logo

देव आनंदच्या ‘गाईड’ पिक्चरवरुन मिळाली होती नरेंद्र मोदींना प्रेरणा................. लहानपणी मित्र 'एनडी' नावाने पुकार

देव आनंदच्या ‘गाईड’ पिक्चरवरुन मिळाली होती नरेंद्र मोदींना प्रेरणा.................

लहानपणी मित्र 'एनडी' नावाने पुकारत

नवी दिल्ली: पंतप्रधान नरेंद्र मोदींना मोठे झाल्यावर सैन्यात भरती व्हायचे होते. नरेंद्र मोदींच्या अधिकृत वेबसाइटनुसार, त्यांना लहानपणी जामनगरमधील सैनिक शाळेत शिकण्याची इच्छा होती, परंतु पैशाअभावी ते होऊ शकले नाही. आज मोदींचा ७३ वा वाढदिवस आहे.

पंतप्रधान मोदी एका मुलाखतीत म्हणाले होते, ‘एकदा मी माझ्या मित्र आणि शिक्षकांसोबत आर के नारायण यांच्या कादंबरीवर आधारित ‘गाईड’ हा प्रसिद्ध हिंदी चित्रपट पाहण्यासाठी गेलो होतो. चित्रपटानंतर माझे मित्रांसोबत खूप वाद झाले. मी असा युक्तिवाद केला की चित्रपटाची मूळ थीम ही होती की शेवटी प्रत्येकजण आपापल्या विवेकाने समाजाला मार्गदर्शन करतो. पण मी लहान होतो, माझ्या मित्रांनी मला गांभीर्याने घेतले नाही.
नरेंद्र मोदी यांचे प्रारंभिक शिक्षण वडनगर येथील बीएन हायस्कूलमधून झाले. पंतप्रधान नरेंद्र मोदींना ९ वी, १० वी आणि ११ वीच्या वर्गात संस्कृत शिकवणारे शिक्षक प्रल्हाद पटेल यांनी एका मुलाखतीत सांगितले की, ‘मी नरेंद्रला नरिया म्हणत असे. वर्गात खरे बोलायला तो कधीच घाबरला नाही. तो खोडकर तर होताच पण सर्व शिक्षकांचा आदरही करत असे.’
पंतप्रधानांचे बालपणीचे मित्र जासूद भाई यांनी मीडियाला सांगितले होते की, ‘लहानपणी आमचे सर्व मित्र त्यांना एनडी म्हणायचो. तो मुख्यमंत्री असतानाही आमची भेट झाली. मी त्याला एनडी हाक मारली तेव्हा तो हसला. ,

98
5665 views
  
1 shares