सालेकसा: ओबीसींसाठी स्वतंत्र रकाना आणि जनगणनेत अचूक गणना मागणी

सालेकसा (गोंदिया): साखरिटोला येथील ओबीसी जनसमुदाय, जनप्रतिनिधी, गावकरी आणि सामाजिक कार्यकर्त्यांनी ओबीसींसाठी जनगणनेत स्वतंत्र ओळख व रकाना नसल्यामुळे जनगणनेचा बहिष्कार करण्याचे आव्हान केले आहे. त्यांनी सरकारकडे जातीय जनगणनेत ओबीसींची स्वतंत्र गणना करण्याची मागणी केली आहे, जेणेकरून ओबीसी कोणत्याही कल्याणकारी योजना किंवा आरक्षणापासून वंचित राहणार नाहीत.

महाराष्ट्रात जातनिहाय जनगणना आणि ओबीसी समुदायाच्या मागण्यांवर सध्या मोठा संघर्ष सुरू आहे. भारतात शेवटची जातनिहाय जनगणना १९३१ मध्ये झाली होती, ज्यात ओबीसी लोकसंख्या सुमारे ५२% होती. ओबीसी संघटना म्हणतात की ९५ वर्षांनंतर ही आकडेवारी जुनी पडली असून योग्य जनगणना न झाल्यास आरक्षण व योजनांचे फायदे योग्य प्रमाणात मिळत नाहीत. केंद्र सरकारने २०२७ च्या जनगणनेत जातनिहाय गणना समाविष्ट करण्याचा निर्णय घेतला आहे, पण ओबीसींसाठी स्वतंत्र रकाना नसल्याने संभ्रम आहे.

ओबीसी संघटना केंद्र व राज्य सरकारकडून स्वतंत्र नोंद, ५०% आरक्षण मर्यादेचा पुनर्विचार, क्रिमी लेअरची अट शिथिल करणे आणि स्थानिक स्वराज्य संस्थांमध्ये आरक्षण कायम ठेवण्याची मागणी करत आहेत. या मागण्यांमध्ये ओबीसी समुदायाच्या हितासाठी ठोस डेटा उपलब्ध करून देण्यावर देखील भर आहे.