🚨 डोंबिवलीकरांसाठी महत्त्वपूर्ण सूचना : रिक्षा मुजोरी व वाहतूक कोंडीवर ठोस पावले 🚨

ठाणे / डोंबिवली .
प्रभाग क्र. २६ मधील सर्व नागरिकांना नम्र अभिवादन,

डोंबिवली परिसरात विशेषतः केळकर रोड येथे वाढत चाललेली रिक्षाचालकांची मनमानी व वाहतूक कोंडी याबाबत नागरिकांकडून सातत्याने व्यक्त होत असलेल्या तक्रारींची दखल घेत, श्री. केदार नवरे यांच्या पुढाकारातून प्रादेशिक परिवहन कार्यालय (RTO) तसेच वाहतूक पोलीस विभागासोबत एक महत्त्वपूर्ण बैठक आयोजित करण्यात आली. सदर बैठकीत समस्येच्या कायमस्वरूपी निवारणासाठी ठोस निर्णय घेण्यात आले आहेत.

बैठकीतील प्रमुख निर्णय :

🔹 विशेष पोलीस नियुक्ती :
केळकर रोडवरील वाहतूक सुरळीत करण्यासाठी आणि बेकायदेशीर रिक्षा थांबे व पार्किंगवर नियंत्रण ठेवण्यासाठी वाहतूक शाखेकडून स्वतंत्र पोलीस अधिकारी/प्रतिनिधी नियुक्त केला जाणार आहे, असे श . वा . शा . डों , मा. वरिष्ठ पोलीस निरीक्षक श्रीराम पाटील यांनी आश्वासन दिले आहे.

🔹तक्रार नोंदविण्याची सुलभ व्यवस्था :
नागरिकांच्या तक्रारींवर त्वरित कारवाई व्हावी यासाठी RTO प्रशासनाने अधिकृत व्हॉट्सॲप सुविधा उपलब्ध करून दिली आहे.

📲 तक्रार क्रमांक : 8655654184
(तक्रार नोंदविताना संबंधित रिक्षाचा फोटो पाठवणे आवश्यक राहील.)
बैठकीस उपस्थित मान्यवर :
विहंग पुसाळकर, सोनाली हळबे, विजयालक्ष्मी बोडस, हेमंत ताम्हणे, उल्हास दाते, सचिन गवळी, विपुल वैद्य, अशोक हळदिवे, गणेश विटकर, शार्दूल नवरे, बन्सी तसेच इतर नागरिक व कार्यकर्ते मोठ्या संख्येने उपस्थित होते.
प्रशासनाकडून मिळालेल्या सकारात्मक प्रतिसादामुळे या प्रश्नावर लवकरच प्रभावी तोडगा निघेल, असा विश्वास व्यक्त केला जात आहे. यासाठी नागरिकांनीही जबाबदारीची जाणीव ठेवून उपलब्ध तक्रार सुविधेचा सक्रियपणे उपयोग करणे आवश्यक आहे.
आपले सहकार्य आणि सजगता यांमुळेच शहरातील शिस्तबद्ध व सुरक्षित वाहतूक व्यवस्था निर्माण होऊ शकते.
आपली नम्र,

सौ. आसावरी केदार नवरे
नगरसेविका, प्रभाग क्र. २६ ( के . डी . एम . सी . )

👉 एकत्रित स्वरूप :
डोंबिवली # आरटीओ #वाहतूकव्यवस्थापन #केडीएमसी #नागरिकजागृती 🚩