CM عمر عبداللہ نے کابینہ اجلاس میں وعدے پورے کرنے کا حکم دیا
سرینگر: وزیر اعلیٰ عمر عبداللہ نے اپنی کابینہ میٹنگ کے دوران کہا کہ بجٹ سیشن کے دوران کیے گئے وعدے جلد سے جلد پورے کیے جائیں گے۔ انہوں نے خاص طور پر روزانہ اجرت پر کام کرنے والوں کو مستقل کرنے، آشا ورکروں کی تنخواہ بڑھانے، اور نِیڈز بیس پر کام کرنے والے اساتذہ اور لیکچررز کو مستقل کرنے پر زور دیا۔
انہوں نے زمین دینے والوں کو نوکری دینے کی بھی بات کی جنہوں نے سرکاری کاموں جیسے پانی کے ٹینک، اسکول، پی ایچ سی وغیرہ کے لیے اپنی زمینیں عطیہ کی ہیں۔ عمر عبداللہ نے کہا کہ ان تمام مسائل پر تیز رفتاری سے عمل درآمد کیا جائے گا اور 2026 اور 2027 کے آخر تک ان مطالبات کو پورا کیا جائے گا۔