ગાંધીનગર : કૃષિ મંત્રી જીતુભાઈ વાઘાણી દ્વારા 'ખેત બચાવો અભિયાન' શરૂ

ગાંધીનગર : શેરથા ગામથી રાજ્યવ્યાપી 'ખેત બચાવો અભિયાન'ની શરૂઆત કૃષિ મંત્રી શ્રી જીતુભાઈ વાઘાણીએ કરી. આ અભિયાન અંતર્ગત રાજ્યભરના કૃષિ વૈજ્ઞાનિકો, કૃષિ વિભાગના અધિકારીઓ અને કર્મચારીઓ ગામ-ગામ જઈને ખેડૂતોને ખેત બચાવવાની મહત્વની માહિતી અને માર્ગદર્શન આપશે.

જીતુભાઈ વાઘાણીએ ખેડૂતો અને પશુપાલકોને સંબોધતા જણાવ્યું કે ખેતી આપણા પૂર્વજોના વારસો અને આપણો આત્મા છે, જેને બચાવવી અતિઆવશ્યક છે. તેમણે પ્રાકૃતિક કૃષિને પ્રોત્સાહન આપવા માટે સરકારની યોજના મુજબ સરકારી કચેરીઓ, કલેક્ટર કચેરી અને મંડળીઓમાં પ્રાકૃતિક ખેતીના ઉત્પાદનો માટે વેચાણ કેન્દ્રો શરૂ કરવા વિશે પણ માહિતી આપી. આ પ્રસંગે પ્રગતિશીલ ખેડૂતોને મુખ્યમંત્રી પાક સંગ્રહ સ્ટ્રક્ચર યોજનાના લાભોનું વિતરણ અને પ્રાકૃતિક ખેતી કરતા ખેડૂતોને શાલ તથા પ્રશસ્તિપત્રથી સન્માનિત કરવામાં આવ્યું.