ଚମ୍ପୁଆ ପଞ୍ଚାୟତ ସମିତି ପକ୍ଷରୁ ଜାତୀୟ ପଞ୍ଚାୟତିରାଜ ଦିବସ ପାଳିତ

​ଚମ୍ପୁଆ (୨୪/୦୪)କେନ୍ଦୁଝର ଜିଲ୍ଲା ଚମ୍ପୁଆ ପଞ୍ଚାୟତ ସମିତି ପରିସର ମଧ୍ୟରେ ଆଜି ଜାତୀୟ ପଞ୍ଚାୟତିରାଜ ଦିବସ-୨୦୨୬ ମହାସମାରୋହରେ ପାଳିତ ହୋଇଯାଇଛି। ଗୋଷ୍ଠୀ ଉନ୍ନୟନ ଅଧିକାରୀ (ବିଡିଓ) ଶ୍ରୀ ସ୍କୃତିରଞ୍ଜନ ସାହୁଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଗ୍ରାମାଞ୍ଚଳର ସର୍ବାଙ୍ଗୀନ ବିକାଶ ଓ ସ୍ଥାନୀୟ ସ୍ୱୟଂଶାସନ ବ୍ୟବସ୍ଥାକୁ ସୁଦୃଢ଼ କରିବା ଉପରେ ଗୁରୁତ୍ୱାରୋପ କରାଯାଇଥିଲା।​ଏହି ଉତ୍ସବରେ ପାଟଣା ବିଧାୟକଙ୍କ ପ୍ରତିନିଧି ଶ୍ରୀ ଭାବଗ୍ରାହୀ ମହାନ୍ତ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଅନ୍ୟତମ ସମ୍ମାନିତ ଅତିଥି ଭାବେ ​୧୫ ନମ୍ବର ଜୋନର ଜିଲ୍ଲା ପରିଷଦ ସଭ୍ୟା ରମଣି ନାୟକ,
​ପଞ୍ଚାୟତ ସମିତି ଅଧ୍ୟକ୍ଷ ସୁରେଶ ନାୟକ,
​ଉପାଧ୍ୟକ୍ଷା ସୁମିତ୍ରା ପାତ୍ର ଓ
​କନିଷ୍ଠ ଯନ୍ତ୍ରୀ ସବ୍ୟସାଚି ନାଏକ
​ପ୍ରମୁଖ ଯୋଗଦାନ କରି ପଞ୍ଚାୟତିରାଜ ଦିବସର ଐତିହାସିକ ତାତ୍ପର୍ଯ୍ୟ ଏବଂ ସାମ୍ବିଧାନିକ ଗୁରୁତ୍ୱ ବିଷୟରେ ଆଲୋକପାତ କରିଥିଲେ। ତୃଣମୂଳ ସ୍ତରରେ ଗଣତନ୍ତ୍ରକୁ କିଭଳି ଅଧିକ କ୍ରିୟାଶୀଳ କରାଯାଇପାରିବ, ସେ ନେଇ ଅତିଥିମାନେ ସେମାନଙ୍କର ସୁଚିନ୍ତିତ ମତାମତ ରଖିଥିଲେ।
​​କାର୍ଯ୍ୟକ୍ରମରେ ବିଶେଷ କରି ଦୁଇଟି ଦିଗ ଉପରେ ଜନସାଧାରଣଙ୍କୁ ସଚେତନ କରାଯାଇଥିଲା । ଗ୍ରାମାଞ୍ଚଳର ଶାସନ ବ୍ୟବସ୍ଥାରେ ସ୍ଥାନୀୟ ଲୋକଙ୍କ ଭାଗିଦାରୀ ବୃଦ୍ଧି କରିବା। ଗ୍ରାମର ବିକାଶମୂଳକ ଯୋଜନା ପ୍ରସ୍ତୁତ କରିବାରେ "ଗ୍ରାମସଭା"ର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏଥିପାଇଁ ସାଧାରଣ ଜନତାଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ବିଡିଓ ଶ୍ରୀ ସାହୁ ପରାମର୍ଶ ଦେଇଥିଲେ। ​ଏହି ଅବସରରେ ପଞ୍ଚାୟତ ସମିତିର ଅନ୍ୟାନ୍ୟ କର୍ମଚାରୀ, ସରପଞ୍ଚ ଏବଂ ସ୍ଥାନୀୟ ଜନପ୍ରତିନିଧିମାନେ ଉପସ୍ଥିତ ଥିଲେ। ଶେଷରେ ପଞ୍ଚାୟତ ସମିତି ପକ୍ଷରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରାଯାଇ କାର୍ଯ୍ୟକ୍ରମ ସାଙ୍ଗ କରାଯାଇଥିଲା।