ధాన్యం కొనుగోళ్లు వేగవంతం చేయాలని జిల్లా కలెక్టర్ ఆదేశాలు

జయశంకర్ భూపాలపల్లి : జిల్లా కలెక్టర్ రాహుల్ శర్మ తహసీల్దార్లను ప్రత్యేక అధికారులుగా నియమించి ధాన్యం కొనుగోళ్లు వేగవంతంగా జరిగేలా పర్యవేక్షించాలని ఆదేశించారు. మంగళవారం ఐడిఓసీ కార్యాలయంలోని కాన్ఫరెన్స్ హాల్‌లో ఆర్డీఓలు, తహసీల్దార్లు, రైస్ మిల్లర్లు, ఏ.పి.ఎం లు, పిఏసిఎస్ సిఈఓలతో వీడియో కాన్ఫరెన్స్ నిర్వహించారు. ఈ సమావేశంలో జిల్లా కలెక్టర్ ధాన్యం కొనుగోళ్లు ఈ నెల చివరి వరకు పూర్తి చేయాలని, లారీల కొరతను పరిగణనలోకి తీసుకుని ట్రాక్టర్ల ద్వారా మిల్లులకు ధాన్యం తరలించాలని సూచించారు.



అతను స్వచ్ఛందంగా ట్రాక్టర్ల ద్వారా ధాన్యం తరలిస్తే ఛార్జీలు చెల్లిస్తామని తెలియజేశారు. పత్తి మిల్లులను ఏర్పాటు చేసి గోదాముల కొరత నివారించాలని, తహసీల్దార్లు ప్రతి మిల్లు దగ్గర రెవెన్యూ సిబ్బందిని నియమించి పటిష్ట పర్యవేక్షణ చేయాలని ఆదేశించారు. అకాల వర్షాల కారణంగా ధాన్యం తడవకుండా కొనుగోలు కేంద్రాల్లో ధాన్యం కాంటా వేసి గన్ని సంచులలో నిల్వ చేసి టార్పాలిన్ కప్పి ఉంచాలని సూచించారు. అవసరమైన సరఫరాల కొరత ఉంటే పై అధికారులకు వెంటనే సమాచారం అందించి సమస్య పరిష్కారానికి చర్యలు తీసుకోవాలని తెలిపారు. ఈ కార్యక్రమంలో అదనపు కలెక్టర్ అశోక్ కుమార్, పౌర సరఫరాల అధికారి కిరణ్ కుమార్, డిఎం రాములు, డిఆర్డీఓ బాల కృష్ణ, ఆర్డీఓలు హరికృష్ణ, రవీందర్ తదితరులు పాల్గొన్నారు.