سنگھوارہ: نوجوان نے پھندا لگا کر خودکشی کی

سنگھوارہ دربھنگہ: کلی گاؤں پنچایت کے گوگول گاؤں کے وارڈ 13 میں 25 سالہ جسو سہنی نے پیر کی دیر شام اسکارف سے لٹک کر خودکشی کرلی۔ جسو کی شادی تقریباً پانچ سال قبل جوہی کماری سے ہوئی تھی، جن کے دو بچے بھی ہیں۔ جوہی کماری نے بتایا کہ جسو شراب کے نشے میں رہتا اور منع کرنے پر اس کے ساتھ مارپیٹ کرتا تھا۔

متوفی کے سالا کے مطابق جسو شراب کا عادی تھا اور بیوی کے منع کرنے پر جھگڑے ہوتے رہتے تھے۔ بیوی نے خودکشی سے ایک دن قبل سنگھوارہ تھانہ میں شکایت درج کرائی تھی۔ پولیس نے گھر کا دروازہ توڑ کر جسو کو لٹکا ہوا پایا اور لاش کو پوسٹ مارٹم کے لیے ڈی ایم سی ایچ بھیج دیا ہے۔ پولیس مزید تفتیش کر رہی ہے کہ خودکشی ہے یا سازش۔