ਨਿਸ਼ਕਾਮ ਵ੍ਰਿਧ ਆਸ਼ਰਮ, ਬਿਹਲਾ ਵਿੱਚ ਅੱਖਾਂ ਦਾ ਮੁਫ਼ਤ ਜਾਂਚ ਕੈਂਪ ਆਯੋਜਿਤ

170 ਮਰੀਜ਼ਾਂ ਨੇ ਲਿਆ ਕੈਂਪ ਦਾ ਲਾਭ
ਲੁਧਿਆਣਾ, 25 ਮਈ : ਪਿੰਡ ਬਿਹਲਾ ਸਥਿਤ ਨਿਸ਼ਕਾਮ ਵ੍ਰਿਧ ਆਸ਼ਰਮ ਵਿੱਚ ਸ਼ੰਕਰਾ ਹਸਪਤਾਲ ਦੇ ਸਹਿਯੋਗ ਨਾਲ ਅੱਖਾਂ ਦੀ ਮੁਫ਼ਤ ਜਾਂਚ ਅਤੇ ਸਲਾਹ ਕੈਂਪ ਸਫਲਤਾਪੂਰਵਕ ਆਯੋਜਿਤ ਕੀਤਾ ਗਿਆ। ਸਮਾਜ ਸੇਵਾ ਅਤੇ ਮਨੁੱਖੀ ਭਲਾਈ ਨੂੰ ਸਮਰਪਿਤ ਇਸ ਕੈਂਪ ਵਿੱਚ ਇਲਾਕੇ ਦੇ ਲਗਭਗ 170 ਮਰੀਜ਼ਾਂ ਨੇ ਲਾਭ ਪ੍ਰਾਪਤ ਕੀਤਾ।
ਡਾਕਟਰਾਂ ਦੀ ਟੀਮ ਵੱਲੋਂ ਨਿਰਧਾਰਿਤ ਸਮੇਂ ਅਨੁਸਾਰ ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਅੱਖਾਂ ਨਾਲ ਸੰਬੰਧਿਤ ਜ਼ਰੂਰੀ ਸਲਾਹ ਦਿੱਤੀ ਗਈ। ਕੈਂਪ ਦਾ ਉਦਘਾਟਨ ਸਮਾਜ ਸੇਵੀ ਜੀ. ਐਸ. ਬੱਤਰਾ ਵੱਲੋਂ ਰਿਬਨ ਕੱਟ ਕੇ ਕੀਤਾ ਗਿਆ। ਇਸ ਮੌਕੇ ‘ਤੇ ਸਾਰੇ ਲੋਕਾਂ ਦੀ ਚੰਗੀ ਸਿਹਤ ਅਤੇ ਖੁਸ਼ਹਾਲ ਜੀਵਨ ਲਈ ਅਰਦਾਸ ਵੀ ਕੀਤੀ ਗਈ।
ਕੈਂਪ ਦੌਰਾਨ ਲੋੜਵੰਦ ਮਰੀਜ਼ਾਂ ਨੂੰ ਮੁਫ਼ਤ ਚਸ਼ਮੇ ਵੀ ਵੰਡੇ ਗਏ। ਆਸ਼ਰਮ ਦੇ ਮੁੱਖ ਸੇਵਾਦਾਰ ਰਾਜ ਸ਼ਾਹੀ ਅਤੇ ਪ੍ਰਦੀਪ ਮੁੰਜਾਲ ਨੇ ਹਾਜ਼ਰ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਗੁਰੂ ਨਿਸ਼ਕਾਮ ਜੀ ਵੱਲੋਂ ਦਿਖਾਏ ਸੇਵਾ ਮਾਰਗ ‘ਤੇ ਚੱਲਦਿਆਂ ਆਸ਼ਰਮ ਹਮੇਸ਼ਾਂ ਸਮਾਜ ਦੀ ਭਲਾਈ ਲਈ ਕਾਰਜ ਕਰਦਾ ਰਹੇਗਾ।
ਉਨ੍ਹਾਂ ਕਿਹਾ ਕਿ ਕੋਈ ਵੀ ਵਿਅਕਤੀ ਆਪਣੇ ਆਪ ਨੂੰ ਅਸਹਾਇ ਨਾ ਸਮਝੇ। ਸਿੱਖਿਆ, ਇਲਾਜ, ਰੋਜ਼ਗਾਰ ਸਹਾਇਤਾ ਅਤੇ ਬੇਸਹਾਰਾ ਬਜ਼ੁਰਗਾਂ ਨੂੰ ਆਸ਼ਰਾ ਦੇਣ ਵਰਗੇ ਸੇਵਾ ਕਾਰਜ ਨਿਸ਼ਕਾਮ ਵੱਲੋਂ ਨਿਰੰਤਰ ਕੀਤੇ ਜਾ ਰਹੇ ਹਨ।
ਇਸ ਮੌਕੇ ‘ਤੇ ਵਿਜੈ ਕੁਮਾਰ ਪਟਵਾਰੀ, ਦੀਪਕ ਕੁਮਾਰ, ਮਨਪ੍ਰੀਤ ਸਿੰਘ, ਆਸ਼ੀਸ਼ ਯਾਦਵ, ਮਾਨਸ, ਰਵਿਕਾਂਤ, ਸ਼ਸ਼ੀ ਭਾਰਦਵਾਜ, ਸੁਨੀਤਾ ਸ਼ਾਹੀ, ਮੀਨਾ ਮੁੰਜਾਲ, ਜਸਪ੍ਰੀਤ ਨਿਸ਼ਕਾਮ ਸਮੇਤ ਹੋਰ ਕਈ ਗਣਮਾਨਯ ਵਿਅਕਤੀ ਮੌਜੂਦ ਰਹੇ।