logo
logo
(Trust Registration No. 393)
aima profilepic
GANESWAR MOHANTY
Keonjhar(Anandapur)

ଆନନ୍ଦପୁର ରେ କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ବିଭିନ୍ନ ସରକାରୀ କାର୍ଯ୍ୟକ୍ରମ ରେ ସମୀକ୍ଷା ବୈଠକ
ଆନନ୍ଦପୁର:କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁ ଆନନ୍ଦପୁର ଓ ଘଷିପୁରା ନିର୍ବାଚନ ମଣ୍ଡଳୀର ଦୁଇ ବିଧାୟକ ପ୍ରାର୍ଥୀଙ୍କ ସହିତ ବିଭିନ୍ନ ସରକାରୀ କାର୍ଯ୍ୟକ୍ରମ ର ସମୀକ୍ଷା କରିଥିଲେ।ପ୍ରଥମେ ଭୁବନେଶ୍ୱର ରୁ ବାହାରି ବେଲବାହାଳୀ କୁଶେଇ ନଦୀ ଉପରେ ନିର୍ମିତ ସେତୁର ସମୀକ୍ଷା କରିଥିଲେ ଏଥିରେ ବିଭାଗୀୟ ଏନ ଏଚ ଏ ଇ ଅଧିକାରୀ ଏବଂ ଏ ଆର ଏସ ଏସ ର ଅଧିକାରୀ ଙ୍କ ଠାରୁ କାର୍ଯ୍ୟର ଅଗ୍ରଗତି ସମ୍ପର୍କରେ ବୁଝିଥିଲେ।ନିର୍ଦ୍ଧାରିତ ସମୟରେ ସମସ୍ତ ଅସମ୍ପୂର୍ଣ୍ଣ କାର୍ଯ୍ୟକୁ ସମାପ୍ତ କରିବା ସହିତ  ବିଭିନ୍ନ ସର୍ଭିସ ରୋଡ କୁ ଯଥାଶୀଘ୍ର ସମାପ୍ତ କରିବାକୁ ନିର୍ଦ୍ଧେଶ ଦେଇଥିଲେ।ଆସନ୍ତା ଜୁନ ସୁଦ୍ଧା ସମସ୍ତ କାମ ସାରିବାକୁ କତ୍ତୃପକ୍ଷ ରାଜିହୋଇଥିବା ସୂଚନା ମିଳିଛି।ବେଲବାହାଳୀ ସେତୁର ଉଭୟ ପାର୍ଶ୍ଵରେ ଦୁଇଟା ଗୋଲେଇ ଛକ ନିର୍ମାଣ ହେବାକୁ ମଧ୍ୟ ନିର୍ଦେଶ ଦେଇଥିବା ଜଣାଯାଇଛି।ପରେ ଆନନ୍ଦପୁର ବ୍ୟାରେଜ ଉପରେ କାର୍ଯ୍ୟକ୍ରମ ର ସମୀକ୍ଷା କରି ଯଥାଶୀଘ୍ର ଉଭୟ ପାର୍ଶ୍ଵ କେନାଲ କାମ ସମାପ୍ତ କରିବାକୁ ନିର୍ଦ୍ଧେଶ ଦେଇଥିବା ଜଣାଯାଇଛି।ଏବଂ କେନ୍ଦ୍ର ସରକାରଙ୍କ ଅର୍ଥରେ ଘର ଘର ପାଣି ଯୋଗାଇଦେବାକୁ ଥିବା ଜଳ ସେଚନ ମିଶନ କାର୍ଯ୍ୟକ୍ରମ ର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ ଏଥିରେ ବିଭାଗୀୟ ସମସ୍ତ ସରକାରୀ କର୍ମଚାରୀ ଉପସ୍ଥିତ ଥିଲେ।ଏହି ଗସ୍ତ କାର୍ଯ୍ୟକ୍ରମ ରେ ବିଜେପି ନେତା ତଥା ରାଜ୍ୟ କାର୍ଯ୍ୟକରିଣୀ ସଦସ୍ୟ ପୃଥ୍ବୀ ରାଜ୍ କୁଅଁର,ଅଲୋକ ସେଠୀ, ବରିଷ୍ଠ ନେତା ମହେଶ୍ବର ସାହୁ,ରାମଚନ୍ଦ୍ର ସାହୁ,ଜ୍ଞାନ ସାମନ୍ତ ସିଂହାର, ରଞ୍ଜନ ପାତ୍ର, ଅନାଦି ସାହୁ,ସୁମତି ଜେନା,ସୁକଦେଵ ଦାସ,ମାନସ ରଞ୍ଜନ ସା,ବାଇ ଧର ଚିନ୍ଦରା, ସଂଗ୍ରାମ ଜେନା,ରାଜୀବ ନାୟକ,କିଶୋର ପାତ୍ର, ବଳରାମ ମାଝୀ, ଦୀପକ ଜେନା,ଆକାଶ ସାହୁ,ପ୍ରଭୃତି ଉପସ୍ଥିତ ରହି ସହଯୋଗ କରିଥିଲେ।

..........
0
13 views    0 comment
0 Shares


ବିଭିନ୍ନ ଦାବି ରେ ଗତ ୩ଦିନ ହେବ କଲେଜ ରେ ଚାବି ପକେଇ ଆନ୍ଦୋଳନ ରେ ବସିଛନ୍ତି ଡିଗ୍ରୀ କଲେଜ ଛାତ୍ର ଛାତ୍ରୀ।

କେନ୍ଦୁଝର:କେନ୍ଦୁଝର ଜିଲ୍ଲା ଜାମୁ ନାଳିଆ ଠାରେ ଥିବା ଡିଗ୍ରୀ କଲେଜ ର ଛାତ୍ରଛାତ୍ରୀ ମାନେ କଲେଜ ରେ ବିଭିନ୍ନ ସମସ୍ୟା ନେଇ ଗତ 3 ଦିନ ହେବ ଆନ୍ଦୋଳନ ରେ ବସିଛନ୍ତି । ସେପଟେ କଲେଜ ଅଧ୍ୟକ୍ଷ କହୁଛନ୍ତି ସମସ୍ୟା ର ଶୀଘ୍ର ସମା ଧାନ ହେବ। ତେବେ କଲେଜରେ ନା ଅଛନ୍ତି ସ୍ଥାଇ ଅଧ୍ୟାପକ ନା ଲାଇବ୍ରେରି ରେ ବହି ନା ପ୍ଲେସମେଣ୍ଟ ର ସୁବିଧା ଏମିତି କି କରନା ମହାମାରୀ ସମୟରେ ନା ଅଛି କଲେଜ ଓ ହଷ୍ଟେଲ ରେ ସାନି ଟାଇଜର ର ବ୍ୟବସ୍ତା ।ନା ଅଛି ଖେଳ ପଡିଆ ନା ପିଇବା ପାଣି ର ବ୍ୟବସ୍ତା । ଏ କେବଳ ଏ ବର୍ଷ ର ଅସୁବିଧା ନୁହଁ ପ୍ରତି ବର୍ଷ ଏ ସବୁ ସମସ୍ୟା କୁ ନେଇ ଆନ୍ଦୋଳନ କରି ଆସୁଛନ୍ତି ଛାତ୍ରଛାତ୍ରୀ ।  ଆଗକୁ ସମାଧାନ ନ ହେଲେ ଆନ୍ଦୋଳନ କୁ ଜୋର ଦାର କରିବା କୁ ଚେତାବନୀ ଦେଇଛନ୍ତି ଛାତ୍ରଛାତ୍ରୀ । 
 ତେବେ ଏ ସବୁ ସମସ୍ୟା ବହୁ ବର୍ଷ ରୁ ଲାଗି ରହିଥିବା ବେଳେ  ଏ ସବୁ ସମସ୍ୟା କୁ ସମାଧାନ ତ ଦୂରର କଥା ନିଜ ଉପରେ ଲାଗିଥିବା ଦୋଷ କୁ ଏଡାଇ ଚିରା ଚରିତ ଢଙ୍ଗ ରେ କୁବ ଶୀଘ୍ର ସମାଧାନ ହୋଇଯିବ ବୋଲି   କହୁଛନ୍ତି କଲେଲ ପ୍ରିନ୍ସପାଳ ।

..........
36
810 views    0 comment
1 Shares

ମାନବଧିକାର ଦିବସ ଅବସରରେ ମେଗା ରକ୍ତଦାନ ଶିବିର

ଆନନ୍ଦପୁର।:ବିଶ୍ୱ ମାନବଧିକାର ଦିବସ ଅବସରରେ ରକ୍ତର ଅଭାବକୁ ଦୃଷ୍ଟିରେ ରଖି କେହି ଯେମିତି ରକ୍ତ ଅଭାବ ରୁ ଜୀବନ ନଯାଉ ସେଥିପାଇଁ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଥିଲା।ଆଜି ଆନନ୍ଦପୁର କଲେଜ ପରିସରରେ ଓଡିଶା ମୋ

ପରିବାର ଆନୁକୂଲ୍ୟରେ ଆନ୍ତର୍ଜାତୀୟ ମାନବଧିକାର ପରିଷଦର ଜିଲ୍ଲା ସଭାପତି ସତ୍ୟବ୍ରତ ମିଶ୍ରଙ୍କ ନେତୃତ୍ୱରେ ଅନୁଷ୍ଠିତ ରକ୍ତଦାନ ଶିବିରରେ ଆନନ୍ଦପୁର କଲେଜର ଅଧ୍ୟକ୍ଷ ଡ଼. ଦିଲ୍ଲୀପ କୁମାର ଦାସ ଫିତା କାଟି ଉଦ୍ଘାଟନ କରିଥିବାବେଳେ  ଆନନ୍ଦପୁର ଉପଜିଲ୍ଲାପାଳ ଗୋପୀନାଥ କୁଅଁର, ଆନ୍ତର୍ଜାତୀୟ ମାନବଧିକାର ପରିଷଦ ର ଜିଲ୍ଲା ସଭାପତି ସତ୍ୟବ୍ରତ ମିଶ୍ର,ଜିଲ୍ଲା ସାଧାରଣ ସମ୍ପାଦକ ଅଜୟ କୁମାର ମିଶ୍ର,ଚମ୍ପୁଆ ସିଟି ବୋର୍ଡର ସଭାପତି ଶିବସଙ୍କର ରାଜ୍,ଓଡିଶା ମୋ ପରିବାର ର କୋର୍ଡିଂନେଟର ପ୍ରଦୀପ କୁମାର ସାହୁ,ବିଜେଡି ନେତା ତଥା ପୂର୍ବତନ ନଗରପାଳ ଶାନ୍ତନୁ କୁମାର ସେଠୀ ପ୍ରମୁଖ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ।ଏଥିରେ ବହୁ ସଂଖ୍ୟାରେ ଛାତ୍ରଛାତ୍ରୀ ,ସ୍ୱେଚ୍ଛାସେବୀ ଯୋଗଦେଇ ସ୍ୱଇଛାରେ ରକ୍ତଦାନ କରିଥିଲେ।ମୋଟ ୮୩ୟୁନିଟ ରକ୍ତ ସଂଗ୍ରହ କରାଯାଇଥିବା ବେଳେ ଡାକ୍ତର ଉଦୟ ଭାସ୍କର ପଣ୍ଡାଙ୍କ ନେତୃତ୍ୱରେ ମେଡ଼ିକାଲ ଟିମ ସହଯୋଗ କରି ରକ୍ତ ସଂଗ୍ରହ କରିଥିଲେ।ଉକ୍ତ କାର୍ଯ୍ୟକ୍ରମରେ ଆନନ୍ଦପୁର କଲେଜର ସମସ୍ତ ଷ୍ଟାଫ ଏବଂ ଓଡିଶା ମୋ ପରିବାର ର ସମସ୍ତ ସଦସ୍ୟ ଓ କେନ୍ଦୁଝର ଜିଲ୍ଲା ଆନ୍ତର୍ଜାତୀୟ ମାନବଧିକାର ପରିଷଦର ସମସ୍ତ ସଦସ୍ୟ ସହଯୋଗ କରି କାର୍ଯ୍ୟକ୍ରମ କୁ ସଫଳ କରିଥିଲେ।

..........
6
379 views    0 comment
8 Shares

 କେନ୍ଦୁଝର ଠାରେ ଥିବା ଉତ୍ତର ଓଡ଼ିଶା ବିଶ୍ଵ ବିଦ୍ୟାଳୟ ରେ ଛାତ୍ର ଛାତ୍ରୀଙ୍କ ଅସନ୍ତୋଷ ଓ ବିକ୍ଷୋଭ ପ୍ରଦର୍ଶନ

କେନ୍ଦୁଝର। କେନ୍ଦୁଝର ଜିଲ୍ଲା ଠାରେ ଥିବା ଉତ୍ତର ଓଡ଼ିଶା ବିଶ୍ଵ ବିଦ୍ୟାଳୟ  ଦ୍ୱିତୀୟ କ୍ୟାମ୍ପସ ର  ପ୍ରଥମ ବର୍ଷ ର ଛାତ୍ର ଛାତ୍ରୀ ମାନେ ବିଭିନ୍ନ ଦାବି ନେଇ ଆଜି କ୍ୟାମ୍ପସ ର ଗେଟ ବନ୍ଦ କରି ଧାରଣା ଦେଇଛନ୍ତି।

ଫର୍ମ ଫିଲପ ପାଇଁ ମାତ୍ର ଦୁଇ ଦିନ ସମୟ ଦିଆଯାଇଛି ତା ସହିତ ଚଳିତବର୍ଷ ଫିସ ବୃଦ୍ଧି କୁ ନେଇ ଛାତ୍ର ଛାତ୍ରୀଙ୍କ ମଧ୍ୟରେ ଅସୋନ୍ତୋଶ ଦେଖା ଦେଇଛି। ଏଠାରେ ଚାରୋଟି ବିଭାଗ ଜିଓଲୋଜୀ, ମେଟିରିଆଲ ସାଇନ୍ସ, ସଂସ୍କୃତ, ଓଡ଼ିଆ, ଇଂରାଜୀ

ବିଭାଗ ରେ ପ୍ରଥମ ଓ ଦୂତୀୟ ବର୍ଷ ପାଇଁ ପ୍ରାୟ ୩୦୦ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ପଢ଼ିଥାନ୍ତି । କ୍ୟାମ୍ପସ ରେ ହଷ୍ଟେଲ ଥାଇ ମଧ୍ୟ ଛାତ୍ରଛାତ୍ରୀଙ୍କୁ ହଷ୍ଟେଲରେ ରହିବାକୁ ଦିଆଯାଉନାହି । ଉନ୍ନତ ମାନର ଲାଇବ୍ରେରୀ, ଲବରୋଟରୀ

ରେ ସମସ୍ତ ଜିନିଷ ଉପଲବ୍ଧ ରହିବା ପାଇଁ ଦାବି କରିଛନ୍ତି ଛାତ୍ର ଛାତ୍ରୀ। ସେହିପରି ସମସ୍ତ ବିଭାଗ ପାଇଁ ଅଧ୍ୟାପକ, ଅଧ୍ୟାପିକା ନଥିବାରୁ ପାଠ ପଢା ରେ ବହୁ ଅସୁବିଧା ର ସମ୍ମୁଖୀନ ହେଉଛନ୍ତି ଛାତ୍ର ଛାତ୍ରୀ। ଏନେଇ କ୍ୟାମ୍ପସ ର ନିର୍ଦ୍ଦେଶକଙ୍କ ନିକଟରେ ଏସବୁ ସମସ୍ୟା ଅବଗତ କରାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ । ତେବେ ଏନେଇ କ୍ୟାମ୍ପସ ର ଭିସି ଙ୍କୁ ଅବଗତ କରିବା

ସହ ଅନ୍ୟ ସମସ୍ୟା ର ସମାଧାନ କରାଯିବ ବୋଲି କ୍ୟାମ୍ପସ ର ନିର୍ଦ୍ଦେଶକ କହିଛନ୍ତି ।

..........
0
84 views    0 comment
0 Shares

ଆରମ୍ଭ ହେଲା ଅତ୍ୟାଧୁନିକ ପୁନର୍ବାସ କେନ୍ଦ୍ର:ଲାଭାନ୍ୟୁତ ହେବେ ଦିବ୍ୟାଙ୍ଗ

କେନ୍ଦୁଝର:-ଆଜି ସାରା ବିଶ୍ୱ ଭିନ୍ନକ୍ଷମ ଦିବସ ପାଳନ କରୁଛି । ଏହି ଦିବସ ଉପଲକ୍ଷେ କେନ୍ଦୁଝର ଜିଲ୍ଲାରେ ଆରମ୍ଭ ହୋଇଛି ଦିବ୍ୟାଙ୍ଗଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା । ଜିଲ୍ଲା ଖଣିଜ ପାଣ୍ଠି ସହଯୋଗରେ ରାଙ୍କି ଠାରେ ଆରମ୍ଭ ହୋଇଛି ଅତ୍ୟାଧୁନିକ ପୁନର୍ବାସ କେନ୍ଦ୍ର । ଏହି କେନ୍ଦ୍ରର ଶିଳାନ୍ୟାସ ଗତ ଅଠର ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିଥିଲେ।

ଆଜି ଏହି କେନ୍ଦ୍ରକୁ ଆନୁଷ୍ଠାନିକ ଭାବେ ଜିଲ୍ଲାପାଳ ଆଶିଷ ଠାକରେ ଉଦଘାଟନ କରିଛନ୍ତି । ଭିନ୍ନକ୍ଷମ ଦିବସ ଅବସରରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଏହି କେନ୍ଦ୍ରରେ ଅନୁଷ୍ଠିତ ହୋଇଥିବା

ବେଳେ ଦଶରୁ ଉର୍ଦ୍ଧ୍ବ ଦିବ୍ୟାଙ୍ଗଙ୍କୁ ଅଟୋମେଟିକ ହୁଇଲ ଚେୟାର, ନୂତନ ବିବାହ କରିଥିବା ଦିବ୍ୟାଙ୍ଗଙ୍କୁ ଆର୍ଥିକ ସହାୟତା ଆଦି ପ୍ରଦାନ କରାଯାଇଥିଲା।

ଏହି କେନ୍ଦ୍ରରେ ସମସ୍ତ ଦିବ୍ୟାଙ୍ଗଙ୍କ ନୂତନ ଅଙ୍ଗ ରୋପଣ ର ବ୍ୟବସ୍ଥା କରାଯାଇଛି । ଏହା ସହ ଦିବ୍ୟାଙ୍ଗଙ୍କ ଫିଜିଓଥେରାପି ହେବା ସହ ରହଣି ବ୍ୟବସ୍ଥା କରାଯାଇଛି।

ଏହି କେନ୍ଦ୍ର କେନ୍ଦୁଝର ଜିଲ୍ଲା ସହ ନିକଟସ୍ଥ ସମସ୍ତ ଜିଲ୍ଲାର ଦିବ୍ୟାଙ୍ଗ ପାଇଁ ସେବା ଯୋଗାଇ ଦେବ ବୋଲି ଜିଲ୍ଲାପାଳ ପ୍ରକାଶ କରିଛନ୍ତି । 

..........
32
685 views    0 comment
21 Shares

କେନ୍ଦୁଝର:-କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ଭଦ୍ରାସାହି ଗ୍ରାମପଞ୍ଚାୟତ ର ୧ନମ୍ବର ୱାର୍ଡ ଅନ୍ତର୍ଗତ ନନ୍ଦ ହଟିଙ୍ଗ ଠାରେ ଥିବା ସରକାରୀ ମଦ ଭାଟିକୁ ଉଛେଦ ଦାବିରେ ଭଦ୍ରାସାହି ପଞ୍ଚାୟତବାସୀ ଙ୍କ ପକ୍ଷରୁ କେନ୍ଦୁଝର ଜିଲ୍ଲାପାଳ ଓ ଜିଲ୍ଲା ଅବକାରୀ ଅଧିକାରୀଙ୍କୁ ସ୍ମାରକ ପତ୍ର ପ୍ରଦାନ କରାଯାଇଛି l

ପଞ୍ଚାୟତବାସୀ ଙ୍କ ଅଭିଯୋଗ ଭଦ୍ରାସାହି ଗ୍ରାମପଞ୍ଚାୟତ ର ନନ୍ଦ ହଟିଙ୍ଗ ଠାରେ ଥିବା ମଦଭାଟି ଯୋଗୁଁ ସ୍ଥିନୀୟ ବିଜୁ ହଟିଙ୍ଗ, ଆଜାଦ ବସ୍ତି ଅଞ୍ଚଳର ବାତାବରଣ ଖରାପ ହେବା ସହିତ ଅନେକ ସମୟରେ ଅପ୍ରୀତକର ପରିସ୍ଥିତି ମଧ୍ୟ ସୃଷ୍ଟି ହେଉଛି l

ମଦଭାଟି ରୁ ନିର୍ଗତ ହେଉଥିବା ଦୁର୍ଗନ୍ଧ ଯୋଗୁଁ ଅଞ୍ଚଳବାସୀ ଅଣନିଶ୍ୱାସୀ ହୋଇପଡୁଥିବା ଅଭିଯୋଗ ହୋଇଛି l ତେବେ ଏ ବିଷୟରେ ଭଦ୍ରାସାହି ସରପଞ୍ଚ କସ୍ତୁରୀ ଓରାମ ଙ୍କୁ ଜଣାଇଲେ ମଧ୍ୟ କୌଣସି ପଦକ୍ଷେପ ଗ୍ରହଣ ନ କରିବାରୁ ପଞ୍ଚାୟତ ବାସୀ ଜିଲ୍ଲା ପ୍ରଶାସନ ର ଦ୍ୱାରସ୍ଥ ହୋଇଥିବା ପ୍ରକାଶ କରିଛନ୍ତି l ଭଦ୍ରାସାହି ବାସିନ୍ଦା ପୁରୁଷୋତ୍ତମ ବାରିକ୍ ଙ୍କ ନେତୃତ୍ୱରେ ହୋଇଥିବା ଅଭିଯାନ ରେ ଇନ୍ଦ୍ରଜିତ ବାରିକ୍, ପ୍ରଦୀପ ବାରିକ୍, ଅଳକା ସଏ, ଓ ଦମୟନ୍ତୀ ବାରିକ୍ ପ୍ରମୁଖ ସାମିଲ ହୋଇଥିଲେ l

..........
0
125 views    0 comment
0 Shares


ଆନନ୍ଦପୁର:-ସାମାଜିକ ନ୍ୟାସ ଇଞ୍ଚୋଳ ବିକାଶ ମଞ୍ଚ ପକ୍ଷରୁ ପ୍ରତିବର୍ଷ ଭଳି ଚଳିତ ଥର ନିଆରା ପ୍ରଥମାଷ୍ଟମୀ ପାଳନ କରାଯାଇଛି ।

ମୁଖ୍ୟ ଅତିଥି ଭାବେ ପ୍ରଫେସର ଡ. ଶରତ ଚନ୍ଦ୍ର ଚଇନି ଯୋଗଦେଇ ବୃକ୍ଷ ରୋପଣ ଓ ତାର ସୁରକ୍ଷା ଉପରେ ଗୁରୁତ୍ୱାରୋପ କରିଥିଲେ । ଚନ୍ଦନ ପଣ୍ଡାଙ୍କ ଆବାହକତ୍ୱରେ ମଞ୍ଚର ସଦସ୍ୟମାନେ ବୃକ୍ଷ ଦେବତାକୁ ଦୀପ , ଧୂପ , ପୁଷ୍ପ ଓ ନୂଆ ବସ୍ତ୍ର ଦେଇ ପଢୁଆଁ କରିଥିଲେ ।

ଗଛ ମଧ୍ୟ ଆମର ଏକ ସନ୍ତାନ *ଗଛ ବି ଆମର ଭଉଣୀ ଭାଇ , ବଢାଇବା ତାକୁ ଯତନ ନେଇ* ଏଭଳି ବାର୍ତ୍ତାରେ ପଥଚାରୀ ମାନଙ୍କୁ ସଚେତନ କରାଇଥିଲେ ।ପରେ ପରେ ଶ୍ରୀ ଜଗନ୍ନାଥ ନିମ୍ବ ବନ ପ୍ରକଳ୍ପରେ ପୂଜାର୍ଚ୍ଚନା ସହ ନୂଆ

ନିମ୍ବ ଚାରା ରୋପଣ  ଆଗରୁ ରୋପଣ ହୋଇଥିବା ଗଛ ଗୁଡିକରେ ନବ ବସ୍ତ୍ର ଦିଆଯାଇଥିଲେ । ଉକ୍ତ କାର୍ଯ୍ୟକ୍ରମରେ ଉମାକାନ୍ତ ପଣ୍ଡା , ଇନ୍ଦ୍ରମଣୀ ଯେନା , ଜ୍ୟୋତିର୍ମ ୟ ପଣ୍ଡା ,ସନ୍ତୋଷ ପଣ୍ଡା, ବଳରାମ ନାୟକ , ଅଭିରାମ ଯେନା , ସାଇବ ପଣ୍ଡା ପ୍ରମୁଖ ଯୋଗଦାନ କରିଥିଲେ ।

..........
0
275 views    0 comment
0 Shares

ଆନନ୍ଦପୁର:ଗରିବଙ୍କ ପାଇଁ ସରକାର କରୁଛନ୍ତି ଅନେକ ଯୋଜନା ହେଲେ ତାହା କେତେଦୂର କାର୍ଯ୍ୟକାରୀ ହେଉଛି ତାହା ନଦେଖିଲେ ବିଶ୍ୱାସ କରିହେବ ନାହିଁ। ଏକ ପୁସ୍ତକର ମଲାଟ୍ ପରୀ ସବୁ ଉପରେ ଚିକ ଚିକ ହେଲେ ଭିତରେ ସବୁ ଗୋଳ ମାଳିଆ।

କିଛି ଏମିତି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘଷିପୁରା  ବ୍ଲକ୍ ଖାଳିଆମେଣ୍ଟା ପଞ୍ଚାୟତ ଧାଉଡିହା ଗ୍ରାମରେ।  ପଞ୍ଚାୟତରେ ଥିବା ଜଣେ ଅସହାୟ  ଦିନମଜୁରିଆ ଏବଂ ତାର ପତ୍ନୀ ଓ ପୁଅ ନିଜ ଭାଗ୍ୟକୁ ଆଦରି ଦୀର୍ଘ  ବର୍ଷ ହେଲା ଭଙ୍ଗା,ଦଦରା

ଘରେ ପଲିଥିନ୍‌ ଟାଙ୍ଗୀ ପଡ଼ିରହିଛନ୍ତି। 'ଯେତେ ଗୁହାରି କଲେ ବି ଶୁଣୁ ନାହାନ୍ତି ସରପଞ୍ଚ କି ସରକାରୀ ବାବୁ।ଥିଲା ବାଲାଙ୍କୁ ମିଳୁଛି ଆବାସ ନଥିଲାବାଲାଙ୍କୁ ସାହା ଖୋଲା ଆକାଶ। ଖାଳିଆମେଣ୍ଟା ପଞ୍ଚାୟତକୁ  ଦେଖି ଏହି ପଞ୍ଚାୟତ ଉନ୍ନତି ର ଶୀର୍ଷ ରେ ପହଞ୍ଚିବା ପ୍ରାୟ ଭୁଲ ହେବ।ଲୋକଙ୍କୁ ନେଇ ପଞ୍ଚାୟତ ଓ ସେହି ପଞ୍ଚାୟତ ପାଇଁ ଏହି କାର୍ଯ୍ୟାଳୟ ସେମାନେ କେମିତି ରହୁଛନ୍ତି? ଆପଣ ଭାବୁଥିବେ ସେମାନେ ବହୁତ ଖୁସି ରେ ଥିବେ କିନ୍ତୁ କଥାଟା ପୁରା ଓଲଟା, ସେହି ପଞ୍ଚାୟତର ଅସହାୟ ଶ୍ରମଜୀବୀ ନାରାୟଣ ଚନ୍ଦ (୬୬) ଙ୍କ ଘରକୁ ଦେଖିଲେ ଜାଣିପାରିବେ, ଘର ଅବସ୍ତା ଦେଖିଲେ ଏଠି ଯେ ମଣିଷ ରହିବା ଅସମ୍ଭବ ଏହା ଆପଣ ଠିକ୍ ବୁଝିପାରୁଥିବେ,କିନ୍ତୁ ଏହି ଘରେ ସିଏ ଆଉ ତାଙ୍କ ପତ୍ନୀ ଏବଂ ପୁଅ  ଦୀର୍ଘ ବର୍ଷ ଧରି ରହିଆସୁଛନ୍ତି।କେତେବେଳେ ଉପରୁ ଖରା ପଡୁଛି ତ କେତେବେଳେ ବର୍ଷା ଏପଟେ ସାପ ବେଙ୍ଗ ପରି ଅନେକ ଜୀବଜନ୍ତୁ ଘରେ ପଶି ଯାଉଛନ୍ତି। ବହୁ ଦୁଃଖ କଷ୍ଟରେ କାଳାତିପାତ କରୁଛନ୍ତି ନାରାୟଣଙ୍କ ପରିବାର। ମୁଲମଜୁରି ଲାଗି ଯାହା ରୋଜଗାର କରନ୍ତି ସେଥିରେ ଦୁଇ ଓଳି ଦୁଇ ମୁଠା ଖାଇବା ମଧ୍ୟ କଷ୍ଟକର,ତେଣୁ ସେ ଘର ଖଣ୍ଡିଏ କରିବା ପାଇଁ ଅସମର୍ଥ ହୋଇଥିବାରୁ ଭାଗ୍ୟକୁ ଆଦରି ପଡିରହିଛନ୍ତି। ସରପଞ୍ଚଙ୍କ ପାଖକୁ ଗଲେ ସେ କହୁଛନ୍ତି ବିଡିଓଙ୍କ ପାଖକୁ ଯାଅ, ଆଉ ବିଡିଓଙ୍କ ପାଖକୁ ଗଲେ ସେ କହୁଛନ୍ତି ସରପଞ୍ଚଙ୍କୁ କୁହ। ଏଠି ପ୍ରଶ୍ନ ଉଠୁଛି ଏମିତି ଦାଇତ୍ୱହୀନ ଉତ୍ତର ଦେଲେ ସାଧାରଣ ଗରିବ ଲୋକଟିଏ ନିଜର ଅସୁବିଧା ଜଣେଇବ କାହାକୁ?? ସବୁଠାରୁ ବଡ଼ କଥା ହେଲା ମହିଳା ସରପଞ୍ଚ ଥିବା ବେଳେ, ଶାସନ ଭାର ସମ୍ଭାଳୁଛନ୍ତି ତାଙ୍କ ସ୍ବାମୀ, ଅର୍ଥାତ୍ ଏଠି ଚାଲିଛି ସ୍ବାମୀ ସରକାର।  ସୂଚନା ଅନୁସାରେ ତାଙ୍କର ଆବାସ ଯୋଜନାରେ ଘର ଆସିଥିଲା କିନ୍ତୁ ଚଂଚକତା କରାଯାଇ ଏବଂ ରାଜନୈତିକ ଆକ୍ରୋସ ମୂଳକ ଭାବେ ତାଙ୍କୁ ଲିଷ୍ଟ ରୁ କାଟି ଦେଇଥିବା ନାରାୟଣଙ୍କ ପରିବାର ଅଭିଯୋଗ କରିଛନ୍ତି।ଯାହାକୁ ନେଇ ପୂର୍ବରୁ ବିଡ଼ିଓ ଙ୍କୁ ଦେଖାକରି ଅଭିଯୋଗ କରିଥିବା ବେଳେ ଏବେ ଆନନ୍ଦପୁର ଉପଜିଲ୍ଲାପାଳ ଗୋପୀନାଥ କୁଅଁରଙ୍କୁ ଭେଟି ଅଭିଯୋଗ କରିଛନ୍ତି।ଏବଂ ଆନନ୍ଦପୁର ଉପଜିଲ୍ଲାପାଳ ଶ୍ରୀ କୁଅଁର ଅଭିଯୋଗ ଗ୍ରହଣ କରିବା ସହିତ ସମସ୍ୟର ସମାଧାନ କରିବାକୁ ପ୍ରତିଶ୍ରୁତି ଦେଇଛନ୍ତି।ପଞ୍ଚାୟତ ରେ ଅନେକ ସମସ୍ୟା ରହିଥିବାବେଳେ ପ୍ରକୃତ ହିତାଧିକାରୀ ସରକାର ଙ୍କ ବିଭିନ୍ନ ଯୋଜନାରୁ ବାଦ ପଡୁଥିବା ଏବଂ ଅଯୋଗ୍ୟ ହିତାଧିକାରୀ ହାତ ଗୁଂଜା ଏବଂ ଶାସକ ଦଳର ନେତାଙ୍କୁ ଧରି ଯୋଜନା ହାତଉଥିବା ଅଭିଯୋଗ ହୋଇଛି ଏପରିକି ଲାଞ୍ଚ  ନଦେଲେ ଏବଂ କେବଳ ଶାସକ ଦଳର କର୍ମୀ ମାନଙ୍କୁ ଯୋଜନାରେ ସାମିଲ କରାଯାଉଥିବା ନାରାୟଣଙ୍କ ପରିବାର ସମେତ ଅନେକ ବାଦ ପଡିଥିବା ହିତାଧିକାରୀ ଅଭିଯୋଗ ଆଣିବା ସହିତ ସାଧାରଣ ରେ ଏନେଇ ଚର୍ଚ୍ଚା ମଧ୍ୟ ହେଉଥିବା ଶୁଣିବାକୁ ମିଳୁଛି। ଏଠି ସବୁଠାରୁ ବଡ଼ ପ୍ରଶ୍ନ କାହା ଛତ୍ରଛାୟା ତଳେ ଏହି ପଞ୍ଚାୟତ ର ସରପଞ୍ଚ ଏବଂ ସରକାରୀ ବାବୁ। ଘଷିପୁରା ନିର୍ବାଚନ ମଣ୍ଡଳୀର କୌଣସି ଦଳୀୟ ନେତା ନା କୌଣସି ପ୍ରଶାସନିକ ଅଧିକାରୀ? ଯେଉଁଥିପାଇଁ ଲୋକଙ୍କ ସମସ୍ୟା ନବୁଝି ମଧ୍ୟ ସେ ରହିଛନ୍ତି ଅଚିନ୍ତା ରେ,ଖାଲି ସେତିକି ନୁହଁ ପଞ୍ଚାୟତ ରେ ବିଭିନ୍ନ ପ୍ରକାର ସମସ୍ୟା ଥିବାବେଳେ ସାଧାରଣ ଗରିବ ଲୋକଟି ଡରରେ ସାହସ କରିପାରୁ ନାହିଁ କିଛି କହିବାକୁ କାରଣ ସବୁ ହର୍ତ୍ତାକର୍ତ୍ତା ଦଇବ ବିଧାତା ହେଉଛନ୍ତି ଶାସକ ଦଳର ନେତା ଓ କର୍ମୀ। ଏପଟେ କିଛି କହିଲେ ବିଭିନ୍ନ ସରକାରୀ ଯୋଜନାରୁ ବାଦ ପଡିଯିବାର ଭୟ ଏମିତି ଲୋକଙ୍କ ସମସ୍ୟା କୁ ଅଣଦେଖା କରା ଯାଉଥିବା ବେଳେ  ଆଗାମୀ ଦିନରେ ପଞ୍ଚାୟତବାସୀ ଆଗାମୀ ପଞ୍ଚାୟତ ନିର୍ବାଚନ ରେ ଉଚିତ ଜବାବ ଦେବେ ବୋଲି ସାଧାରଣ ରେ ଚର୍ଚ୍ଚା ଜୋର୍ ଧରିଛି। ତେବେ ଦେଖିବାକୁ ବାକି ରହିଲା ଏହି ଅସହାୟ ଶ୍ରମଜୀବୀ ନାରାୟଣ ଙ୍କ ପରିବାରକୁ ଘର ମିଳୁଛି କେବେ ଏବଂ ତାଙ୍କ ପରି ବାଦ ପଡିଥିବା ଉକ୍ତ ପଂଚାୟତ ର ହିତାଧିକାରୀଙ୍କ ଦୁଃଖ ଲାଘବ ହେଉଛି କେବେ? ।

..........
8
530 views    0 comment
6 Shares


ଆନନ୍ଦପୁର,୨୩। ହୁ ହୁ ହୋଇ ତୈଳ,ରନ୍ଧନଗ୍ୟାସ ସାମଗ୍ରିର ଦରବୃଦ୍ଧି ପାଉଥିବାରୁ ଏଥିପାଇଁ କେନ୍ଦ୍ର ସରକାରଙ୍କୁ ଦାୟୀ କରିଛି ବିଜେଡି ।

ଆନନ୍ଦପୁର ସଦର ସମେତ ବ୍ଲକ ବିଜୁ ଜନତା ଦଳ ତରଫରୁ ବ୍ଲକ ଏବଂ ପୋୖରପାଳିକା କାର୍ଯ୍ୟାଳୟ ସମ୍ମୁଖରେ ପ୍ରତିବାଦ ସଭା କରାଯାଇଥିଲା ।

ବିଜେଡିର କର୍ମୀ ମାନେ ରାଲି ରେ ଯୋଗ ଦେଇଥିଲେ । କେନ୍ଦ୍ର ସରକାର ଦରଦାମକୁ ନିୟନ୍ତ୍ରଣରେ ରଖିପାରୁନାହାନ୍ତି ବୋଲି ଅଭିଯୋଗ କରିଥିଲେ ଆନ୍ଦୋଳନକାରୀ ।

ଆନନ୍ଦପୁର ସହର  ପରିକ୍ରମା କରି ଏକ ବିଶାଳ ରାଲି ରେ ବାହାରି  କର୍ମି ଓ କାର୍ଯ୍ୟକର୍ତ୍ତା ମାନେ ବ୍ଲକ ଅଫିସ ଏବଂ ପୋୖରପାଳିକା କାର୍ଯ୍ୟାଳୟ ଆଗରେ ପହଞ୍ଚି ଥିଲେ । ଅଘଟଣକୁ ଆଖି ଆଗରେ ରଖି ପୋଲିସ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରିଥିଲା ଏହି ପ୍ରତିବାଦ ସଭାରେ ଆନନ୍ଦପୁର ବିଧାୟକ ଭାଗୀରଥି ସେଠୀ ଯୋଗଦେଇଥିବା

ବେଳେ ବିଜେଡି ଯୁବ ନେତା ତଥା ଜିଲ୍ଲା ଯୁବ ବିଜେଡି ସଭାପତି ରାକେଶ କୁମାର ରାମ (ବାପି)ଙ୍କ ନେତୃତ୍ୱରେ ଶହଶହ ବିଜେଡି ଯୁବ,ଛାତ୍ର ବିଜେଡି କର୍ମୀ ଯୋଗଦେଇ କାର୍ଯ୍ୟକ୍ରମ କୁ ସଫଳ କରିଥିଲେ।

ଏଥିରେ ବିଜେଡି ର ବାରିଷ୍ଠ ନେତା ସତ୍ୟନନ୍ଦ ମିଶ୍ର,ବାବୁନା ପଟ୍ଟନାୟକ, ସୁଶୀଲ ହୋତା ପ୍ରମୁଖ ଯୋଗଦେଇଥିଲେ।।

..........
18
571 views    0 comment
7 Shares


କେନ୍ଦୁଝର। କଠିନ ପରିଶ୍ରମ ଓ ନିଷ୍ଠା ବଳରେ ସବୁକିଛି ସମ୍ଭବ ହୋଇପାରେ ବୋଲି  ପ୍ରମାଣିତ କରିଛନ୍ତି ଚମ୍ପୁଆର ୧୩ ବର୍ଷର ଝିଅ ସାଇ ସୁମନ ହୋତା । ବାପା ମାନସ ରଞ୍ଜନ ହୋତା ପେଶାରେ ଜଣେ ଡାକ୍ତର। ମା ସାଇ ସମ୍ମିତା ହୋତା ଜଣେ ଓଡ଼ିଶା ପ୍ରଶାସନିକ ଅଧିକାରିଣୀ । ଯିଏ ଚମ୍ପୁଆ ରେ ତହସିଲଦାର ଭାବେ କାର୍ଯ୍ୟରତ ।

ବାପା ମା ଦୁହେଁ ବ୍ୟସ୍ତ ବହୁଳ ଜିବନ ରୁ ସମୟ ବାହାର କରି ଝିଅକୁ ଦେଇଥାନ୍ତି । ତା ପରେ ବି ଝିଅ ନିଜ ମାଉସି ପାଖରେ (କାମାକ୍ଷାନଗର ରେ ) ରହି ପାଠ ପଢା କରନ୍ତି ।

ବାପା ବଡ଼ବିଲ ରେ ଡାକ୍ତର ଥିବାରୁ ଝିଅ ସାଇ ସୁମନ ବଡ଼ବିଲ ସ୍ଥିତ ଜିନ୍ଦଲ ସ୍କୁଲରେ ନବମ ଶ୍ରେଣୀରେ ପାଠ ପଢନ୍ତି । ମାଉସୀ ଘରେ ରହି ଅନଲାଇନରେ ପାଠ ପଢୁଥିବା ବେଳେ ଅନଲାଇନ ରେ ସର୍ବଭାରତୀୟ ସ୍ତରରେ ଇଂରାଜି ଏକ ରଚନା ABC of life is always be cheerfull ବିଷୟରେ ୯୦ ମିନିଟରେ ୧୫୦୦ ୱାଡ ଭିତରେ ଲେଖିବା ପାଇଁ ଆସିଥିବା ନିମନ୍ତ୍ରଣ କୁ ଆବେଦନ କରି ଚଳିତ ୭ ତାରିଖ ଅନଲାଇନ ପରୀକ୍ଷା ଦେଇଥିଲେ । ଯେଉଁଥିରେ ୩ଟି ବର୍ଗ ଥିଲା । ସେଥିମଧ୍ୟରୁ ଗତ କାଲି ଦିତୀୟ ବର୍ଗ ରେ ସେ ୨ ୟ ସ୍ଥାନ ଅଧିକାର କରିଥିଲେ । 

ଏଥିରେ ସେ ବହୁତ ଖୁସି । ତାଙ୍କ ପରିଶ୍ରମର ସମସ୍ତ ଶ୍ରେୟ ସେ ତାଙ୍କ ପରିବାରକୁ ଦେଇଛନ୍ତି । ଆଗକୁ ସେ ପାଠ ପଢ଼ୀ ଭାରତୀୟ  ପ୍ରଶାସନିକ ସେବା ରେ ଯୋଗ ଦେବାକୁ ଚାହାଁନ୍ତି ।

..........
1
171 views    0 comment
0 Shares


ଆନନ୍ଦପୁର:ବିଜେପି ନଦୀ ସୁରକ୍ଷା ସମିତି (ନମାମି ଗଙ୍ଗେ) ଆନୁକୁଲ୍ୟରେ ଆସନ୍ତା ନଭେମ୍ବର ୧୯ ତାରିଖ ଦିନ  ସକାଳ ୬ ଘଟିକା ସମୟରେ ଆନନ୍ଦପୁର ବ୍ଲକ ଅନ୍ତର୍ଗତ ଟୁକୁଣା ଗ୍ରାମ ଠାରେ ପବିତ୍ର କାର୍ତ୍ତିକ ସ୍ନାନ ପୂର୍ଣିମା ଅବସରରେ ବୋଇତ ବନ୍ଦାଣ ଉତ୍ସବ ମହାସମାରୋହରେ ପାଳନ ହେବାକୁ ଯାଉଛି। ଉକ୍ତ କାର୍ଯ୍ୟକ୍ରମରେ ବିଜେପି ରାଜ୍ୟ ମୁଖପାତ୍ର ତଥା ବରିଷ୍ଠ ନେତା ଶ୍ରୀମାନ ସତ୍ଯବ୍ରତ ପଣ୍ଡା ମୁଖ୍ଯ ଅତିଥି ଭାବେ ଯୋଗଦାନ କରି କାଯ୍ୟକ୍ରମ କୁ ଉଦଘାଟନ କରିବେ ।ଅନ୍ୟ ମାନଙ୍କ ମଧ୍ୟରେ ବିଜେପି ନଦୀ ସୁରକ୍ଷା ସମିତି (ନମାମି ଗଙ୍ଗେ) ର ରାଜ୍ୟ ସଭାପତି ଶ୍ରୀ ମହେଶ୍ଵର ସାହୁ ମୁଖ୍ୟ ପୁରୋଧା ଭାବେ ଯୋଗଦାନ କରିବେ। ବିଜେପି ରାଜ୍ୟ କାର୍ଯ୍ୟାକାରିଣୀ ସଦସ୍ୟ ଶ୍ରୀ ପୃଥିରାଜ କୁଅଁର ଓ ଆଲୋକ କୁମାର ସେଠୀ, ବିଜେପି ଅନୁସୂଚିତ ଜାତି ମୋର୍ଚ୍ଚା ରାଜ୍ଯ ଉପସଭାପତି ଶ୍ରୀ ହେମନ୍ତ କୁମାର ମଲ୍ଲିକ, ନମାମି ଗଙ୍ଗେ ଜିଲ୍ଲା ସହସଂଯୋଜକ ଶ୍ରୀ ଗୋଲକ ଜେନା, ବିଜେପି ଜିଲ୍ଳା ଉପସଭାପତି ଶ୍ରୀ ନିରାକାର ଦଳେଇ, ବିଜେପି ଜିଲ୍ଳା ସାଧାରଣ ସମ୍ପାଦକ ଶ୍ରୀ ଜ୍ଞାନ ରଞ୍ଜନ ସାମନ୍ତସିଂହାର ପ୍ରମୁଖ ଙ୍କ ସମେତ ଶତାଧିକ କାର୍ଯ୍ୟକତା ଯୋଗଦାନ କରିବେ।

..........
0
197 views    0 comment
0 Shares

କେନ୍ଦୁଝର:-ଜାତୀୟ ପ୍ରେସ ଦିବସ ଅବସର ରେ ଆଜି କେନ୍ଦୁଝର ଦରବାର ହଲ ଠାରେ ଜିଲ୍ଲା ପ୍ରଶାସନ ପକ୍ଷରୁ ଏକ ଜାତୀୟ ପ୍ରେସ ଦିବସ ସମାରୋହ ଅନୁଷ୍ଠିତ ହୋଇଯାଇଅଛି । ଏହି ସଭା କାର୍ଯ୍ୟ ପ୍ରଥମେ ମହାପ୍ରଭୁ ବଳଦେବଜୀଉ ଓ ମା ତାରିଣୀ ଙ୍କ ଫଟୋ ନିକଟ ରେ ପ୍ରଦୀପ ପ୍ରଜଳନ କରି ମହାମାରୀ କୋଭିଡ୍ ସମୟ ରେ ପ୍ରାଣ ହରାଇଥିବା ସାମ୍ବାଦିକ ମାନଙ୍କୁ ମନେ ପକାଇ ଗୋଟାଏ ମିନିଟ ନୀରବ ପ୍ରାର୍ଥନା କରାଯାଇଥିଲା । ଆଜିର ଏହି ସଭା କାର୍ଯ୍ୟ ଜିଲ୍ଲାପାଳ ଆଶିଷ ଠାକରେ  ସଭାପତିତ୍ଵ କରିଥିବା
ବେଳେ ଡେପୁଟି ଡ଼ାଇରେକ୍ଟର ଆଇ ଆଣ୍ଡ ପିଆର ସଂଜୀବ ବାରିକ             ପରିଚାଳାନା କରିଥିଲେ । କେନ୍ଦୁଝର ପ୍ରେସ କ୍ଲବ ସଭାପତି ସତ୍ୟ ନାରାୟଣ ମିଶ୍ର, ସମ୍ପାଦକ ଜିତେନ୍ଦ୍ର ପଟ୍ଟନାୟକ ଯୋଗ ଦେଇ ନିଜର ଅଭିଭାଷଣ ରଖିଥିଲେ । ଦୀନକୁ ଦିନ ସାମ୍ୱାଦିକ ମାନେ ଆକ୍ରୋଶ ର ଶିକାର ହେଉଛନ୍ତି ଏଥିପ୍ରତି କେନ୍ଦ୍ର ଏବଂ ରାଜ୍ୟ ସରକାର ଉଭୟ ସାମ୍ବାଦିକ ସୁରକ୍ଷା ଆଇନ ପ୍ରଣୟନ କରିବାକୁ ଦାବୀ କରିଛନ୍ତି । ପ୍ରେସ କ୍ଲବ ସମ୍ପାଦକ ଜିତେନ୍ଦ୍ର ପଟ୍ଟନାୟକ କହିଥିଲେ ଯେ କୋଭିଡ ସମୟରେ ସାମ୍ବାଦିକ ମାନେ ନିଜ କର୍ତ୍ତବ୍ୟ କରୁଥିବା ସମୟରେ  ଜିଲା ପ୍ରଶାସନ ଓ ପୋଲିସ ପ୍ରଶାସନ ଯେପରି ସାମ୍ବାଦିକ ମାନଙ୍କୁ ଦୁର୍ବ୍ୟବହାର କରିଥିଲେ ସେନେଇ କ୍ଷଭ ପ୍ରକାଶ କରିଥିଲେ, କୋଭିଡ ସମୟରେ ସାମ୍ବାଦିକ ମାନଙ୍କ ଭୂମିକା କୁ ନେଇ ଜିଲ୍ଲାପାଳ ପ୍ରଶଂସା କରିଥିଲେ । ଏହି କାର୍ଯ୍ୟକ୍ରମ ରେ ଜିଲ୍ଲା ର ବହୁ ସାମ୍ବାଦିକ ଯୋଗ ଦେଇଥିଲେ ।

..........
17
139 views    0 comment
1 Shares

4
600 views    0 comment
0 Shares

କେନ୍ଦୁଝର: ୪ ଦଫା ଦାବି ନେଇ ବିଜେପି ଏସ ପି ଅଫିସ ଘେରାଓ, ବାରିକେଟ ଭାଙ୍ଗିଲେ ବଜେପି କର୍ମୀ, ପୋଲିସର ଲାଠି ଚାର୍ଜ, ୪ଗୁରୁତର , ମୁଣ୍ଡ ଫାଟି ଜଣେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି, ପୋଲିସ ଉପରକୁ ଅଣ୍ଡା ମାଡ଼, ମହିଳା କର୍ମୀଙ୍କ ଉପରେ ପୁରୁଷ ପୋଲିସ ହାତ ଉଠାଈଥିବା ଅଭିଯୋଗ, ବିଜେପି ଜିଲା ସଭାପତିଙ୍କ ଓ ଜିଲା ମହିଳା ସଭାପତିଙ୍କ ସହ ୧୨ ଗିରଫ । ସୂଚନାଯୋଗ୍ୟ ଯେ ୪ ଦଫା ଦାବି ନେଇ ବିଜେପି ଯୁବମୋର୍ଚ୍ଚା ପକ୍ଷରୁ କେନ୍ଦୁଝର ଏସ.ପି ଅଫିସ ଘେରାଉ କରାଯାଇଛି । ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡରେ ସଂପୃକ୍ତ ଗୃହ ରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର ଙ୍କ ଇସ୍ତଫା। ବିରୋଧୀ ଦଳ ମୁଖ୍ୟ ସଚେତକ ଏବଂ କେନ୍ଦୁଝର ସଦର ବିଧାୟକ ମୋହନ ମାଝୀ ଙ୍କ ଉପରେ ବୋମା ଆକ୍ରମଣ କରିଥିବା ମୁଖ୍ୟ ଅଭିଯୁକ୍ତର ଗିରଫଦାରୀ ।ଆଦିବାସୀ ଲୋକଙ୍କ ପାଇଁ ସ୍ବର ଉଠାଇ ମିଛକେସ୍ ରେ ଗିରଫ ହୋଇଥିବା ଯୁବନେତା ମୁନା ପୂର୍ତ୍ତି ଙ୍କ ନିଶର୍ତ୍ତ ରେ ଖଲାସ୍ । ଜିଲ୍ଲାରେ ଲଗାତାର ୪ ଦିନରେ ୪ ଟି ଦୁଷ୍କର୍ମ ଏବଂ ହତ୍ୟା ଘଟଣା | ପଛରେ ଜିଲ୍ଲା ପ୍ରଶାସନର ଅପାରଗତା ବିରୋଧରେ ଏବଂ ଅପରାଧ ନିୟନ୍ତ୍ରଣରେ ଫେଲ୍ ମାରିଥିବା କେନ୍ଦୁଝର ଏସ୍.ପି ଏବଂ ଜିଲ୍ଲାପାଳଙ୍କ ବଦଳି ଆଦି ଦାବି ନେଇ ବିଜେପି ପକ୍ଷରୁ ଏସ.ପି ଅଫିସ ଘେରାଓ କରାଯାଇଛି । ବିଭିନ୍ନ ଜିଲ୍ଲାରେ ଆନ୍ଦୋଳନ ଯୋରଦାର ହେଉଥିବାରୁ ଏହାକୁ ଆଖି ଆଗରେ ରଖି ଜିଲ୍ଲା ପୋଲିସ ପକ୍ଷରୁ ମାଜିଷ୍ଟ୍ରେଟଙ୍କ ଉପସ୍ଥିତି ସହ ୧୫ ପ୍ଲାଟୁନ ପୋଲିସ ଓ ୩ ପ୍ଲାଟୁନ ହୋମଗାର୍ଡ ନିୟୋଜିତ ହୋଇଛି । ଏଥି ସହ ୯୮ ଜଣ ଅଫିସର ମଧ୍ୟ ନିୟୋଜିତ ହୋଇଛନ୍ତି । ବହୁ ସଂଖ୍ୟାରେ କର୍ମୀଙ୍କ ଉପସ୍ଥିତି ହେବାର ସମ୍ଭାବନା ଥିବା ଓ କାଳେ ଗେଟ ଓ ପାଚେରୀ ଡେଇଁ କର୍ମି ମାନେ ଅଫିସକୁ ଧସେଇ ପଶିଯିବେ ଆଶଙ୍କା କରି ସବୁଆଡେ କଣ୍ଟା ତାର ବାଡ ରେ ପାଚେରୀକୁ ଘେରାଉ କରାଯାଇଛି । ଏଥି ସହ ବ୍ୟାରିକେଟ ର ମଧ୍ୟ ବ୍ୟବସ୍ଥା କରାଯାଇ ଥିଲେବି ବିଜେପି କର୍ମୀ ମାନେ ବାରିକେଟ ଭାଙ୍ଗି ଏସ.ପି ଙ୍କ କାର୍ଯ୍ୟାଳୟ ଭିତରକୁ ଧସେଇ ପଶିବାକୁ ଉଦ୍ୟମ କରିଥିଲେ । ବିଜେପି କର୍ମୀଙ୍କୁ ଘଉଡାଇବାକୁ ଯାଇ ପୋଲିସ ଲାଠି ଚାର୍ଜ କରିଥିଲା । ଲାଠି ମାଡ଼ରେ ଜଣେ ନିରୀହ ଲୋକ ର ମୁଣ୍ଡ ଫାଟି ଥିବାବେଳେ ୪ ଜଣ ବିଜେପି କର୍ମୀ ଆହତ ହୋଇଛନ୍ତି । ବିଜେପି କର୍ମୀ ମାନେ ପୋଲିସ ଉପରକୁ ଅଣ୍ଡା ମାଡ଼ କରିଥିଲେ । ବାରିକେଟ ଭାଙ୍ଗିବା ସମୟରେ ମହିଳା କର୍ମୀ ମାନଙ୍କ ଉପରେ ପୁରୁଷ ପୋଲିସ ହାତ ଉଠାଇଥିବା ଅଭିଯୋଗ ହୋଇଛି । ବିଜେପି ଜିଲା ସଭାପତି ଏବଂ ମହିଳା ଜିଲା ସଭାପତିଙ୍କ ସମେତ ୧୨ ଜଣ ବିଜେପି ନେତାଙ୍କୁ ପୋଲିସ ଗିରଫ କରିଛି ।

..........
26
1281 views    0 comment
35 Shares

ଆନନ୍ଦପୁର:ଆଜି ସାଳବଣି ମଣ୍ଡଳ ଅନ୍ତର୍ଗତ ମୋଚିନ୍ଦା ପଂଚାୟତର ଖଡ଼ିପାଳ ଠାରେ ଏକ ମିଶ୍ରଣ ପର୍ବ ଓ କର୍ମୀ ସମ୍ମିଳନୀ ଅନୁଷ୍ଠିତ

ହୋଇଥିଲା।   ଏଥିରେ ବିଜେଡି ଓ କଂଗ୍ରେସ ର ପ୍ରାୟ ୭୦ କର୍ମୀ ବିଜେପି ନେତା ଶ୍ରୀଯୁକ୍ତ ଆଲୋକ କୁମାର ସେଠୀଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜେପି ରେ ନୂତନ କରି ସାମିଲ ହେଲେ।


छଦଳର ବରିଷ୍ଠ ନେତୃମଣ୍ଡଳୀ ଙ୍କ ସହ ମିଶି ସମସ୍ତଙ୍କୁ ଦଳୀୟ ଟୋପି ଓ ଉତ୍ତରୀୟ ଦେଇ ଦଳକୁ ସ୍ୱାଗତ କରାଯାଇଥିଲା| ଏଥିରେ ସର୍ବ ସମ୍ମତି କ୍ରମେ ଶ୍ରୀଯୁକ୍ତ ଟୁକୁନା କାହାଳିଙ୍କୁ ମୋଚିନ୍ଦ| ପଂଚାୟତର ସଭାପତି ,ଶ୍ରୀଯୁକ୍ତ ମହେଶ୍ୱର ବେହେରାଙ୍କୁ ଉପସଭାପତି,ଶ୍ରୀଯୁକ୍ତ ମୁନା ନାୟକଙ୍କୁ ସମ୍ପାଦକ,ଶ୍ରୀମତୀ କୁଞ୍ଜଲତା ନାୟକଙ୍କୁ ମହିଳା ମୋର୍ଚ୍ଚା ସଭାପତି ଓ ଶ୍ରୀମତୀ ଟୁନି ନାୟକଙ୍କୁ ଉପସଭାପତି ଭାବେ ନିର୍ବାଚିତ ହୋଇଥିଲେ ଏହି ବୈଠକରେ ପାଖାପାଖି ୧୭୦ଜଣ କାର୍ଯ୍ୟକର୍ତ୍ତା ଯୋଗଦାନ କରିଥିବା ବେଳେ ବିଜେପିର ବହୁ ବରିଷ୍ଠ ଓ ଯୁବ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।

..........
0
200 views    0 comment
0 Shares

ଆନନ୍ଦପୁର:ଆନନ୍ଦପୁର ମହାବିଦ୍ୟାଳୟ ରେ ତିନିଦିନ ଧରି ଚାଲିଥିବା କ୍ଲଷ୍ଟର ସ୍ତରୀୟ ଯୁବ ରେଡ଼ କ୍ରସ ତାଲିମ ଶିବିରରେ ମୁଖ୍ୟ ଅତିଥି ଭାବେ ଆନନ୍ଦପୁର ବିଧାୟକ ଭାଗିରଥି ସେଠୀ ଯୋଗଦେଇ ପ୍ରବନ୍ଦ ଓ ତର୍କ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ସ୍ୱେଚ୍ଛାସେବୀ ମାନଙ୍କୁ ପୁରସ୍କୃତ କରିଥିଲେ ଏହି ଉଦଯାପନୀ

ଉତ୍ସବରେ ମହାବିଦ୍ୟାଳୟ ର ଅଧ୍ୟକ୍ଷ ଡ଼. ଦିଲ୍ଲୀପ କୁମାର ଦାସ ପ୍ରାରମ୍ଭିକ ଅଭିଭାଷଣ ପ୍ରଦାନ କରିଥିଲେ ସମ୍ମାନୀତ ଅତିଥି ଭାବେ ପ୍ରାଧ୍ୟାପକ କୃଷ୍ଣଚନ୍ଦ୍ର ମହାନ୍ତ,ଡ଼.କମଳିନୀ

ପାଣିଗ୍ରାହୀ,ପ୍ରାଧ୍ୟାପକ ଶିବ ଚରଣ ବେହେରା, ଭଗବାନ ସାହୁ,ରମାକାନ୍ତ ନାୟକ ପ୍ରମୁଖ ଉପସ୍ଥିତ ଥିବାବେଳେ ଅଧ୍ୟାପକ ପ୍ରଫୁଲ୍ଲ କୁମାର ପଣ୍ଡା ଅତିଥି ପରିଚୟ ପ୍ରଦାନ କରିଥିବାବେଳେ ଅଧ୍ୟାପକ ରଘୁଦିପ୍ତୀ।

ନାୟକ ଧନ୍ୟବାଦ ଅର୍ପଣ କରିଥିଲେ ପ୍ରାରମ୍ଭରେ ପୁଷ୍ପଲତା ରାମ ସ୍ୱାଗତ ସଙ୍ଗୀତ ଗାନ କରିଥିଲେ ଯୁବ ରେଡ଼କ୍ରସର ପରାମର୍ଶଦାତା ଗୀତାଞ୍ଜଳୀ ମିଶ୍ର,ନିହାର ରଞ୍ଜନ ସାମଲ,ନରେନ୍ଦ୍ର କୁମାର ସାହୁ,ଚିନ୍ତାମଣି ବେହେରା, ମହେଶ୍ବର ପାତ୍ର ତଥା ସ୍ୱେଚ୍ଛାସେବୀ ମାନଙ୍କ ସହଯୋଗରେ ଉତ୍ସବଟି ସଫଳ ହୋଇଥିଲା ଆନନ୍ଦପୁର ପୋଲିସ ଷ୍ଟେସନ ଆଇ ଆଇସି ମନୋରଞ୍ଜନ ପ୍ରଧାନ, ରୋଡ଼ ସେଫ୍ଟଟି ଏବଂ ଆନନ୍ଦପୁର ଅଗ୍ନିଶମ ଅଧିକାରୀ ପ୍ରତାପ କୁମାର ସିଂ ଏବଂ ତାଙ୍କ ଟିମ ଦ୍ୱାରା ପ୍ରାକୃତିକ ବିପର୍ଯ୍ୟୟ ସମ୍ପର୍କରେ ସ୍ୱେଚ୍ଛାସେବୀ ମାନଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ ଏଥିରେ ଅନିତା ଦାସ,ଭାରତୀ ସାହୁ,ମନୋରମା ନାୟକ,ପ୍ରଣତି ପଟ୍ଟନାୟକ, ସଂଘମିତ୍ରା ରାଉତ,ଅଜିତ ଜେନା,ତପନ କୁମାର ବେହେରା,ପ୍ରଭାତ ସେଠୀ, ଡ଼. ନାରାୟଣ ମିଶ୍ର,ଅନନ୍ତ ଚରଣ ମହାନ୍ତି, ସ୍ଥିତପ୍ରଜ୍ଞା ଜେନା,ସୁରୁଚି ସ୍ୱାଇଁ,ବିଶ୍ୱଜିତ ରାଉତ,ଦିବ୍ୟଲୋଚନ ଭୂୟାଁ, ଦିବ୍ୟରଞ୍ଜନ ସାହୁ,ଦେବବ୍ରତ ରାମ,ମମତରାଣୀ ମିଶ୍ର,ସୁଲୋଚନା ସାହୁ,ଅନନ୍ତ ଚରଣ ସାହୁ,ଲକ୍ଷ୍ମୀଧର ପାତ୍ର, କେଶବ ଚନ୍ଦ୍ର ଜେନା,ସତ୍ୟନନ୍ଦ ନାଏକ,ଗୌରୀ ଚରଣ ପଣ୍ଡା,ପାର୍ଥ ସାରଥୀ ବେଜ ତଥା ମହାବିଦ୍ୟାଳୟ ର ଅଧ୍ୟାପକ, ଅଧ୍ୟାପିକା ଓ କର୍ମଚାରୀ କାର୍ଯ୍ୟକ୍ରମକୁ ପରିଚାଳନା କରିଥିଲେ ସର୍ବପ୍ରଥମେ ରେଡ଼କ୍ରସର ଜନକ ହେନେରୀ ଡୁନାଣ୍ଟଙ୍କୁ ପୁଷ୍ପମାଲ୍ୟ ଅର୍ପଣ କରି ସଭାକାର୍ଯ୍ୟ କୁ ସମ୍ପନ୍ନ କରାଯାଇଥିଲା।

..........
24
1529 views    0 comment
1 Shares

ଆନନ୍ଦପୁର। ଆନନ୍ଦପୁର ମହାବିଦ୍ୟାଳୟ ରେ ଯୁବ ରେଡ଼କ୍ରସ ସ୍ୱେଚ୍ଛାସେବୀ ମାନଙ୍କର ତାଲିମ ଶିବିରକୁ ମହାବିଦ୍ୟାଳୟ ର ଅଧ୍ୟକ୍ଷ ଡ଼. ଦିଲ୍ଲୀପ କୁମାର ଦାସ ପ୍ରଦୀପ ପ୍ରଜ୍ଜ୍ଵଳିତ କରି ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି।ଏହି ଉପଲକ୍ଷେ ମହାବିଦ୍ୟାଳୟ ର ସମ୍ମିଳନୀ

କକ୍ଷରେ ଏକ ଉଦଘାଟନୀ ସଭା ଅନୁଷ୍ଠିତ ହୋଇଥିଲା ଏହି ସଭାରେ ସମ୍ମାନୀତ ଅତିଥି ଭାବେ ପ୍ରାଧ୍ୟାପକ କୃଷ୍ଣଚନ୍ଦ୍ର ମହାନ୍ତ,ଡ଼. ନାରାୟଣ ମିଶ୍ର,ଅଧ୍ୟାପକ ଅନନ୍ତ ଚରଣ ମହାନ୍ତି,ଅଧ୍ୟାପକ ରଘୁଦିପ୍ତୀ ନାୟକ,ପ୍ରାଧ୍ୟାପକ ଶିବ ଚରଣ ବେହେରା, ଡ଼. କମଳିନୀ ପାଣିଗ୍ରାହୀ

, ଉମାକାନ୍ତ ନାୟକ,ଗୀତାଞ୍ଜଳୀ ମିଶ୍ର ପ୍ରମୁଖ ଉପସ୍ଥିତ ରହି ରେଡ଼ କ୍ରସ ସମ୍ବନ୍ଧରେ ସ୍ୱେଚ୍ଛାସେବୀ ମାନଙ୍କୁ ଉଦ୍ବୋଧନ ଦେଇଥିଲେ।ପ୍ରାରମ୍ଭରେ ଯୁବ ରେଡ଼କ୍ରସର ଉପଦେଷ୍ଟା ପ୍ରଫୁଲ କୁମାର ପଣ୍ଡା ସ୍ୱାଗତ ଭାଷଣ ପ୍ରଦାନ କରିଥିବାବେଳେ ଭଗବାନ ସାହୁ ଧନ୍ୟବାଦ ଅର୍ପଣ କରିଥିଲେ ଓ ଡ଼. କମଳିନୀ ପାଣିଗ୍ରାହୀ ସଂଯୋଜନା କରିଥିଲେ ତିନିଦିନ ଧରି ଅନୁଷ୍ଠିତ ହେବାକୁ ଥିବା

ଏହି ଶିବିରର ପ୍ରଥମ ଦିବସରେ ଅଧ୍ୟାପକ ନିହାର ରଞ୍ଜନ ସାମଲ ରେଡ଼କ୍ରସର ଇତିହାସ ଏବଂ ଆନନ୍ଦପୁର ମେଡ଼ିକାଲର ଡ଼. ଉଦୟ ଭାସ୍କର ପଣ୍ଡା ସ୍ବେଚ୍ଛାକୃତ ରକ୍ତଦାନ ସମ୍ବନ୍ଧରେ ବକ୍ତବ୍ୟ ପ୍ରଦାନ କରିଥିଲେ ଏହି ଶିବିରରେ ଆନନ୍ଦପୁର ମହାବିଦ୍ୟାଳୟ ସମେତ କନକ ମଞ୍ଜରୀ

ମହାବିଦ୍ୟାଳୟ, କୁଶଳେଶ୍ୱର ଆଞ୍ଚଳିକ ମହାବିଦ୍ୟାଳୟ, ବଳଭଦ୍ର ନାରାୟଣ ସଂସ୍କୃତ ମହାବିଦ୍ୟାଳୟ ଟୁକୁଣା, ପତିତପାବନ ମହାବିଦ୍ୟାଳୟ ସାଇଁକୁଳ, ଗ୍ରାମ୍ୟ ପଞ୍ଚାୟତ ଡିଗ୍ରୀ ମହାବିଦ୍ୟାଳୟ ଶାଳବଣି ର ଯୁବ ରେଡ଼ କ୍ରସର ସ୍ୱେଚ୍ଛାସେବୀ

ଓ କାଉନସେଲର ଯୋଗଦେଇଥିଲେ ଅଧ୍ୟାପକ ମନୋରଞ୍ଜନ ପାଢ଼ୀ, ଚିନ୍ତାମଣି ବେହେରା,ଡ଼. ନିମାଇଁ ଚରଣ ରାଉତ ପ୍ରମୁଖ ତର୍କ ପ୍ରତିଯୋଗିତାରେ ବିଚାରକ ଭାବେ ଯୋଗଦେଇଥିବାବେଳେ ପୁଷ୍ପଲତା ରାମ ସ୍ୱାଗତ ସଙ୍ଗୀତ ଗାନ କରିଥିଲେ ଅପରାହ୍ନରେ ସ୍ୱେଚ୍ଛାସେବୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏହି କାର୍ଯ୍ୟକ୍ରମ କୁ ମହାବିଦ୍ୟାଳୟ ର ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ବୃନ୍ଦ ପରିଚାଳନା କରିଥିଲେ।

..........
32
519 views    0 comment
20 Shares

କେନ୍ଦୁଝର: କେନ୍ଦୁଝର ଶୁଆକାଠି ସ୍ଥିତ ଓଏମସି ଖଣିରେ ଶ୍ରମିକ ନିଯୁକ୍ତି, ଶୁଆକାଠି କୋ ଅପରେଟିଭ ସୋସାଇଟି ରେ ସଭ୍ୟପଦ ପାଇବା ନେଇ ଦୀର୍ଘ ଦିନ ଧରି ଆନ୍ଦୋଳନ କରିଥିଲେ, ଏନେଇ ଶ୍ରମିକ ନେତା ଖଗେଶ୍ୱର ପୂର୍ତ୍ତି ଜିଲ୍ଲା ପ୍ରଶାସନ ସମେତ ଲେବର କମିଶନର ଙ୍କ ଠାରେ ବାରମ୍ବାର ଅଭିଯୋଗ କରିବା ପରେ କୌଣସି ସୁଫଳ ନ ମିଳିବାରୁ ବାଧ୍ୟ ହୋଇ ଜାତୀୟ ଅନୁସୂଚିତ ଜନଜାତି ଆୟୋଗ ଠାରେ ଅଭିଯୋଗ କରିଥିଲେ, ଖଗେଶ୍ୱର ପୂର୍ତ୍ତି । ପୂର୍ତ୍ତିଙ୍କ ଅଭିଯୋଗ କୁ ଆଧାର କରି ଜାତୀୟ ଅନୁସୂଚିତ ଜନଜାତି ଆୟୋଗ କେନ୍ଦୁଝର ଜିଲାପାଳ ଆଶିଷ ଠାକରେ ଙ୍କ ସମେତ ଖଣି ନିର୍ଦେଶକ, ରାଜ୍ୟ ସମବାୟ ବିଭାଗ ମୁଖ୍ୟ, ଓଡିଶା ଖଣି ନିଗମ ର ଏମଡି ଙ୍କୁ ନୋଟିସ ଜାରି କରିଥିଲେ, କମିଶନ ରେ ଆଜି (୨୧.୧୦.୨୧) ହାଜର ହେବାକୁ ଥିବା ବେଳେ ପୋଲିସ ଚତୁରତାର ସହିତ ଶ୍ରମିକ ନେତା ଖଗେଶ୍ୱର ପୂର୍ତ୍ତିଙ୍କୁ ହାଜର ହେବା ପୂର୍ବରୁ ବିଭିନ୍ନ ସଙ୍ଗିନ କେଶ ରେ ଫସାଇ ଜେଲ କୁ ପଠାଇ ଦେଲେ , ଯାହାକୁ ନେଇ ଆଜି ବିଜେପି ଆଦିବାସୀ ମୋର୍ଚ୍ଚା ଏହାକୁ ବିରୋଧୀ କରି ଜିଲାପାଳଙ୍କ ଠାରେ ଫେରାଦ ହୋଇଛି।ଆଦିବାସୀଙ୍କ ସ୍ଵର କୁ ଚାପି ଦେବା ପାଇଁ କମିଶନ ସଦସ୍ୟଙ୍କ ତଦନ୍ତକୁ ବାଟବଣା କରିବା ପାଇଁ ପ୍ରଶାସନିକ କଳକୁ ବ୍ୟବହାର କରି ଆଦିବାସୀ ନେତା ଖଗେଶ୍ବର ପୂର୍ଭି କୁ ପୁରୁଣା କେସ ରେ ଆଧାର କରି ଗିରଫ କରାଯାଇ ଅଛି । ଏଣୁ ଆମ୍ଭେ ଅନୁରୋଧ କରୁକି ତୁରନ୍ତ ଖଗେଶ୍ବର ପୂର୍ଭି କୁ ଏହି ମିଛ କେସରେ ଛନ୍ଦା ନ ଯାଇ ଆଦିବାସୀଙ୍କୁ ନ୍ୟାୟ ପୂର୍ବକ ନିର୍ଦୋଷ ଖଗେଶ୍ୱର ଙ୍କୁ ସମ୍ମାନ ସହିତ ଛଡ଼ାଯାଉ । ନଚେତ ଆଗାମି ଦିନରେ କେନ୍ଦୁଝର ର ସମସ୍ତ ନିରୀହ ଆଦିବାସୀ ନିଜର ସମ୍ମାନ ଓ ଅଧିକାର ପାଇଁ ରାଜରାସ୍ତା କୁ ଓହ୍ଲାଇବ ବୋଲି ଜିଲ୍ଲା ବିଜେପି ଆଦିବାସୀ ମୋର୍ଚ୍ଚା ପକ୍ଷରୁ ଚେତାବନୀ ଦିଆଯାଇଛି ।

..........
0
453 views    0 comment
0 Shares

ଆନନ୍ଦପୁର ଏକ ପୁସ୍ତକର ମଲାଟ୍ ଚିତାକର୍ଷକ ବା ସୁନ୍ଦର ହୋଇଥିଲେ ଜଣେ ପାଠକ ଏହାକୁ କିଣିବାକୁ ବିଶେଷ ଭାବରେ ଆଗ୍ରହ ପ୍ରକାଶ କରିଥାଏ।


କିନ୍ତୁ ବହିର ପ୍ରୁଷ୍ଠା ଗୁଡିକ ମଲାଟ୍ ଅନୁସାରେ ସେତିକି ସୁନ୍ଦର ହୋଇନଥିଲେ, ପାଠକ କୁ ଦୁଖ ଲାଗିଥାଏ,, କିଛି ଏମିତି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ୍ ବେଲବାହାଳି ପଞ୍ଚାୟତରେ। 'ଚିକ୍ ଚିକ୍ କରୁଛି ପଞ୍ଚାୟତର କାର୍ଯ୍ୟାଳୟ ସତେ ଯେମିତି ରାଜ ଉଆସ। କିନ୍ତୁ ସେହି ପଞ୍ଚାୟତରେ ଥିବା ଜଣେ ଅସହାୟ ବିଧବା ମହିଳା ନିଜ ଭାଗ୍ୟକୁ ଆଦରି ଦୀର୍ଘ ୮ ବର୍ଷ ହେଲା ଭଙ୍ଗା

 ଘରେ ପଲିଥିନ୍‌ ଟାଙ୍ଗୀ ପଡ଼ିରହିଛନ୍ତି। 'ଯେତେ ଗୁହାରି କଲେ ବି ଶୁଣୁ ନାହାନ୍ତି ସରପଞ୍ଚ କି ସରକାରୀ ବାବୁ।ଥିଲା ବାଲାଙ୍କୁ ମିଳୁଛି ଆବାସ ନଥିଲାବାଲାଙ୍କୁ ସାହା ଖୋଲା ଆକାଶ। ବେଲବାହାଳି ପଞ୍ଚାୟତର କାର୍ଯ୍ୟାଳୟକୁ ଯାହା ବହିର ମଲାଟ୍ ପରି ଚିକ୍ ଚିକ୍ କରୁଥିବା ପଞ୍ଚାୟତ କାର୍ଯ୍ୟାଳୟ କୁ ଦେଖି ଏହି ପଞ୍ଚାୟତ ଉନ୍ନତି ର ଶୀର୍ଷ ରେ ପହଞ୍ଚିଥିବ, ଏଭଳି ଯଦି ଭାବୁଛନ୍ତି ତାହା ସମ୍ପୂର୍ଣ୍ଣ ଭୁଲ୍। ଏବେ ଚାଲନ୍ତୁ ଯେଉଁ ପୃଷ୍ଠା ଅର୍ଥାତ ଲୋକଙ୍କୁ ନେଇ ପଞ୍ଚାୟତ ଓ ସେହି ପଞ୍ଚାୟତ ପାଇଁ ଏହି କାର୍ଯ୍ୟାଳୟ ସେମାନେ କେମିତି ରହୁଛନ୍ତି? ଆପଣ ଭାବୁଥିବେ ସେମାନେ ବହୁତ ଖୁସି ରେ ଥିବେ କିନ୍ତୁ କଥାଟା ପୁରା ଓଲଟା, ସେହି ପଞ୍ଚାୟତର ଅସହାୟ ବିଧବା ମହିଳା ଶଙ୍ଖି ସାହୁ(୪୭) ଙ୍କ ଘରକୁ ଦେଖିଲେ ଜାଣିପାରିବେ, ଘର ଅବସ୍ତା ଦେଖିଲେ ଏଠି ଯେ ମଣିଷ ରହିବା ଅସମ୍ଭବ ଏହା ଆପଣ ଠିକ୍ ବୁଝିପାରୁଥିବେ,କିନ୍ତୁ ଏହି ଘରେ ସିଏ ଆଉ ତାଙ୍କ ପୁଅ ତାଙ୍କ ସ୍ଵାମୀ ମୃତ୍ୟୁବରଣ କରିବା ପରେ ଦୀର୍ଘ ୮ ବର୍ଷ ଧରି ରହିଆସୁଛନ୍ତି। ସ୍ଵାମୀ ମୃତ୍ୟୁବରଣ କରିବା ପୂର୍ବରୁ ତାଙ୍କର ଗୋଟିଏ ଝିଅ ର ବାହାଘର ସରିଯାଇଥିବା ବେଳେ, ବହୁ ଦୁଃଖ କଷ୍ଟରେ ଆଉ ଏକ ଝିଅ ର ବାହାଘର କରିଛନ୍ତି ଶଙ୍ଖି, ତାଙ୍କର ଏକ ମାତ୍ର ପୁଅ ମୁଲମଜୁରି ଲାଗି ଯାହା ରୋଜଗାର କରନ୍ତି ସେଥିରେ ଦୁଇ ଓଳି ଦୁଇ ମୁଠା ଖାଇବା ମଧ୍ୟ କଷ୍ଟକର,ତେଣୁ ସେ ଘର ଖଣ୍ଡିଏ କରିବା ପାଇଁ ଅସମର୍ଥ ହୋଇଥିବାରୁ ଭାଗ୍ୟକୁ ଆଦରି ପଡିରହିଛନ୍ତି। ସରପଞ୍ଚଙ୍କ ପାଖକୁ ଗଲେ ସେ କହୁଛନ୍ତି ବିଡିଓଙ୍କ ପାଖକୁ ଯାଅ, ଆଉ ବିଡିଓଙ୍କ ପାଖକୁ ଗଲେ ସେ କହୁଛନ୍ତି ସରପଞ୍ଚଙ୍କୁ କୁହ। ଏଠି ପ୍ରଶ୍ନ ଉଠୁଛି ଏମିତି ଦାଇତ୍ୱହୀନ ଉତ୍ତର ଦେଲେ ସାଧାରଣ ଗରିବ ଲୋକଟିଏ ନିଜର ଅସୁବିଧା ଜଣେଇବ କାହାକୁ?? ସବୁଠାରୁ ବଡ଼ କଥା ହେଲା ମହିଳା ସରପଞ୍ଚ ଥିବା ବେଳେ, ଶାସନ ଭାର ସମ୍ଭାଳୁଛନ୍ତି ତାଙ୍କ ସ୍ବାମୀ, ଅର୍ଥାତ୍ ଏଠି ଚାଲିଛି ସ୍ବାମୀ ସରକାର। ଅନ୍ୟପଟେ ଏ ସମ୍ପର୍କରେ ଶାସନ ଭାର ସମ୍ଭାଳୁଥିବା ସରପଞ୍ଚଙ୍କ ସ୍ବାମୀଙ୍କୁ ପଚାରିବାରୁ, ସେ କଣ ଉତ୍ତର ଦେଉଛନ୍ତି ସରକାରୀ ନିୟମ ଅନୁସାରେ ତାଙ୍କର ଲିଷ୍ଟ ଥିଲେ ଦିଆଯିବ।ଏପରି ଦାଇତ୍ୱହୀନ ମନ୍ତବ୍ୟ ଦେଉଛନ୍ତି ସରପଞ୍ଚଙ୍କ ସ୍ବାମୀ। ଏଠି ସବୁଠାରୁ ବଡ଼ ପ୍ରଶ୍ନ କାହା ଛତ୍ରଛାୟା ତଳେ ଏହି ସ୍ଵାମୀ ସରକାର ଆନନ୍ଦପୁର ନିର୍ବାଚନ ମଣ୍ଡଳୀର କୌଣସି ଦଳୀୟ ନେତା ନା କୌଣସି ପ୍ରଶାସନିକ ଅଧିକାରୀ? ଯେଉଁଥିପାଇଁ ଲୋକଙ୍କ ସମସ୍ୟା ନବୁଝି ମଧ୍ୟ ସେ ରହିଛନ୍ତି ଅଚିନ୍ତା ରେ,ଖାଲି ସେତିକି ନୁହଁ ପଞ୍ଚାୟତ ରେ ବିଭିନ୍ନ ପ୍ରକାର ସମସ୍ୟା ଥିବାବେଳେ ସାଧାରଣ ଗରିବ ଲୋକଟି ଡରରେ ସାହସ କରିପାରୁ ନାହିଁ କିଛି କହିବାକୁ କାରଣ ସବୁ ହର୍ତ୍ତାକର୍ତ୍ତା ଦଇବ ବିଧାତା ସରପଞ୍ଚ ଙ୍କ ସ୍ୱାମୀ ଏପଟେ କିଛି କହିଲେ ବିଭିନ୍ନ ସରକାରୀ ଯୋଜନାରୁ ବାଦ ପଡିଯିବାର ଭୟ ଏମିତି ଲୋକଙ୍କ ସମସ୍ୟା କୁ ଅଣଦେଖା କରୁଥିବା ସରପଞ୍ଚଙ୍କୁ ଆଗାମୀ ଦିନରେ ପଞ୍ଚାୟତବାସୀ ଆଗାମୀ ପଞ୍ଚାୟତ ନିର୍ବାଚନ ରେ ଉଚିତ ଜବାବ ଦେବେ ବୋଲି ସାଧାରଣ ରେ ଚର୍ଚ୍ଚା ଜୋର୍ ଧରିଛି।ତେବେ ସରପଞ୍ଚଙ୍କ ସ୍ବାମୀ ତିନି ମାସ ଭିତରେ ଘର ମିଳିବ ବୋଲି କହିଥିବା ବେଳେ କେବେ ଏହି ଅସହାୟ ବିଧବା ମହିଳାଙ୍କୁ ଘର ମିଳୁଛି, ତାହା ସମୟ କହିବ।

..........
58
2049 views    0 comment
1 Shares

ଆନନ୍ଦପୁର:ବୈଜ୍ଞାନିକ ମାନେ ପୃଥିବୀରେ ଅନେକ ଅସମ୍ଭବ କାର୍ଯ୍ୟକୁ ସମ୍ଭବ କରିଥିବା ବେଳେ ଏପର୍ଯ୍ୟନ୍ତ ରକ୍ତର କୌଣସି ବିକଳ୍ପ ସୃଷ୍ଟି କରି ପାରି ନାହାଁନ୍ତି ।

ତେଣୁ ରକ୍ତଦାନ କୁ ଏକ ମହତ ଦାନର ଆକ୍ଷା ଦିଆଯିବା ସହ ଏହାକୁ ସରକାରୀ ସ୍ତରରେ ପ୍ରୋତ୍ସାହନ ମଧ୍ୟ ଦିଆଯାଇ ଥାଏ। ଦେଶ ତଥା ରାଜ୍ୟରେ ପୂର୍ବରୁ ରକ୍ତ ଭଣ୍ଡାର ରେ ରକ୍ତ ଅଭାବ କାରଣରୁ ଅନେକ ଜୀବନ ଯାଇଥିଲା କିନ୍ତୁ ଏବେ ରକ୍ତଦାନ ପାଇଁ ଯୁବ ଗୋଷ୍ଠୀ

ନିଜ ଇଚ୍ଛାରେ ଆଗେଇ ଆସୁଥିବାରୁ ଆଉ ପୂର୍ବଭଳି ଜୀବନ ଯାଉ ନାହିଁ।ରକ୍ତଦାନ ପାଇଁ ଉତ୍ସାହିତ ହେବା ଏବଂ କ୍ୟାମ୍ପ କରି ରକ୍ତ ସଂଗ୍ରହ କରି ସରକାରଙ୍କ ରକ୍ତ ଭଣ୍ଡାର କୁ ପ୍ରଦାନ କରିବା ନିଶ୍ଚିତ ଭାବେ ଏକ ସ୍ୱାଗତ ଯୋଗ୍ୟ ପଦକ୍ଷେପ ।

ବିଭିନ୍ନ ସଙ୍ଗଠନ ପକ୍ଷରୁ ମଧ୍ୟ ଏଭଳି କ୍ୟାମ୍ପ କରାଯାଏ ଓ ଏହା ରକ୍ତ ଭଣ୍ଡାର କୁ ପ୍ରଦାନ କରାଯାଇଥାଏ।କିନ୍ତୁ ଘଷିପୁରା ନିର୍ବାଚନ ମଣ୍ଡଳୀରେ ଦୁଇ ପାରମ୍ପରିକ ବିରୋଧୀ

ତଥା ରାଜ୍ୟ ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ ଓ ବିଜେଡ଼ି ର ପୂର୍ବତନ ମନ୍ତ୍ରୀ ତଥା ଘଷିପୁରା ବିଧାୟକ ବଦ୍ରୀ ନାରାୟଣ ପାତ୍ର ମଧ୍ୟରେ ପଞ୍ଚାୟତ ନିର୍ବାଚନ ପୂର୍ବରୁ ଗୋଟେ ପ୍ରକାର ପ୍ରତିଯୋଗିତା ହେଉଥିବା ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି।ଗାନ୍ଧୀ ଜୟନ୍ତୀ ଅବସରରେ କଂଗ୍ରେସ ତରଫରୁ ଘଷିପୁରା କଂଗ୍ରେସ କାର୍ଯ୍ୟାଳୟ ଠାରେ ଏକ ରକ୍ତଦାନ ଶିବିର ଆୟୋଜନ କରାଯାଇଛି ଏଥିରେ ରାଜ୍ୟ ପ୍ରଦେଶ କଂଗ୍ରେସ କମିଟିର ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ ଯୋଗଦେଇଥିଲେ

।ଅପରପକ୍ଷରେ ବିଜେଡି ପ୍ରତିଯୋଗୀତରୁ ବାଦ ନପଡିବା ପାଇଁ ଠିକ ସେହିଦିନ ଘଷିପୁରା ନିର୍ବାଚନ ମଣ୍ଡଳୀରେ ଓଡିଶା ମୋ ପରିବାର ଆନୁକୂଲ୍ୟରେ ଏକ ରକ୍ତଦାନ ଶିବିର ଆୟୋଜିତ ହୋଇଛି।ଏହାକୁ ନେଇ ଏବେ ସ୍ଥାନୀୟ ବୁଦ୍ଧିଜୀବୀ ଓ ରାଜନୈତିକ ସମାଲୋଚକ ମାନଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି।ବୁଦ୍ଧିଜୀବୀ ଓ ସମାଲୋଚକ ମାନଙ୍କ କହିବା ଅନୁସାରେ ଘଷିପୁରା ନିର୍ବାଚନ ମଣ୍ଡଳୀରେ ବିଭିନ୍ନ ସମସ୍ୟା ରହିଥିବା ବେଳେ ତାକୁ ସମାଧାନ କରିବା ପାଇଁ ରକ୍ତ ସଂଗ୍ରହ ଭଳି କାନ୍ଧରେ କାନ୍ଧ ମିଶାଇ ଚାଲିଲେ ଘଷିପୁରା ନିର୍ବାଚନ ମଣ୍ଡଳୀର ଉନ୍ନତି ହୋଇପାରିବ।ଗାନ୍ଧୀ ଜୟନ୍ତୀ ଦିନ ରକ୍ତ ସଂଗ୍ରହ ପାଇଁ ଉଭୟ ଦଳ ପକ୍ଷରୁ ମୁଣ୍ଡ ପିଛା କିଛି ଟଙ୍କା ଦିଆଯାଇଥିବା ନେଇ ସାଧାରଣରେ ଚର୍ଚ୍ଚା ମଧ୍ୟ ହେଉଛି।ରକ୍ତ ସଂଗ୍ରହ ଏକ ସ୍ୱାଗତ ଯୋଗ୍ୟ ପଦକ୍ଷେପ କିନ୍ତୁ ଏହାକୁ ନେଇ ଉଭୟ ଦଳ ମଧ୍ୟରେ ଯେଉଁ ପ୍ରତିଯୋଗିତା ଘଷିପୁରା ନିର୍ବାଚନ ମଣ୍ଡଳୀରେ ଦେଖାଦେଇଛି ସେହିଭଳି ପ୍ରତିଯୋଗିତା ଲୋକଙ୍କ ସମସ୍ୟା କୁ ଦୂର କରିବା ପାଇଁ ଦେଖା ଦେଲେ ଏହା ନିର୍ବାଚନ ମଣ୍ଡଳୀ ପାଇଁ ଏକ ଶୁଭ ସଙ୍କେତ ହେବ ବୋଲି ବୁଦ୍ଧିଜୀବୀ ମାନେ ମତ ପ୍ରକାଶ କରିଛନ୍ତି।ଅନ୍ୟପଟେ ଏହି ପ୍ରତିଯୋଗିତାରେ ବିଜେପି ଦୂରରେ ରହିଥିବା ଦେଖାଯାଇଥିବା ବେଳେ ଆଗାମୀ ଦିନରେ ବିଜେପି ନେତାଙ୍କର ଆଭିମୁଖ୍ୟ କଣ ରହିବ ତାକୁ ନେଇ ସାଧାରଣ ରେ ପ୍ରଶ୍ନ ଉଙ୍କିମାରିଥିବା ବେଳେ ଘଷିପୁରା ନିର୍ବାଚନ ମଣ୍ଡଳୀର ଉନ୍ନତି ଦିଗରେ ସମସ୍ତ ରାଜନୈତିକ ଦଳ ଓ ନେତା ପ୍ରତିଯୋଗିତାକୁ ଦୂରରେ ରଖି ଘଷିପୁରା ନିର୍ବାଚନ ମଣ୍ଡଳୀର ସାମଗ୍ରିକ ବିକାଶ ଓ ମୌଳିକ ସୁବିଧା ସୁଯୋଗ ଜନସାଧାରଣ ଙ୍କୁ ଯୋଗାଇ ଦେବା ଲକ୍ଷରେ କାର୍ଯ୍ୟ କଲେ ଘଷିପୁରା ର ଉନ୍ନତି ହେବା ସହିତ ଜନସାଧାରଣ ଙ୍କ ଆସ୍ଥା ଭାଜନ ହୋଇପାରିବେ ବୋଲି ବୁଦ୍ଧିଜୀବୀ ଓ ସମାଲୋଚକଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି।

..........