ଚମ୍ପୁଆ NAC ର ଚରମ ଅବହେଳା: ଅନ୍ଧକାରରେ ଫଗୁ ବ୍ରିଜ୍‌ ରାସ୍ତା, ବିପଦ ସଙ୍କୁଳ ଅବସ୍ଥାରେ ପଥଚାରୀ

ଚମ୍ପୁଆ : -(୨୩/୦୪) :
ସହରର ବିକାଶ ଓ ଜନସାଧାରଣଙ୍କୁ ମୌଳିକ ସୁବିଧା ଯୋଗାଇଦେବା ପାଇଁ ଚମ୍ପୁଆ NAC କର୍ତ୍ତୃପକ୍ଷ ବଡ଼ ବଡ଼ ଦାବି କରୁଥିବା ବେଳେ ବାସ୍ତବ ଚିତ୍ର କିନ୍ତୁ ସମ୍ପୂର୍ଣ୍ଣ ଓଲଟା। ଚମ୍ପୁଆରୁ ଫଗୁ ବ୍ରିଜ୍‌କୁ ସଂଯୋଗ କରୁଥିବା ମୁଖ୍ୟ ରାସ୍ତାର ଅବସ୍ଥା ଏବେ ଅତ୍ୟନ୍ତ ମ୍ରିୟମାଣ ହୋଇପଡ଼ିଛି। ପ୍ରାୟ ଅଧା କିଲୋମିଟର ରାସ୍ତାରେ ଲାଗିଥିବା ଷ୍ଟ୍ରିଟ୍ ଲାଇଟ୍‌ ମଧ୍ୟରୁ ଗୋଟିଏ ହେଲେ ଜଳୁ ନଥିବାରୁ ସନ୍ଧ୍ୟା ହେଲେ ସମ୍ପୂର୍ଣ୍ଣ ଅଞ୍ଚଳ ଅନ୍ଧକାରମୟ ହୋଇପଡ଼ୁଛି।​ଉକ୍ତ ରାସ୍ତାଟି ସ୍ଥାନୀୟ ଅଞ୍ଚଳର ବହୁ ବରିଷ୍ଠ ନାଗରିକ ଓ ମହିଳାମାନଙ୍କ ପାଇଁ ଏକ ପ୍ରମୁଖ ଚଲାପଥ। ପ୍ରତିଦିନ ଶତାଧିକ ଲୋକ ଏଠାରେ ମର୍ଣ୍ଣିଂ ୱାକ୍ ଏବଂ ଇଭିନିଂ ୱାକ୍ କରନ୍ତି। ମାତ୍ର ଆଲୋକ ଅଭାବରୁ ଏବଂ ରାସ୍ତାର ଖରାପ ଅବସ୍ଥା ଯୋଗୁଁ ସେମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଅନ୍ଧାର ଯୋଗୁଁ ଯେକୌଣସି ସମୟରେ ବଡ଼ ଧରଣର ଦୁର୍ଘଟଣା ଘଟିବାର ଆଶଙ୍କା ଘେରି ରହିଛି।​ଚମ୍ପୁଆବାସୀ ନିୟମିତ ଭାବେ NAC କୁ ହୋଲଡିଂ ଟ୍ୟାକ୍ସ (Holding Tax) ପ୍ରଦାନ କରୁଛନ୍ତି। ଟ୍ୟାକ୍ସ ଆଦାୟରେ ପ୍ରଶାସନ ତପ୍ତରତା ଦେଖାଉଥିବା ବେଳେ ସର୍ବସାଧାରଣଙ୍କ ସୁବିଧା କଥା ପଚାରେ କିଏ? ଖାଲି ଷ୍ଟ୍ରିଟ୍ ଲାଇଟ୍ ନୁହେଁ, ବରଂ:
​ରାସ୍ତାଘାଟର ଅବସ୍ଥା ଅତ୍ୟନ୍ତ ଶୋଚନୀୟ।
​ନର୍ଦ୍ଦମା ବା ଡ୍ରେନ୍‌ଗୁଡ଼ିକ ନିୟମିତ ସଫା କରାଯାଉ ନାହିଁ।
​ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି।
​"ଆମେ ଟ୍ୟାକ୍ସ ଦେଉଛୁ କିନ୍ତୁ ସର୍ବନିମ୍ନ ସୁବିଧା ପାଉନାହୁଁ। ଅନ୍ଧାରରେ ବ୍ରିଜ୍ ଆଡକୁ ଯିବା ଏବେ ବିପଜ୍ଜନକ ହୋଇପଡ଼ିଛି।"
​​ପ୍ରଶାସନର ଏଭଳି ଉଦାସୀନତାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଚମ୍ପୁଆ NAC କର୍ତ୍ତୃପକ୍ଷ ତୁରନ୍ତ ଏହି ରାସ୍ତାରେ ଷ୍ଟ୍ରିଟ୍ ଲାଇଟ୍ ମରାମତି କରିବା ସହ ରାସ୍ତା ଓ ଡ୍ରେନ୍‌ର ସଫେଇ ଉପରେ ଦୃଷ୍ଟି ଦେବାକୁ ଦାବି ହୋଇଛି।