युवा क्रांती जिल्हा व तालुका पदाधिकारी कमिटी पूर्ण करण्याबाबत सूचना

युवा क्रांतीच्या जिल्हाध्यक्ष व तालुकाध्यक्षांना सूचित करण्यात येते की, आपल्या जिल्ह्यातील व तालुक्यातील युवा क्रांतीची पदाधिकारी कमिटी पूर्ण करावी. जिल्हाध्यक्ष व महिला जिल्हाध्यक्षा यांनी प्रथम आपल्या जिल्ह्यातील उपाध्यक्ष, सचिव, कार्याध्यक्ष, संपर्क प्रमुख, संघटक, सल्लागार, मार्गदर्शक व कायदेशीर सल्लागार यांसह सर्व पदे भरून कमिटी पूर्ण करावी. कायदेशीर सल्लागार पद वकिलांसाठी राखीव आहे.

तालुकाध्यक्षांनीही उपाध्यक्ष, सचिव, कार्याध्यक्ष, संघटक, संपर्क प्रमुख, सल्लागार, मार्गदर्शक व कायदेशीर सल्लागार पदे भरून तालुक्यातील कमिटी पूर्ण करावी. जिल्हाध्यक्ष व तालुकाध्यक्ष यांना सर्व पदे भरण्याचा पूर्ण अधिकार देण्यात आला आहे. कमिटी लवकरात लवकर पूर्ण न केल्यास पद रिक्त करण्यात येतील व ती पदे निष्ठावंत सदस्यांना दिली जातील. माजी जिल्हाध्यक्ष किंवा माजी तालुकाध्यक्षांना कार्डची वैधता आहे तोपर्यंत काम करण्याची संधी दिली जाईल. ही सूचना रविंद्र सूर्यवंशी (संस्थापक तथा राष्ट्रीय अध्यक्ष) यांनी दिली आहे.