अकोट नगरपालिकेचा 18 वर्षे प्रलंबित गुंठेवारी प्रकरण

अकोट : अकोट नगरपालिकेच्या दिरंगाईमुळे एका नागरिकाचे गुंठेवारी प्रकरण 18 वर्षांपासून प्रलंबित आहे. मोहम्मद गाडी करमुल्ला मोहम्मद अफसरुल्ला यांचा 30 नोव्हेंबर 2008 रोजी दाखल केलेला नियमितीकरण प्रस्ताव मंजूर होऊन उपविभागीय अधिकाऱ्याकडे पाठवला गेला. मात्र, जून 2009 मध्ये त्रुटी दाखवून प्रस्ताव परत पाठविण्यात आला आणि त्यानंतर कोणतीही ठोस कार्यवाही झाली नाही.

6 मार्च 2018 रोजी अकोट नगरपालिकेच्या अभिलेख कक्षाला आग लागल्याने संबंधित प्रकरणाची कागदपत्रे नष्ट झाली. तत्कालीन मुख्याधिकारी गीता ठाकरे यांनी अकोट पोलीस स्टेशनमध्ये तक्रार दिली, परंतु नष्ट झालेल्या कागदपत्रांबाबत स्पष्ट माहिती नाही. माहिती अधिकार अपील प्राधिकाऱ्यांनी अभिलेखांचे पुनर्गठन करून कार्यवाहीसाठी आदेश दिले असतानाही नगरपालिकेने कोणतीही प्रभावी कारवाई केली नाही. या प्रकरणामुळे नगरपालिकेच्या प्रशासनावर गंभीर प्रश्न उभे राहिले असून नागरिकांनी वरिष्ठ प्रशासनाकडे लक्ष वेधण्याची मागणी केली आहे.