ଲାଭ କରୁଥିବାର ଦେଖାଯାଇଛି ।