आतापर्यंत ३७०० पेक्षा अधिक बेसहारा, निराधार आणि मानसिकदृष्ट्या खचलेल्या व्यक्तींचा कायापालट करण्यात आला आहे.

(नांदेड : विशेष प्रतिनिधी)

तब्बल ७५ महिन्यांपासून संयोजक धर्मभूषण ॲड. दिलीप ठाकूर यांच्या पुढाकारातून जगावेगळा उपक्रम सातत्याने सुरू असून, आतापर्यंत ३७०० पेक्षा अधिक बेसहारा, निराधार आणि मानसिकदृष्ट्या खचलेल्या व्यक्तींचा कायापालट करण्यात आला आहे. निराशेच्या गर्तेत अडकलेल्या काहींना रोजगार उपलब्ध करून दिला. या कार्याच्या अमृत महोत्सवी पर्वात अनेक मान्यवरांनी उपस्थित राहून या उपक्रमाचे कौतुक केले.

नांदेड शहरात सोमवारी गोवर्धन घाट परिसरात एक वेगळंच दृश्य पाहायला मिळालं ना राजकीय सभा, ना मोठा सत्कार, ना गाजावाजा पण एका आरशासमोर बसलेल्या बेसहारा व्यक्तीच्या डोळ्यांत मात्र अनेक वर्षांनी चमक दिसत होती! केसांचा गुंता, वाढलेली दाढी, अंगावरची मळकट वस्त्रं आणि चेहऱ्यावर निराशेची राख पण काही तासांतच तोच चेहरा स्वच्छ, नीटनेटका आणि आत्मविश्वासाने उजळलेला दिसला. हे शक्य झाले कायापालट या अनोख्या मानवतावादी उपक्रमामुळे!

या उपक्रमाला माजी मुख्यमंत्री अशोकराव चव्हाण, खा. डॉ. अजित गोपछडे, भाजपा प्रदेश उपाध्यक्ष संजय कोडगे व ॲड. चैतन्य देशमुख, माजी पालकमंत्री डी. पी. सावंत, महानगराध्यक्ष अमर राजूरकर, जिल्हाध्यक्ष डॉ. संतुकराव हंबर्डे व ॲड. किशोर देशमुख, महापौर कविता मुळे, उपमहापौर दीपकसिंह रावत, स्थायी सभापती विरेंद्रसिंघ गाडीवाले, सभागृह नेते ॲड. महेश कनकदंडे, जिल्हा सरचिटणीस विजय येवणकर, शीतल खांडील, विजय गंभीरे, सुषमा थोरात तसेच लायन्स उपप्रांतपाल योगेश जायस्वाल यांचे मार्गदर्शन लाभते. भाजपा नांदेड महानगर, लायन्स क्लब नांदेड सेंट्रल आणि अमरनाथ यात्री संघ यांच्या संयुक्त विद्यमाने हा उपक्रम दरमहा राबविण्यात येतो.

या दिवशी दिलीप ठाकूर सह अनेक स्वयंसेवक अक्षरशः देवदूत बनले होते. स्वयंसेवक राजू अण्णा यांनी बेसहारांची कटिंग आणि दाढी करून त्यांना नव्या रूपात आणले. महेंद्र शिंदे यांनी स्वतः पुढे येत स्नान घातले, तर स्वच्छ पाण्याची व्यवस्था कामगार मोर्चाचे जिल्हाध्यक्ष सुरेश लोट यांनी केली. दिलीप ठाकूर यांच्या तर्फे नवीन कपडे, चहा-फराळ आणि प्रत्येकाला १०० रुपयांची बक्षिसी देण्यात आली.

स्नेहलता जायस्वाल यांनी गरमागरम खिचडी वाटप केली तर सुभाष बंग यांनी देवी बनियन देऊन सहकार्य केले. आरोग्याची विशेष काळजी घेत डॉ. अर्जुन मापारे आणि डॉ. दि. बा. जोशी यांनी मोफत तपासणी व औषधोपचार केले.

या उपक्रमाला हैदराबाद येथील सरोज व पुष्पराज जायस्वाल, नागपूरचे ॲड. अभय अवधीया आणि प्रवीण अवधीया यांनी सदिच्छा भेट देऊन दिलीप ठाकूर यांचे तोंड भरून कौतुक केले. उपक्रम संपल्यानंतर संपूर्ण परिसर स्वच्छ करण्यात आला. उपक्रम यशस्वी करण्यासाठी प्रभुदास वाडेकर, सुरेश शर्मा, अरुण काबरा आणि शिवा लोट यांनी विशेष परिश्रम घेतले.

शहरात अनेक कार्यक्रम होतात. पण काही कार्यक्रम केवळ बातमी राहत नाहीत ते माणुसकीचा आरसा बनतात! कायापालट हा त्यापैकीच एक जिथे फक्त चेहरा नाही, तर आयुष्य बदलण्याचा प्रयत्न केला जातो.

(शीर्षक पर्याय)

१. धर्मभूषण ॲड. दिलीप ठाकूर यांच्या कायापालटचे ७५ महिने पूर्ण

२. ॲड. दिलीप ठाकूर यांच्या कायापालटमधून ३७०० पेक्षा अधिक बेसहारांना नवजीवन

३. दिलीप ठाकूर यांच्या कायापालट उपक्रमाचा अमृत महोत्सव उत्साहात

४. ७५ महिन्यांपासून दिलीप ठाकूर यांची अखंड मानवसेवा; ३७०० जणांचा कायापालट

५. कायापालटच्या माध्यमातून दिलीप ठाकूर यांनी बदलली हजारोंची आयुष्ये

६. दिलीप ठाकूर यांच्या कायापालटने बेसहारांच्या चेहऱ्यावर फुलवले हास्य

७. गोवर्धन घाटावर दिलीप ठाकूर यांच्या कायापालटचा मानवतेचा उत्सव

८. दिलीप ठाकूर यांच्या कायापालटचे ७५ महिने : सेवेला मानवतेचा सलाम

९. ३७०० पेक्षा अधिक निराधारांचा कायापालट; दिलीप ठाकूर यांच्या कार्याचे कौतुक

१०. चेहरा नाही तर आयुष्य बदलणारा दिलीप ठाकूर यांचा कायापालट उपक्रम

*Devashish Govind Tokekar*
*VANDE Bharat live tv news Nagpur*
Editor/Reporter/Journalist
RNI:- MPBIL/25/A1465
*Indian Council of press,Nagpur*
Journalist Cell
*All India Media Association
Nagpur*
*District President*
*Delhi Crime Press*
RNI NO : DELHIN/2005/15378
AD.Associate /Reporter
*INDIAN PRESS UNION*
District Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015