ଯୁବକଙ୍କ ଅକାଳ ବିୟୋଗରେ ଶୋକ ର ଛାୟା!

ଯୁବକଙ୍କ ଅକାଳ ବିୟୋଗରେ ଶୋକ ର ଛାୟା!

କେନ୍ଦୁଝର:୧୪/୦୫, (ଖଣ୍ଡାଧାର ନିଉଜ) କେନ୍ଦୁଝରଗଡ ପୌରାଞ୍ଚଳ ଅନ୍ତର୍ଗତ ୱାର୍ଡ ନମ୍ବର- ୮ ସ୍ଥିତ ଗୌରତୋଟା ସାହିର ଯୁବକ ସନାତନ ଦେହୁରୀ (ସନିଆ)ର ଅକାଳରେ ବିୟୋଗ ହୋଇଯାଇଛି। ବୁଧବାର ରାତ୍ରି ୮ ଘଟିକାରେ ୩୨ ବର୍ଷ ବୟସରେ ସନାତନ ଦେହୁରୀ ର ମହାପରାୟଣ ହୋଇଥିଲା। ରାତ୍ରି ରେ ବିଜୁଳି, ଘଡଘଡି, ପବନ ବହିବା ସହିତ ଝଡ଼ି ବର୍ଷା ଲାଗିଥିବା କାରଣରୁ ୧୪ ତାରିଖ ଗୁରୁବାର ସକାଳ ସମୟରେ ଧାଙ୍ଗଡପଡା ସ୍ଥିତ "ଆଦର୍ଶ ଶ୍ମଶାନ" ରେ ମ୍ରୁତ ଶରୀରକୁ ଦାହ ସଂସ୍କାର କରାଯାଇଛି। ସନାତନ ଦେହୁରୀ ର ବନ୍ଧୁବାନ୍ଧବ ଜ୍ଞାନ୍ତି କୁଟୁମ୍ବ ପରିବାରବର୍ଗ ଅନ୍ତିମ ସଂସ୍କାର ସମୟରେ ଉପସ୍ଥିତ ରହିଥିଲେ। ୮ ନମ୍ବର ୱାର୍ଡ କାଉନସିଲର ଦୟାନିଧି ପାତ୍ର ଙ୍କ ସମେତ ସାହି ପଡୋଶୀ ଲୋକମାନେ ମଧ୍ଯ ଅନ୍ତିମ ସଂସ୍କାର ସମୟରେ ଉପସ୍ଥିତ ରହିଥିଲେ। ଆଦର୍ଶ ଶ୍ମଶାନ ର ପରିଚାଳକ ସିଦ୍ଧେଶ୍ଵର ନାଏକ ଓ ନିର୍ମଳ ନାଏକ ସନାତନ ଦେହୁରୀ ର ସସମ୍ମାନେ ଶବ ଦାହ ସଂସ୍କାର କରିବାରେ ପୂର୍ଣ୍ଣତଃ ସାହାଯ୍ୟ ଓ ସହଯୋଗ କରିଥିଲେ। ସନାତନ ଦେହୁରୀ ସ୍ବର୍ଗତଃ ହଳଧର ଦେହୁରୀ ଙ୍କ ଏକମାତ୍ର ଅବିବାହିତ ପୁତ୍ରର କାମଳ ରୋଗରେ ପୀଡିତ ହୋଇ ଘରୟୀ ଚିକିତ୍ସାଧୀନ ଅବସ୍ଥାରେ ଅକାଳରେ ବିୟୋଗ କାରଣରୁ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଥିଛି।