🌡️ आर्णीत तापमानाचा पारा ४१ अंशांवर; नागरिक हैराण

आर्णी (प्रतिनिधी):
यवतमाळ जिल्ह्यातील आर्णी येथे उन्हाचा कडाका दिवसेंदिवस वाढत असून आज तापमान थेट ४१ अंश सेल्सिअसपर्यंत पोहोचले आहे. प्रखर उन्हामुळे नागरिकांचे दैनंदिन जीवन विस्कळीत झाले असून दुपारच्या वेळेत रस्त्यांवर शुकशुकाट पाहायला मिळत आहे.
विशेषतः लहान मुले, ज्येष्ठ नागरिक आणि शेतकरी यांना उष्णतेचा सर्वाधिक फटका बसत आहे. बाजारपेठेतही ग्राहकांची वर्दळ कमी झाली असून व्यापाऱ्यांवरही त्याचा परिणाम दिसून येत आहे. वैद्यकीय तज्ज्ञांनी नागरिकांना अत्यावश्यक कामाशिवाय दुपारी बाहेर पडू नये, भरपूर पाणी पिण्याचा सल्ला दिला आहे.
दरम्यान, पुढील काही दिवस तापमान आणखी वाढण्याची शक्यता हवामान विभागाने व्यक्त केली असून नागरिकांनी योग्य ती काळजी घेण्याचे आवाहन करण्यात आले आहे.
✍️ पत्रकार: बिलाल शाह
AIMA मीडिया, आर्णी