कल्याण - आरटीओ कार्यालय उध्दाटनाच्या प्रतीक्षेत....

कल्याण - आरटीओ कार्यालय उद्घाटनाच्या प्रतीक्षेत.................

जुने कार्यालय अडचणीच्या ठिकाणी असल्याने रहदारीच्या रस्त्यावर वाहनांची तसेच अनधिकृत एजंटच्या टपन्यांनी जागा व्यापून टाकली आहे. कार्यालय गैरसोयीचे ठरत असल्याने शासनाने उंबर्डे या ठिकाणी उपप्रादेशिक परिवहन कार्यालयासाठी निधी देत उभे केले आहे. नवीन इमारतीचे काम संपून सहा महिन्याचा कालावधी उलटूनही उद्घाटनाअभावी कार्यालय सुरू होत नसल्याने नागरिकांनी तीव्र नाराजी व्यक्त केली आहे. एकीकडे जुने आरटीओ कार्यालयात पावसाने गळती असल्याने अनेक जुने रेकॉर्ड ही भिजलेल्या अवस्थेत पडल्याचे दिसून येते

कल्याणचे उपप्रादेशिक परिवहन कार्यालय गेल्या सहा महिन्यापासून उद्घाटनाअभावी उपयोगात आणले गेले नाही. जुने कार्यालय बिर्ला महाविद्यालयाच्या मागील बाजूस अनेक चाळीत विभागले गेल्याने आरटीओच्या विविध कामासाठी येत असणाऱ्या नागरिकांना वेगवेगळ्या खिडक्यांवर जावे लागत आहे. यामुळे नागरिक कमालीचे नाराज झाले आहेत. कल्याण पश्चिम येथील उंबर्डे येथे शासनाने नवीन इमारतीत उपप्रादेशिक परिवहन कार्यालय उभारल्याच्या घटनेला सहा महिन्याचा कालावधी उलटून आहे. गेला आहे. इमारतीत किरकोळ फर्निचर तसेच फायर यंत्राचे टेंडर निघण्यास वेळ काढूपणा दाखविला गेला असल्याने नवीन इमारत वापराविना पडल्याचे दिसून येऊ लागले आहे. टेंडर निघत नसल्याने उद्घाटनाला विलंब होत असल्याचे बोलले जात आहे.

बिर्ला महाविद्यालयानजिक असलेले
शासनाने लाखो रुपयांचा निधी देत आरटीओ कार्यालय उभे केले आहे. गेल्या सहा महिन्यापासून ते धूळखात पडून आहे. याबाबत परिवहन विभागाचे उपप्रादेशिक अधिकारी विनोद साळवी यांना भ्रमणध्वनीवर संपर्क साधण्याचा प्रयत्न केला असता त्यांनी प्रतिसाद दिला नाही.