સુરત: વાંઝ ગામના ગેસ બિલ વિતરણમાં વિલંબથી ગ્રાહકોમાં રોષ

સુરત: વાંઝ ગામના ગેસ ગ્રાહકોમાં ભારે રોષ ફેલાયો છે કારણ કે છેલ્લા પાંચ મહિનાથી ગેસ બિલ આપવામાં આવ્યું નથી. ગ્રાહકોનું કહેવું છે કે બિલ ન મળવાના કારણે તેઓ અનિશ્ચિતતા અને આર્થિક મુશ્કેલીનો સામનો કરી રહ્યા છે.

ગ્રાહકોનો આક્ષેપ છે કે જો લાંબા સમય બાદ એકસાથે બિલ મોકલવામાં આવશે અને તેમાં વધારાના દર લાગુ કરવામાં આવશે તો તે સ્વીકાર્ય નહીં હોય. તેમણે તાત્કાલિક બાકી રહેલા બિલો મોકલવા અને બાકી રકમને સરળ હપ્તાઓમાં વસૂલવા માંગણી કરી છે. વાંઝ ગામના ગ્રાહકો જો યોગ્ય પગલાં નહીં લેવામાં આવે તો કાનૂની રસ્તો અપનાવવાની ચેતવણી પણ આપી છે.