ବରଗଡ଼: ରେକ୍ସଲର ୱେଲଫେୟାର ଫାଉଣ୍ଡେସନର ସଚେତନତା ବୈଠକ ସଫଳ

ରେକ୍ସଲର ୱେଲଫେୟାର ଫାଉଣ୍ଡେସନ ପକ୍ଷରୁ ବରଗଡ଼ ଜିଲ୍ଲାର ପଦ୍ମପୁର ବ୍ଲକ ଅନ୍ତର୍ଗତ ସର୍ଗିଜୁରି, ଲୁହାରପାଲି ଏବଂ କଦଳୀମୁଣ୍ଡା ଗ୍ରାମରେ ସଚେତନତା ଓ ସାମୁଦାୟିକ ବୈଠକ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ଗ୍ରାମବାସୀଙ୍କ ମଧ୍ୟରେ ସାମାଜିକ ସଚେତନତା, ଜନହିତକର କାର୍ଯ୍ୟ ଏବଂ ସମୁଦାୟ ବିକାଶ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା।

କାର୍ଯ୍ୟକ୍ରମରେ ଶ୍ରୀ ରତ୍ନାକର ପାଇକ, ଶ୍ରୀ ଫକିରା ପଟେଲ, ଶ୍ରୀ ବିନୋଦ ପଟେଲ ଏବଂ ଶ୍ରୀ ହରେକୃଷ୍ଣ ଦାନସନାଙ୍କ ଉପସ୍ଥିତି ଥିଲା, ଯେଉଁମାନେ ସମାଜର ସର୍ବାଙ୍ଗୀଣ ବିକାଶ ପାଇଁ ସାମୁହିକ ପ୍ରୟାସର ପ୍ରମୁଖତା ଉପରେ ଜୋର ଦେଇଥିଲେ। ଗ୍ରାମବାସୀ, ସଂଗଠନ ସଦସ୍ୟ ଓ ସ୍ୱେଚ୍ଛାସେବୀମାନେ ସକ୍ରିୟ ଅଂଶଗ୍ରହଣ କରି କାର୍ଯ୍ୟକ୍ରମକୁ ସଫଳ କରିଥିଲେ। ରେକ୍ସଲର ୱେଲଫେୟାର ଫାଉଣ୍ଡେସନ ପକ୍ଷରୁ ଆଗାମୀ ଦିନରେ ଏଭଳି କାର୍ଯ୍ୟକ୍ରମ ଜାରି ରଖିବା ପ୍ରତିବଦ୍ଧତା ଜଣାଯାଇଛି।