मुंबई: अब्राहम मथाईवर नेव्हीस गुंतवणूक घोटाळ्यात तक्रारी अर्ज दाखल

मुंबई: 50 कोटी रुपयांच्या नेव्हीस गुंतवणूक घोटाळ्यात अब्राहम मथाई याच्या विरोधात एमपीआयडी न्यायालयात सह आरोपी करण्यासाठी अनेक तक्रारी अर्ज दाखल झाले आहेत. या प्रकरणात अनेक गरजू आणि गरीब ख्रिश्चन बांधवांचे जीवनभर जमा केलेले पैसे फसवणूक झाल्याचे उघडकीस आले असून, अब्राहम मथाई याच्या अडचणींमध्ये मोठी वाढ झाली आहे. न्यायालयाचा निर्णय काय असेल, याकडे संपूर्ण मुंबईकरांचे लक्ष लागले आहे.

या घोटाळ्यात ऑक्टोविया नेव्हीस यांनी अनेक ख्रिश्चन बांधवांना धार्मिकतेशी जोडून गुंतवणूक करण्याचे आमिष दाखवून पैसे उभे केले होते. अब्राहम मथाई यांच्या हार्मनी फाउंडेशनकडे 50 कोटी रुपयांचा पैसा वळवण्यात आल्याचा आरोप तक्रारीत करण्यात आला आहे. या प्रकरणात अबेदनिगो नेव्हीस आणि हार्मनी फाउंडेशनचा सहभाग आहे. तसेच, अब्राहम मथाई यांनी पाद्री, बांधकाम व्यवसाय, उद्योगपती यांना ब्लॅकमेल करून पैसे घेतल्याचेही तक्रारीत नमूद आहे. राजेश कनोजा, राम कनोजा, तसेच अभिनेत्री अर्चना दामोहे यांनीही मथाई यांच्याविरुद्ध तक्रार नोंदवली आहे.