ଓଡ଼ିଶା ରେ ପାଇକ ରେଜିମେଣ୍ଟ ଗଠନ ପାଇଁ କଳାହାଣ୍ଡିରୁ ପାଇକ ରେଜିମେଣ୍ଟ ଗଠନ ଦାବୀ

କଳାହାଣ୍ଡି : କଳାହାଣ୍ଡି ଜିଲ୍ଲା ପାଇକ ଯୁବ ସଂଗଠନ ତରଫରୁ ଓଡ଼ିଶାରେ ପାଇକ ରେଜିମେଣ୍ଟ ଗଠନ ପାଇଁ ଦାବୀ ଉପସ୍ଥାପନ କରାଯାଇଛି। ରାଜ୍ୟର ପାଇକ, ଖଣ୍ଡାୟତ, ରାଜପୁତଙ୍କର ଅଧିକାରକୁ ରାଜ୍ୟ ସରକାରଙ୍କ ପାଖକୁ ଆକର୍ଷିତ କରିବା ପାଇଁ ଆଲୋଚନା ହୋଇଥିଲା। ସମାଜ ସେବୀ ଶ୍ରୀ ଦେବରାଜ ବାଣୁଆଙ୍କୁ ଏହି ବିଷୟରେ ପଚାରିବା ପରେ ସେ କହିଛନ୍ତି ଯେ ପାଇକ ରେଜିମେଣ୍ଟ ଗଠନ ଏବଂ ଗୃହ ବିଭାଗରେ ନିଯୁକ୍ତି କ୍ଷେତ୍ରରେ ସଂରକ୍ଷଣ ବ୍ୟବସ୍ଥା ପାଇଁ ଭାରତ ସରକାରଙ୍କର ରକ୍ଷା ବିଭାଗକୁ ଦାବୀପତ୍ର ପ୍ରଦାନ କରାଯାଇଛି। ଗତ ବର୍ଷ ୦୩.୦୫.୨୦୨୫ ତାରିଖ ସହିତ ଏହାର ରେଜିଷ୍ଟ୍ରେସନ୍ ନମ୍ବର ୦୦୦୪୨୫୯ ରହିଛି।

ତଦୁପରି, ରାଜ୍ୟ ସରକାରଙ୍କୁ ପାଇକ, ରାଜପୁତ, ଖଣ୍ଡାୟତଙ୍କୁ ଗୃହ ବିଭାଗରେ ନିଯୁକ୍ତି କ୍ଷେତ୍ରରେ ସଂରକ୍ଷଣ ବ୍ୟବସ୍ଥା ଓ ଅନ୍ୟାନ୍ୟ ସମସ୍ୟା ପାଇଁ ମଧ୍ୟ ଦାବୀ ଉପସ୍ଥାପନ କରାଯାଇଛି। ମୁଖ୍ୟମନ୍ତ୍ରୀ ଜନଶୁଣାଣୀ ରେଜିଷ୍ଟର ସଂଖ୍ୟା ୦୨୦୨୫୧୧୫୩୬୬୯ ଅନୁଯାୟୀ, ଏହା ବର୍ତ୍ତମାନ ରାଜ୍ୟ ଗୃହ ବିଭାଗ ସଚିବଙ୍କ ବିଚାରଧୀନ ଅଛି। ପାଇକ ଯୁବ ସଂଗଠନ ତାଙ୍କର ସ୍ୱରକୁ ରାଜ୍ୟ ସରକାର ମଧ୍ୟରେ ଦୃଢ଼ ଭାବରେ ଉପସ୍ଥାପନ କରିବାକୁ ବ୍ୟବସ୍ଥା କରୁଛି ଏବଂ ସମସ୍ତ ଜିଲ୍ଲା ପାଇକ, ରାଜପୁତ, ଖଣ୍ଡାୟତ ଯୁବ ସଂଗଠନ ସହିତ ସମ୍ପର୍କ ସ୍ଥାପନ କରାଯାଉଛି।