भिवंडी ग्रामीण नाभिक महामंडळाच्या अध्यक्षपदी ज्ञानेश्वर खंडागळे यांची निवड! ठाणे जिल्हाध्यक्ष पप्पू खंडागळे यांच्या हस्ते नियुक्ती पत्र प्रदान

महाराष्ट्र नाभिक महामंडळाच्या भिवंडी ग्रामीण अध्यक्षपदी श्री. ज्ञानेश्वर महादेव खंडागळे यांची सर्वानुमते निवड करण्यात आली आहे. ठाणे जिल्हाध्यक्ष श्री. पप्पू खंडागळे यांच्या अध्यक्षतेखाली नुकत्याच पार पडलेल्या बैठकीत हा महत्त्वपूर्ण निर्णय घेण्यात आला आणि त्यांना अधिकृत नियुक्ती पत्र देऊन सन्मानित करण्यात आले.
ज्ञानेश्वर खंडागळे यांची नाभिक समाजातील सक्रियता आणि सामाजिक कार्याची तळमळ पाहून त्यांच्यावर ही मोठी जबाबदारी सोपवण्यात आली आहे. भिवंडी ग्रामीण भागातील नाभिक समाजाचे संघटन मजबूत करणे, समाजातील तरुणांना मुख्य प्रवाहात आणणे आणि त्यांच्या अडीअडचणी सोडवण्यासाठी ते कटिबद्ध राहतील, असा विश्वास याप्रसंगी व्यक्त करण्यात आला. समाजाने माझ्यावर दाखवलेला हा विश्वास मी सार्थ ठरवेन. भिवंडी ग्रामीण भागातील प्रत्येक नाभिक बांधवाच्या न्याय-हक्कासाठी आणि महामंडळाच्या प्रगतीसाठी मी सदैव तत्पर राहीन."
— ज्ञानेश्वर महादेव खंडागळे (नवनियुक्त अध्यक्ष, भिवंडी ग्रामीण) सर्व स्तरातून अभिनंदनाचा वर्षाव!
या निवडीबद्दल ठाणे जिल्हाध्यक्ष पप्पू खंडागळे, महामंडळाचे इतर पदाधिकारी, कार्यकर्ते आणि भिवंडी ग्रामीणमधील नाभिक बांधवांकडून ज्ञानेश्वर खंडागळे यांचे हार्दिक अभिनंदन केले जात असून, त्यांच्या पुढील यशस्वी वाटचालीस भरघोस शुभेच्छा दिल्या जात आहेत.
• शुभेच्छुक: ठाणे जिल्हा नाभिक महामंडळ आणि समस्त नाभिक समाज बांधव, भिवंडी.