തിരുവനന്തപുരത്ത് യുഡിഎഫ് ഭരണം ഉറപ്പിച്ചുവെന്ന് സൂചനകൾ

തിരുവനന്തപുരത്ത്: സംസ്ഥാനത്ത് യുഡിഎഫ് ഭരണം ഉറപ്പിച്ചുവെന്ന സൂചനകൾക്കിടെ കെപിസിസി ആസ്ഥാനത്ത് കോൺഗ്രസ് നേതാക്കൾ മാധ്യമങ്ങളെ അഭിസംബോധന ചെയ്തു. കെപിസിസി അധ്യക്ഷൻ സണ്ണി ജോസഫ്, പ്രതിപക്ഷ നേതാവ് വി.ഡി. സതീശൻ, എഐസിസി ജനറൽ സെക്രട്ടറി കെ.സി.വേണുഗോപാൽ, രമേശ് ചെന്നിത്തല, ശശി തരൂർ എന്നിവ വാർത്താസമ്മേളനത്തിൽ പങ്കെടുത്തു. ഉച്ചയ്ക്ക് ഒരു മണിക്ക് വീണ്ടും മാധ്യമങ്ങളെ കാണുമെന്ന് നേതാക്കൾ അറിയിച്ചു.

വോട്ടെണ്ണൽ നാല് മണിക്കൂർ പിന്നിടുമ്പോൾ എൽഡിഎഫ് 43, യുഡിഎഫ് 96, എൻഡിഎ 1 എന്നിങ്ങനെയാണ് ലീഡ് നില. തുടക്കത്തിൽ പിന്നിലായിരുന്ന മുഖ്യമന്ത്രി പിണറായി വിജയൻ ഏഴാം റൗണ്ട് പൂർത്തിയായപ്പോൾ 1,536 വോട്ടിന്റെ ലീഡ് സ്വന്തമാക്കി. 13 മന്ത്രിമാർ ഇപ്പോഴും വോട്ടിൽ പിന്നിലാണെങ്കിലും, യുഡിഎഫ് പ്രമുഖരിൽ പലരും മുന്നേറ്റത്തിലാണ്. ബേപ്പൂരിൽ പി.എ. മുഹമ്മദ് റിയാസ് മുന്നിലാണ്. വോട്ടെണ്ണൽ തുടരുന്നതിനിടെ സംസ്ഥാനത്ത് രാഷ്ട്രീയ ചിത്രം കൂടുതൽ വ്യക്തമായിക്കൊണ്ടിരിക്കുന്നു.