Lucknow Airport Par Hajj Yatriyon Ka Saman Chori Hone Ka Mamla

Lucknow: Lucknow airport par hajj se wapas aane wale yatriyon ke saman chori hone ka mamla samne aaya hai. Ek yatri ne bataya ki unke bag se 5 silver ring, 6 perfume, 2 gold nose pin, 5 hijab aur bachchon ke khilone chori ho gaye hain. Unka kehna hai ki chain ko khola gaya aur saman chori kiya gaya.

Yatri ne prashasan se anurodh kiya hai ki is ghatna ki janch ki jaye aur turant sakht kadam uthaye jayein. Unhone kaha ki jo bhi doshi paya jaye uske khilaf shakt se shakt karvayi honi chahiye taaki aise mamle dobara na ho.