ਸੁਰਿੰਦਰ ਸਿੰਘ ਅਤੇ ਸਤਬੀਰ ਸਿੰਘ ਦੁਆਰਾ ਸਾਂਝੀ ਪ੍ਰੈਸ ਰਿਲੀਜ਼

ਸੁਰਿੰਦਰ ਸਿੰਘ ਅਤੇ ਸਤਬੀਰ ਸਿੰਘ ਦੁਆਰਾ ਸਾਂਝੀ ਪ੍ਰੈਸ ਰਿਲੀਜ਼
ਗ੍ਰਾਮ ਪੰਚਾਇਤ ਅਗੰਮਪੁਰ ਅਤੇ ਖੇਤੀ ਵਿਰਾਸਤ ਪੰਜਾਬ ਦੇ ਸਹਿਜੋਗ ਨਾਲ ਪਿੰਡ ਅਗੰਮਪੁਰ ਨੂੰ ਪਲਾਸਟਿਕ ਮੁਕਤ ਕਰਨ ਲਈ ਖਾਲਸਾ ਕਾਲਜ ਸ੍ਰੀ ਅਨੰਦਪੁਰ ਸਾਹਿਬ ਦੇ ਐਨਐਸਐਸ ਦੇ ਲਗਭਗ 20 ਵਿਦਿਆਰਥੀ ਇੱਕ ਹਫ਼ਤੇ ਲਈ
ਪਿੰਡ ਵਿਚ ਘਰ ਘਰ ਵਿਚ ਜਾਕੇ ਪਿੰਡ ਵਸੀਆਂ ਨੂੰ ਪਲਾਸਟਿਕ ਦਾ ਕੂੜਾ ਅਤੇ ਠੋਸ ਕੂੜਾ ਕਰਕਟ ਘਰ ਵਿਚ ਪ੍ਰਬੰਧ ਕਰਨ ਲਈ ਜਾਗਰੂਕਤਾ ਅਤੇ ਸਿਖਲਾਈ ਪਖਵਾੜਾ ਸ਼ੁਰੂ ਕਰ ਰਹੇ
ਇਸ ਮੁਹਿੰਮ ਦੀ ਅਗਵਾਈ ਖਾਲਸਾ ਕਾਲਜ ਦੇ ਐਨਐਸਐਸ ਪ੍ਰੋਗਰਾਮ ਅਫਸਰ ਡਾਕਟਰ ਅਮਨਦੀਪ ਕੌਰ ਕਰ ਰਹੇ ਹਨ।
ਇਹ ਪ੍ਰੋਗਰਾਮ ਆਨੰਦਪੁਰ ਅਤੇ ਨੰਗਲ ਬਲਾਕ ਦੇ 160 ਪਿੰਡਾਂ ਲਈ ਪਲਾਸਟਿਕ ਰਹਿੰਦ-ਖੂੰਹਦ ਪ੍ਰਬੰਧਨ ਦੀ ਇੱਕ ਇਕਾਈ ਦਾ ਹਿੱਸਾ ਹੈ ਜੋ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੁਆਰਾ ਅਗੰਮਪੁਰ ਵਿੱਚ ਸਥਾਪਿਤ ਕੀਤਾ ਗਿਆ ਹੈ। ਇਹ ਸਾਡੇ ਖੇਤਰ ਵਿੱਚ ਆਪਣੀ ਕਿਸਮ ਦਾ ਪਹਿਲਾ ਪ੍ਰੋਜੈਕਟ ਹੈ। ਖੇਤੀ ਵਿਰਾਸਤ ਨੇ ਗ੍ਰਾਮ ਪੰਚਾਇਤ ਅਗਮਪੁਰ ਦੇ ਸਹਿਯੋਗ ਨਾਲ ਇਸ ਪ੍ਰੋਜੈਕਟ ਨੂੰ ਅਪਣਾਇਆ ਹੈ।
ਪ੍ਰੋਜੈਕਟ ਤੇਹਤ ਪਲਾਸਟਿਕ ਕੂੜਾ ਇਕੱਠਾ ਕਰਕੇ ਵੱਖਰਾ ਕੀਤਾ ਜਾਵੇਗਾ ਅਤੇ ਇਸਦਾ ਨਿਪਟਾਰਾ ਕੀਤਾ ਜਾਵੇਗਾ ਅਤੇ ਠੋਸ ਕੂੜਾ ਜੈਵਿਕ ਖਾਦ ਬਣਾਉਣ ਲਈ ਵਰਤਿਆ ਜਾਵੇਗਾ ਉਹ ਸਾਡੇ ਘਰਾਂ ਵਿੱਚ ਪਲਾਸਟਿਕ ਅਤੇ ਠੋਸ ਰਹਿੰਦ-ਖੂੰਹਦ ਦਾ ਪ੍ਰਬੰਧਨ ਕਰਨਾ ਸਿਖਾਉਣਗੇ ਅਤੇ ਨਾਲ ਹੀ ਵਿਦਿਆਰਥੀ ਉਨ੍ਹਾਂ ਨੂੰ ਸਾਡੇ ਵਾਤਾਵਰਣ ਵਿੱਚ ਪਲਾਸਟਿਕ ਦੇ ਮਾੜੇ ਪ੍ਰਭਾਵਾਂ ਬਾਰੇ ਵੀ ਦੱਸਣਗੇ।
ਇਸ ਮੁਹਿੰਮ ਦੇ ਉਦਘਾਟਨ ਲਈ ਇੱਕ ਪ੍ਰੋਗਰਾਮ ਖੇਤੀ ਵਿਰਾਸਤ 5 ਜੂਨ ਨੂੰ ਕਮਿਊਨਿਟੀ ਸੈਂਟਰ ਅਗਮਪੁਰ ਵਿਖੇ ਵਿਸ਼ਵ ਵਾਤਾਵਰਣ ਦਿਵਸ ਦੇ ਮੌਕੇ 'ਤੇ ਇੱਕ ਆਯੋਜਿਤ ਕਰਨ ਜਾ ਰਹੀ ਹੈ। ਡਾਕਟਰ ਚੰਦਰ ਪ੍ਰਕਾਸ਼ ਪ੍ਰੋਫੈਸਰ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਕਪੂਰਥਲਾ ਮਾਹਿਰ ਭਾਸ਼ਣ ਦੇਣਗੇ। ਸ਼੍ਰੀਮਤੀ ਜੋਤੀ ਰਾਣਾ ਸਰਪੰਚ ਅਗਮਪੁਰ ਮੁੱਖ ਮਹਿਮਾਨ ਹੋਣਗੇ। ਡਾਕਟਰ ਅਮਨਦੀਪ ਕੌਰ ਪ੍ਰੋਗਰਾਮ ਅਫਸਰ ਐਨਐਸਐਸ ਖਾਲਸਾ ਕਾਲਜ ਆਨੰਦਪੁਰ ਸਾਹਿਬ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕਰਨਗੇ। ਐਡਵੋਕੇਟ ਸਤਬੀਰ ਸਿੰਘ ਰਾਣਾ ਵਿਸ਼ੇਸ਼ ਮਹਿਮਾਨ ਹੋਣਗੇ। ਇਸ ਪ੍ਰੋਜੈਕਟ ਵਿੱਚ ਮਥੁਰਾ,ਗਨਰੂ,ਗਰਹਾ ਪਿੰਡ ਵੀ ਸ਼ਾਮਲ ਕੀਤਾ ਜਾਵੇਗਾ, ਸਾਰੇ ਸਰਪੰਚ ਅਤੇ
ਪੰਚਾਇਤ ਮੈਂਬਰ ਇਸ ਪ੍ਰੋਗਰਾਮ ਵਿੱਚ ਮੌਜੂਦ ਰਹਿਣਗੇ।