कल्याण ग्रामीण मधील विद्यार्थी कु. सुजित सिंग याचा ५ किमी अंतर चालणे क्रीडाप्रकारात राष्ट्रीय स्तरावर निवड ,

कल्याण - क्रीडा युवक सेवा संचालनालय महाराष्ट्र राज्य पुणे,व जिल्हा क्रीडा अधिकारी कार्यालय, पुणे आयोजित राज्यस्तरीय मैदानी स्पर्धा २०२४-२५ दि. १२ ते १४ नोव्हेबर २०२४ श्री शिवछत्रपती क्रीडा संकुल, म्हाळुंगे, बालेवाडी, पुणे येथे पार पडल्या. कल्याण तालुक्यातील महावीर ज्यू. कॉलेज आर्टस व कॉमर्स महाविद्यालय म्हारळ ता कल्याण जि. ठाणे या विद्यालयाचा विद्यार्थी सुजित रुपचंद सिंग हा १७ वयोगटातील इ.११ वी ५ किमी चालणे अंतरात प्रथम क्रमांक प्राप्त झाला. विद्यालयाचे प्राचार्य श्री. संजय यादव व प्राथमिक विभागाचे मुख्याध्यापक श्री. राज त्रिपाठी व सर्व शिक्षक कर्मचारी, तालुका क्रीडा प्रमुख श्री संजय पवार यांनी विद्यार्थ्याचे अभिनंदन केले.या शालेय क्रीडा स्पर्धामाध्यमातून ग्रामीण विद्यार्थ्यांची प्रेरणा नक्कीच मोलाची ठरेल.