ପୁରୁଷୋତ୍ତମପୁରରେ ବିଜେପି ବିଜୟ ଉତ୍ସବ ପାଳନ

ପୁରୁଷୋତ୍ତମପୁର : ଗଞ୍ଜାମ ଜିଲ୍ଲାର ପୁରୁଷୋତ୍ତମପୁର ସହରରେ ବିଜେପିର ବିଜୟ ପରେ ଖୁସିର ମହଲ ଓ ବିଜୟ ଉତ୍ସବ ହୋଇଥିଲା। ବସଷ୍ଟାଣ୍ଡ ଅଞ୍ଚଳରେ ଏହି ଉତ୍ସବ ଧୂମଧାମରେ ଆୟୋଜିତ ହୋଇଥିଲା, ଯାହାର ସଂଯୋଜନା ଘୁମୁସର ଜିଲ୍ଲା ଯୁବ ବିଜେପି ସଭାପତି ଅଜିତ କୁମାର ପଣ୍ଡାଙ୍କ ଦ୍ୱାରା ହୋଇଥିଲା। ରାତି ୯ଟା ସମୟରେ ଅନେକ ଯୁବ ନେତା ଓ କର୍ମୀ ଏହି କାର୍ଯ୍ୟକ୍ରମରେ ଯୋଗଦେଇଥିଲେ, ବାଣ ଫୁଟାଇବା, ପତାକା ହଲେଇବା ଓ ଦେଶଭକ୍ତିମୟ ସ୍ଲୋଗାନ ଦ୍ୱାରା ପରିବେଶକୁ ଉତ୍ସାହମୟ କରାଯାଇଥିଲା।



ଉତ୍ସବ ସମୟରେ “ଜୟ ଶ୍ରୀରାମ” ଧ୍ୱନି ସହ ବସଷ୍ଟାଣ୍ଡ ଅଞ୍ଚଳକୁ ଉତ୍ସବ ମଞ୍ଚରେ ପରିଣତ କରାଯାଇଥିଲା। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହ ଓ କେନ୍ଦ୍ରମନ୍ତ୍ରୀ ନିତିନ ଗଡକରୀଙ୍କ ପ୍ରଶଂସା ସହ ଉତ୍ସାହିତ ସ୍ଲୋଗାନ ଦିଆଯାଇଥିଲା। ସୁରେଶ କୁମାର ମହାନ୍ତି, ପ୍ରକାଶ ଚନ୍ଦ୍ର ବେହେରା, ଅମିତ ମହାପାତ୍ର, ଚିଣ୍ଟୁ ମହାପାତ୍ର, କିଶୋର ଚନ୍ଦ୍ର ସାହୁ, ପ୍ରହଲ୍ଲାଦ ସାହୁ ଓ ଶ୍ୟାମ ବାବୁ ଦୋରା ସହ ଅନେକ ଯୁବ କର୍ମୀ ଓ ସମର୍ଥକ ଏହି ଉତ୍ସବରେ ଅଂଶ ନେଇଥିଲେ। ନେତାମାନେ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ଓ ନୀତି ନିର୍ଦ୍ଦେଶନାରେ ବିଭିନ୍ନ ବିଜେପି ଶାସିତ ରାଜ୍ୟର ଦ୍ରୁତ ଉନ୍ନତି ହେଉଛି ବୋଲି କହିଥିଲେ।