ପୁରୁଷୋତ୍ତମପୁର: ଲଡକାପଲ୍ଲୀରେ ସଡକ ଦୁର୍ଘଟଣାରେ ୬ ମୃତ, ୪ ଗୁରୁତର ଆହତ
ପୁରୁଷୋତ୍ତମପୁର/ଗଞ୍ଜାମ: ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅଞ୍ଚଳରେ ଲଡକାପଲ୍ଲୀ ଛକ ନିକଟରେ ଏକ ଯାତ୍ରୀବାହୀ ଅଟୋ ଓ ଘରୋଇ ବସ୍ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଛଅ ଜଣଙ୍କ ମୃତ୍ୟୁ ଘଟିଛି ଏବଂ ଚାରି ଜଣ ଗୁରୁତର ଆହତ ହୋଇ ଚିକିତ୍ସାଧୀନ ଅଛନ୍ତି। ଘଟଣା ସ୍ଥାନରେ ହେଉଥିବା ଧକ୍କା ପରେ ଅଟୋ ପୁରା ଭାଙ୍ଗିଗଲା ଓ ଯାତ୍ରୀମାନେ ୨୦-୩୦ ଫୁଟ୍ ଦୂରକୁ ଛିଟିଗଲେ। ରାସ୍ତା ରକ୍ତର ଛିଟା ଓ ଲୋକଙ୍କର ଆର୍ତ୍ଚିତ୍କାରରେ ଭୟାଙ୍କର ଦୃଶ୍ୟ ତିଆରି ହୋଇଥିଲା।
ପୁରୁଷୋତ୍ତମପୁର ଥାନା ପୁଲିସ ଓ ସ୍ଥାନୀୟ ଲୋକେ ଦୃତ ଉଦ୍ଧାର କାର୍ଯ୍ୟ ଆରମ୍ଭ କରି ୧୦୮ ଆମ୍ବୁଲାନ୍ସ ଦ୍ୱାରା ଆହତମାନେ କୋଦଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଯାଯାଇଥିଲେ। ତାଳିକାରେ ଥିବା ମୃତକମାନେ ମଧ୍ୟରେ ଏରେଣ୍ଡ୍ରା ଗ୍ରାମର ୭୫ ବର୍ଷୀୟା ମଲ୍ଲୀ ବେହେରା, ୪୩ ବର୍ଷୀୟ ନରସୁ ବେହେରା, ୪୫ ବର୍ଷୀୟା ଲିଳାବତୀ ବେହେରା, ୪୬ ବର୍ଷୀୟା ରତନୀ ବେହେରା ସହ ପୁରୁଷୋତ୍ତମପୁରର ୧୦ ବର୍ଷର ଦୁଇ ନାବାଳକ ସନି ବେହେରା ଓ କିରଣ ବେହେରା ଅଛନ୍ତି। ଗୁରୁତର ଆହତମାନେ ବ୍ରହ୍ମପୁର MKCG ମେଡିକାଲ କଲେଜକୁ ସ୍ଥାନାନ୍ତର କରାଯାଇଛନ୍ତି।
ବସ୍ ଚାଳକ ଫେରାର ହୋଇଥିବା ପରେ ପୁରୁଷୋତ୍ତମପୁର ଥାନାରେ ଆତ୍ମସମର୍ପଣ କରିଛନ୍ତି। ପୁଲିସ ବସ୍ ଜବତ କରି ମାମଲା ରଜୁ କରିଛି ଏବଂ ପ୍ରାଥମିକ ତଦନ୍ତରେ ଦୁର୍ଘଟଣାର କାରଣ ଡ୍ରାଇଭରଙ୍କର ଅସାବଧାନତା ଓ ତ୍ୱରିତ ଗତି ଥିବା ସନ୍ଦେହ କରାଯାଉଛି। ଏହି ଦୁର୍ଘଟଣା ପରେ ସ୍ଥାନୀୟ ଲୋକେ ଟ୍ରାଫିକ୍ ବ୍ୟବସ୍ଥା ଓ ସ୍ପିଡ୍ ବ୍ରେକର ପ୍ରତି କଡା ପଦକ୍ଷେପ ନେବାକୁ ଦାବି କରିଛନ୍ତି।
