କୁକୁଡାଖଣ୍ଡିରେ ବିଜେପି ବିଜୟ ଉତ୍ସବ ଓ ବାଇକ୍ ରାଲି

କୁକୁଡାଖଣ୍ଡି: ତିନି ରାଜ୍ୟର ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି (ବିଜେପି)ର ବିପୁଳ ବିଜୟରୁ ଖୁସି ପ୍ରକାଶ କରିବା ପାଇଁ ବାଲିପଡା ମଣ୍ଡଳ ପକ୍ଷରୁ କୁକୁଡାଖଣ୍ଡି ମଣ୍ଡଳ କାର୍ଯ୍ୟାଳୟରେ ବିଜୟ ଉତ୍ସବ ଧୁମଧାମରେ ପାଳନ କରାଯାଇଛି। ଏହା ସହ ଲଳିତ ମୋହନ ବିଷୋୟୀଙ୍କ ନେତୃତ୍ୱରେ କମ୍ପିଲା ସହରରେ ବିଶାଳ ବାଇକ୍ ରାଲି ଆୟୋଜିତ ହୋଇଥିଲା, ଯାହା କୁକୁଡାଖଣ୍ଡି ମଣ୍ଡଳ ଅଫିସରୁ ବାହାରି ବିଭିନ୍ନ ଅଞ୍ଚଳ ପରିକ୍ରମା କରିଥିଲା। କର୍ମଚାରୀମାନେ 'ଭାରତ ମାତା କି ଜୟ' ଓ 'ବିଜେପି ଜିନ୍ଦାବାଦ' ନାରା ଦେଇ ସହର ପ୍ରକମ୍ପିତ କରିଥିଲେ।

ଏହି ବିଜୟ ଉତ୍ସବରେ ବରିଷ୍ଠ ନେତା ରାମ ପ୍ରସାଦ ସାମଲ, ସାଂସଦ ପ୍ରତିନିଧି ସନ୍ତୋଷ ଚୌଧୁରୀ, ଏ. ନନ୍ଦକିଶୋର, କେ. ବିକ୍ରମ, ପି. ଶିବାନନ୍ଦ, ଏ. ଗୋବିନ୍ଦ, ରଘୁ ଭାଇ, କୋରା ଗୌଡ, ଫିରୋଜ ଭାଇ, ମଧୁ ସେଠୀ, ନିଲେଶ ଦଳେଇ, ଗୋବିନ୍ଦ ବିଷୋୟୀ, କାଳୁଚରଣ ବେହେରା, ସନ୍ତୋଷ ଗୌଡ, ଜିତେନ୍ଦ୍ର ସେଠି, ଶଙ୍କରଶଣ ଜେନା, ଅଶୋକ ମହାରଣା, ଚନ୍ଦନ ମହାରଣା, ଗୌତମ ମହାରଣା, ମିଟୁ ମହାରଣା, ସୁଶାନ୍ତ ସାହୁ, କୋଟି ଲକ୍ଷ୍ମୀ ନାରାୟଣ ସହ ଶତାଧିକ କର୍ମଚାରୀ ଯୋଗ ଦେଇଥିଲେ। ସମସ୍ତ କର୍ମଚାରୀ ମିଠା ବଣ୍ଟନ, ବାଣ ଫୁଟାଇ ଓ ନାଚ-ଗୀତରେ ଉତ୍ସବ ପାଳନ କରିଥିଲେ।

ମଣ୍ଡଳ ସଭାପତି ଲଳିତ ମୋହନ ବିଷୋୟୀ କହିଥିଲେ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଓ ବିକାଶ ଉପରେ ଜନତାଙ୍କର ଭରସା ଏହି ବିଜୟର କାରଣ। ସେ ଆଶା ପ୍ରକାଶ କରିଥିଲେ ଯେ ଆଗାମୀ ଦିନରେ ଓଡିଶାରେ ବି ବିଜେପି ସରକାର ଗଠନ ହେବ।