ଆନନ୍ଦପୁର ପ୍ରେସ ପରିଷଦର ନୂତନ କର୍ମକର୍ତ୍ତା ଚୟନ: ଆଗାମୀ ୨୦୨୫ ଜାନୁୟାରୀ ରେ ବାର୍ଷିକ ଉତ୍ସବ ନେଇ ପ୍ରସ୍ତୁତି ବୈଠକ

ଆନନ୍ଦପୁରର ଅଗ୍ରଣୀ ସାମ୍ବାଦିକ ସଂଘ ଆନନ୍ଦପୁର ପ୍ରେସ୍ ପରିଷଦର ନୂତନ କର୍ମକର୍ତ୍ତା ଚୟନ ପଦ୍ମପୁରସ୍ଥିତ ଶ୍ରୀଶ୍ରୀ ପତିତପାବନଜୀଉ ମନ୍ଦିର ଶାନ୍ତି ମାତା ଆଶ୍ରମ ପରିସରରେ ଅନୁଷ୍ଠିତ ହୋଇଯାଇଛି। ପ୍ରେସ୍ ପରିଷଦର ସଭାପତି ନିରାକାର ଦଳେଇଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ପରିଷଦ ଗଠନର ଦୁଇବର୍ଷ ହୋଇଯାଇଥିବାରୁ ନୂତନ କର୍ମକର୍ତ୍ତା ମନୋନୀତ କରାଯିବା ସହ ଆଗମୀ ୨୦୨୫ ଜାନୁଆରୀ ମାସରେ ପ୍ରେସ୍ ପରିଷଦର ଦ୍ବିତୀୟ ବାର୍ଷିକୋତ୍ସବ କରାଯିବା ନେଇ ନିଷ୍ପତି ନିଆଯାଇଥିଲା । ଉକ୍ତ କର୍ମକର୍ତ୍ତା ଚୟନ କାର୍ଯ୍ୟକ୍ରମରେ ସଭାପତି ଭାବେ ନିରାକାର ଦଳେଇ, ଉପ-ସଭାପତି ମକରଧ୍ବଜ ସାହୁ, ଭରତ କୁମାର ବେହେରା, ସମ୍ପାଦକ
ହରେକୃଷ୍ଣ ପାତ୍ର, ସହ-ସମ୍ପାଦକ ରତିକାନ୍ତ ସାହୁ, କୋଷାଧ୍ୟକ୍ଷ ଗଣେଶ୍ୱର ମହାନ୍ତି ପ୍ରମୁଖ ମନୋନୀତ ହୋଇଥିବା ବେଳେ ଏକଜୁଟିଭ ବଡିରେ ସଦସ୍ୟ ଗଦାଧର ମିଶ୍ର, ମମତାରାଣୀ ଜେନା, ପ୍ରଦୀପ କୁମାର ମୁଦୁଲି, ପ୍ରଫୁଲ୍ଲ କୁମାର ମହାନ୍ତି, ସୁଦାମ ଚରଣ ମଙ୍ଗଳ, ସୋମନାଥ ମିଶ୍ର, ଶୁଭାଶିଷ ପାଢ଼ୀ, ସତ୍ୟରଞ୍ଜନ ଦାସ, ଶ୍ରୀନିବାସ ମିଶ୍ର ଓ ମନମୋହନ ନାୟକ ପ୍ରମୁଖଙ୍କୁ ସର୍ବସମ୍ମତିକ୍ରମେ ମନୋନୀତ କରାଯାଇଥିଲା। ପରିଷଦର ଉପଦେଷ୍ଟା ରମାକାନ୍ତ ନାୟକ, ସଦସ୍ୟ ରଞ୍ଜିତ୍ ରଣା ଓ ଦେବ ଚକ୍ରବର୍ତ୍ତୀ ପ୍ରମୁଖ କାର୍ଯ୍ୟକ୍ରମକୁ ସଞ୍ଚାଳନା କରିଥିବାବେଳେ ଆନନ୍ଦପୁର ଉପ-ଜିଲ୍ଲାପାଳ ଫାଲ୍ଗୁନୀ ମାଝା, ଅତିରକ୍ତି ଉପ-ଜିଲ୍ଲାପାଳ କିଶୋର କୁମାର ପଣ୍ଡା ପ୍ରମୁଖ ଯୋଗଦେଇ ନୂତନ କାର୍ଯ୍ୟକର୍ତ୍ତା ଙ୍କୁ ଶୁଭେଚ୍ଛା ଜଣାଇଥିଲେ।