"Hindustan Aazad hai, lekin hamari Soch 'Copy Version' kyon? Gramin Samaj mein 'Khayali Cinema' aur 'Nasib' ke dose par ek bada khulasa!"
Hindustan Aazad hai, lekin hamari Soch 'Copy Version' kyon? Gramin Samaj mein 'Khayali Cinema' aur 'Nasibi' ke dose par ek bada khulasa!
Vill:Sihali Khaddar, Dilari Moradabad Uttar Pradesh,
Report: Mohammad Asim (All India Media Association)
Aaj hamara gramin samaj ek ajeeb aur khatarnak mansikta (mindset) ka shikaar ho chuka hai. Hum "Hindustan Aazad hai" ka naara toh garv se lagate hain, lekin haqiqat yeh hai ki hamari soch aaj bhi dusron ki ghulami kar rahi hai. Hum ek-dusre ki buraiyon aur susti ki nakal karne mein itne maahir ho gaye hain ki hamari asliyat sirf ek 'Copy Version' ban kar reh gayi hai.
'Khayali Cinema' aur Palla Jhadne ki Fitrat
Gramin samaj ka ek bada hissa aaj ek 'Khayali Cinema' mein jee raha hai. Log badi-badi baatein toh karte hain, lekin jab kuch badlav karne ki baat aati hai, toh "Hindustan Aazad hai" keh kar apni zimmedariyon se palla jhad lete hain. Yeh aazadi nahi, balki ek darr hai jo hamari internal life ko control kar raha hai. Jab tak hum meaningless emotions mein uljhe rahenge, hamari tarakki sirf kagazo tak hi mahdood rahegi.
'Nasibi' ka Dose aur Zahalat ka Janm
Humein ek ajeeb bimari lag gayi haihar nakamyabi ko 'Nasibi' ka naam dekar usse bach nikalna. Yeh naseeb ka bahana darasal ek aisa dose hai jise hum roz lete hain taaki koi humein galat na keh sake. Humne "Kharbuje ko dekh kar kharbuja rang badalta hai" wali misaal ko itna ganda apna liya hai ki galat ko sahi maankar use 'Aam Jeevan' (Normal Life) ka hissa bana liya hai. Isi wajah se aaj bhi hamara samaj 'Zahil' bana hua hai, jahan shiksha sirf naseeb ki baat hai aur "Roti, Kapda, Makan" hi sab kuch hai.
Solutions: Vicharon ko Roop Dein (Action over Imagination)
Samaj ka circulation insaan hai, aur insaan ka circulation uske vichar. Agar humein viksit hona hai, toh humein apni 'Mental Quality' ko sudharna hoga:
Vegetable Cropping: Sirf purani kheti nahi, balki sabziyon ki kheti ko business banaiye.
Local Mandi ki Sthapna: Gaon star par vyapaar ke raste kholiye taaki kisan ko uski mehnat ka pura rang mil sake.
No Lipdi-Chupdi: Dikhaave ki lifestyle se bahar nikal kar 'Active Khayal' paida karein.
Nishkarsh
Dhyan rakhiye, Mental Poverty (dimagi garibi) kisi bhi desh ke haath mein katora thama sakti hai. Agar humne aaj apne vicharon ko sahi roop nahi diya, toh aane wali naslein humein kabhi maaf nahi karengi. Humein 'Copy' banna chhod kar 'Original' ban-na hoga