ରଜନା: ସରପଞ୍ଚ କ୍ଷୀରସିନ୍ଧୁ ଭୋଇଙ୍କ ପ୍ଲାଷ୍ଟିକମୁକ୍ତ ବିବାହ ପଦକ୍ଷେପ

ରଜନା: ଗ୍ରାମ ପଞ୍ଚାୟତର ସରପଞ୍ଚ କ୍ଷୀରସିନ୍ଧୁ ଭୋଇ ତାଙ୍କର ଭାଇଙ୍କ ବିବାହ ଉତ୍ସବକୁ ଏକ ସଚେତନତାର ବାର୍ତ୍ତାରେ ପରିଣତ କରିଛନ୍ତି । ବିବାହ ପାଳନରେ ପ୍ଲାଷ୍ଟିକ ବ୍ୟବହାର ବନ୍ଦ କରି, ପଞ୍ଚାୟତର “ବର୍ତ୍ତନ ବ୍ୟାଙ୍କ” ମାଧ୍ୟମରେ ଇସ୍ପାତ ଓ ପୁନଃବ୍ୟବହାରଯୋଗ୍ୟ ବର୍ତ୍ତନ ବ୍ୟବହାର ପ୍ରୋତ୍ସାହନ କରାଯାଇଛି ।

ଏହାର ଫଳରେ ପ୍ଲାଷ୍ଟିକ ଥାଳି, ଗ୍ଲାସ ଓ ଚମଚ ବ୍ୟବହାର ସମ୍ପୂର୍ଣ୍ଣ ରୂପେ ବନ୍ଦ ହୋଇଛି ଏବଂ ପ୍ଲାଷ୍ଟିକ ଆବର୍ଜନା ହ୍ରାସ ପାଇଛି । ସରପଞ୍ଚ କ୍ଷୀରସିନ୍ଧୁଙ୍କ ପ୍ରୟାସ ମାତ୍ର ପରିବେଶ ସୁରକ୍ଷା ପାଇଁ ନୁହେଁ, ଗ୍ରାମବାସୀଙ୍କୁ ସ୍ୱଚ୍ଛତା ଓ ପ୍ଲାଷ୍ଟିକମୁକ୍ତ ସମାଜ ଗଠନ ପାଇଁ ପ୍ରେରଣା ଦେଇଛି । ସ୍ଥାନୀୟ ଅଞ୍ଚଳରେ ଏହି ପଦକ୍ଷେପକୁ ସାଧାରଣ ଲୋକ ଓ ପରିବେଶପ୍ରେମୀମାନେ ପ୍ରଶଂସା କରୁଛନ୍ତି ।