गोंदिया जिल्ह्यातील आमगाव येथे भरते पोपटांची शाळा................ म्हणतात ना जिथे प्राणी पक्षांना मायेचा आश्रय मिळाल

गोंदिया जिल्ह्यातील आमगाव येथे भरते पोपटांची शाळा................

म्हणतात ना जिथे प्राणी पक्षांना मायेचा आश्रय मिळाला, त्या ठिकाणी पक्षी मोठ्या प्रमाणात वास्तव करत असतात. आणि त्या ठिकाणी येत असतात. प्रेम आणि आपुलकी ही मानवी जीवनाबरोबरच पक्ष्यांना सुद्धा लागू आहे. अशाच मायेचा आसरा करण्यासाठी पोपटांसाठी गेल्या सात वर्षांपासून त्यांच्या दाणापाण्याची सोय करणारा एक अवलिया. गोंदिया जिल्ह्यातील आमगाव शहरात असणारे कमल किशोर उपाध्याय निरंतर सात वर्षांपासून या पोपटांना धान्य देण्याचे काम सतत करत आहेत. नित्य क्रमाने सुरूच आहे.
रोज सकाळी पक्षांच्या किलबिलाटाने सकाळ झाली तर किती सुंदर वाटतं. कमल किशोर उपाध्याय एका राईस मिलचे संचालक असून त्यांच्या मागील सात वर्षांपूर्वी आपल्या घराच्या परिसरात अनेक पोपट येतात. सुरुवातीला त्यांनी त्यांच्याकडे असणारे वेस्टेज तांदूळ पोपटांना टाकायला सुरुवात केली. निरंतर पोपटांची संख्या वाढत गेली आणि त्यामुळे कमल किशोर उपाध्याय यांना एक छंद लागला. की, ते रोज सकाळी उठून या पोपटांसाठी दोन ते तीन किलो रोज तांदूळ टाकतात. त्यांच्या हे धान्य टाकल्यानंतर पोपट हे मोठ्या संख्येने या ठिकाणी येतात आणि धान्य खाऊन निघून जातात. विशेष म्हणजे हे कार्य त्यांनी गेल्या सात वर्षांपासून निरंतर अविरतपणे सुरू ठेवलेले आहे. त्यांना ही प्रेरणा त्यांचे गुरु आणि त्यांच्या आईमुळे मिळाली. या पोपटांसाठी एक मायेचा आसरा, एक हक्काचं घर या पोपटांना मिळालं.
दरवर्षी हे पोपट चार महिने नित्य क्रमाने रोज सकाळी साडेसहाच्या दरम्यान कमल किशोर उपाध्याय यांच्या अंगणात येतात, धान्य खातात आणि धान्य खाऊन झाल्यावर निघून जातात. सामान्य जून ते सप्टेंबर महिन्यात हे पोपट या ठिकाणी येतात. हे कार्य अविरतपणे त्यांनी सुरू ठेवलेल आहे. त्यामुळे या पक्षांचा एक आधारस्तंभ सध्या कमल किशोर उपाध्याय हे ठरत आहेत.