ବିଧାୟକ ଓ ବନଖଣ୍ଡ ଅଧିକାରୀଙ୍କୁ ସମ୍ବର୍ଦ୍ଧନା ଜଣାଇଲେ ଜାମୁନାଳିଆ ଗ୍ରାମବାସୀ।

ବିଧାୟକ ଓ ବନଖଣ୍ଡ ଅଧିକାରୀଙ୍କୁ ସମ୍ବର୍ଦ୍ଧନା ଜଣାଇଲେ ଜାମୁନାଳିଆ ଗ୍ରାମବାସୀ।

ପାଟଣା ୨୪/୦୪ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମବାସୀଙ୍କ ପକ୍ଷରୁ ଶୁକ୍ରବାର ସ୍ଥାନୀୟ ବିଧାୟକ ଅଖିଳ ଚନ୍ଦ୍ର ନାଏକ ଓ କେନ୍ଦୁଝର ବନଖଣ୍ଡ ଅଧିକାରୀ ଏଚ୍ ଡି ଧନରାଜଙ୍କୁ ଗ୍ରାମରେ ସ୍ୱତନ୍ତ୍ର ଭାବେ ସମ୍ବର୍ଦ୍ଧନା ପ୍ରଦାନ କରାଯାଇଛି। ଗ୍ରାମର ଏ 2.47ଡି ସଂରକ୍ଷିତ ଜଙ୍ଗଲ ଜମିରେ ଥିବା ବହୁ ପୁରାତନ ଖେଳପଡ଼ିଆକୁ ସାଧାରଣ ଖେଳପଡ଼ିଆ ପାଇଁ ପରିବର୍ତ୍ତନ କରାଯାଇ ପଟ୍ଟା ଦେଇଥିବାରୁ ଗ୍ରାମରେ ଏକ ଭବ୍ୟ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜନ ଆୟୋଜନ କରାଯାଇଥିଲା।ପୂର୍ବତନ ସମିତି ସଭ୍ୟ ମିତ୍ରଭାନୁ ମହାନ୍ତଙ୍କ ସଂଯୋଜନାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, କେନ୍ଦୁଝର ବନଖଣ୍ଡ ଅଧିକାରୀ ଏଚ୍ ଡି ଧନରାଜ, ପାଟଣା ବ୍ଲକ ଅଧ୍ୟକ୍ଷା ବିଣାପାଣି ନାୟକ, ସ୍ଥାନୀୟ ସରପଞ୍ଚ ଲିନା ନାୟକ, ସମିତି ସଭ୍ୟା ମଞ୍ଜୁଲତା ମହାନ୍ତ,ବିଧାୟକଙ୍କ ପାଟଣା ବ୍ଲକ ପ୍ରତିନିଧି କମଳାକାନ୍ତ ଦାଶ, ପୂର୍ବତନ ପାଟଣା ବ୍ଲକ ଅଧ୍ୟକ୍ଷ ବିଶ୍ବନାଥ ନାୟକ , ତୁରୁମୁଙ୍ଗା ଥାନା ଅଧିକାରୀ ରଶ୍ମିରଞ୍ଜନ ସାହୁ, ପାଟଣା ବିଡ଼ିଓ ମାନସ କୁମାର ଦଣ୍ଡପାଟ, ଖିରେଇଟାଙ୍ଗିରୀ ବନପାଳ ପୂର୍ଣ୍ଣଚନ୍ଦ୍ର ମହାନ୍ତ ଓ ବରିଷ୍ଠ ସାମ୍ବାଦିକ ନୃସିଂହ ନାଥ ସିଂହ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ। ଗ୍ରାମର ସଂରକ୍ଷିତ ଜଙ୍ଗଲ ଜମିରେ ଥିବା ବହୁ ପୁରାତନ ଖେଳପଡ଼ିଆକୁ ସାଧାରଣ ଖେଳପଡ଼ିଆ ପାଇଁ ପରିବର୍ତ୍ତନ କରାଯାଇଥିବାରୁ ପାଟଣା ବିଧାୟକ ଓ ଜିଲ୍ଲା ବନଖଣ୍ଡ ଅଧିକାରୀ ଏଚ୍ ଡି ଧନରାଜଙ୍କୁ ଭବ୍ୟ ସ୍ୱାଗତ ସମ୍ୱର୍ଦ୍ଧନା ଜଣାଇଥିଲେ।ଏହି ଖେଳ ପଡ଼ିଆ କୁ ଏକ ଉନ୍ନତ ମାନର ଓ ଅତ୍ୟାଧୁନିକ ଖେଳ ପଡ଼ିଆ ରେ ପରିଣତ କରିବା ପାଇଁ ସମସ୍ତ ସହଯୋଗ କରିବେ ବୋଲି ବିଧାୟକ ଶ୍ରୀ ନାଏକ ପ୍ରତିଶ୍ରୁତି ଦେଇଥିଲେ।ଏହି ଅବସରରେ ବିଧାୟକ ଓ ବନଖଣ୍ଡ ଅଧିକାରୀ ଗ୍ରାମବାସୀ ଙ୍କୁ ଉକ୍ତ ଜମିର ପଟ୍ଟା ପ୍ରଦାନ କରିଥିଲେ।

ଖଣ୍ଡାଧାର ନିଉଜ- ସାମ୍ବାଦିକ ବିଜୟ ରତ୍ନ ପତିଙ୍କ ରିପୋର୍ଟ।