​ਸੁਨਾਮ ਵਿਖੇ ਅਧੁਨਿਕ 'PET ਕਲੀਨਿਕ' ਦਾ ਹੋਇਆ ਸ਼ਾਨਦਾਰ ਉਦਘਾਟਨ; ਇਲਾਕੇ ਦੇ ਪਾਲਤੂ ਜਾਨਵਰਾਂ ਲਈ ਸੇਵਾਵਾਂ ਹੋਣਗੀਆਂ ਵਰਦਾਨ-ਤਹਿਸੀਲਦਾਰ ਅਮਿਤ ਕੁਮਾਰ, SP ਰੁਪਿੰਦਰ ਭਾਰਦਵਾਜ

20 ਅਪ੍ਰੈਲ-ਕੁਲਦੀਪ ਕੁਮਾਰ (ਸੰਗਰੂਰ): ਸੁਨਾਮ ਵਿਖੇ ਡਾਕਟਰ ਚੰਦਨ ਅੱਤਰੀ ਜੀ ਵੱਲੋਂ ਇੱਕ ਨਵੇਂ ਅਤੇ ਆਧੁਨਿਕ PET ਕਲੀਨਿਕ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਇਸ ਕਲੀਨਿਕ ਦੇ ਉਦਘਾਟਨ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਤਹਿਸੀਲਦਾਰ ਅਮਿਤ ਕੁਮਾਰ ਅਤੇ ਰਿਟਾਇਰਡ SP ਭਾਰਦਵਾਜ ਨੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰੀ ਲਵਾਈ ਅਤੇ ਕਲੀਨਿਕ ਦਾ ਉਦਘਾਟਨ ਕੀਤਾ।

​ਇਸ ਮੌਕੇ ਹਾਜ਼ਰ ਸਖਸ਼ੀਅਤਾਂ ਨੇ ਡਾ. ਚੰਦਨ ਅੱਤਰੀ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਇਹ ਕਲੀਨਿਕ ਨਾ ਕੇਵਲ ਸੁਨਾਮ, ਬਲਕਿ ਪੂਰੇ ਸੰਗਰੂਰ ਜ਼ਿਲ੍ਹੇ ਅਤੇ ਆਸ-ਪਾਸ ਦੇ ਇਲਾਕਿਆਂ ਲਈ ਵਰਦਾਨ ਸਾਬਿਤ ਹੋਵੇਗਾ, ਕਿਉਂਕਿ ਇੱਥੇ ਪਾਲਤੂ ਜਾਨਵਰਾਂ ਨੂੰ ਉੱਚ ਪੱਧਰੀ ਡਾਕਟਰੀ ਸਹੂਲਤਾਂ ਇੱਕੋ ਛੱਤ ਹੇਠ ਮਿਲਣਗੀਆਂ।

​ਸਮਾਰੋਹ ਵਿੱਚ ਹਾਜ਼ਰ ਪ੍ਰਮੁੱਖ ਸਖਸ਼ੀਅਤਾਂ:

ਉਦਘਾਟਨੀ ਸਮਾਰੋਹ ਦੌਰਾਨ ਇਲਾਕੇ ਦੀਆਂ ਕਈ ਨਾਮਵਰ ਹਸਤੀਆਂ ਨੇ ਸ਼ਿਰਕਤ ਕੀਤੀ, ਜਿਨ੍ਹਾਂ ਵਿੱਚ:

​ਡਾਕਟਰ ਰਾਮ ਕੁਮਾਰ ਕਣਕਵਾਲ

​ਡਾਕਟਰ ਨਰੇਸ਼ ਕੁਮਾਰ ਸੁਨਾਮ

​ਡਾ. ਸੁਰੇਸ਼ ਕੁਮਾਰ ਚੀਮਾਂ

​ਯਾਦਵਿੰਦਰ ਸਿੰਘ (ਸਰਪੰਚ, ਕਣਕਵਾਲ)

​ਮਨਜੀਤ ਸਿੰਘ (ਸਾਬਕਾ ਸਰਪੰਚ, ਕਣਕਵਾਲ)

​ਬਲਵਿੰਦਰ ਬਿੰਦੀ (ਬਲਾਕ ਸੰਮਤੀ ਮੈਂਬਰ)

​ਪਰਮਜੀਤ ਰਾਏ

​ਇਸ ਤੋਂ ਇਲਾਵਾ ਸਮੂਹ ਅੱਤਰੀ ਪਰਿਵਾਰ ਅਤੇ ਹੋਰ ਪਤਵੰਤੇ ਸੱਜਣ ਵੀ ਇਸ ਖੁਸ਼ੀ ਦੇ ਮੌਕੇ 'ਤੇ ਹਾਜ਼ਰ ਰਹੇ। ਕਲੀਨਿਕ ਦੀ ਸ਼ੁਰੂਆਤ ਹੋਣ ਨਾਲ ਇਲਾਕਾ ਨਿਵਾਸੀਆਂ ਵਿੱਚ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।

​"ਕੰਮ ਨਹੀਂ ਸੇਵਾ" ਦੇ ਸੰਕਲਪ ਨਾਲ ਕੀਤੀ ਸ਼ੁਰੂਆਤ

ਸਮਾਰੋਹ ਦੇ ਅਖੀਰ ਵਿੱਚ ਡਾਕਟਰ ਚੰਦਨ ਅੱਤਰੀ ਨੇ ਪਹੁੰਚੀਆਂ ਸਾਰੀਆਂ ਸਖਸ਼ੀਅਤਾਂ, ਮਿੱਤਰਾਂ ਅਤੇ ਦੋਸਤਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ। ਇਸ ਮੌਕੇ ਉਨ੍ਹਾਂ ਨੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਇਸ ਕਲੀਨਿਕ ਨੂੰ ਖੋਲ੍ਹਣ ਦਾ ਮਕਸਦ ਸਿਰਫ ਇੱਕ ਕਿੱਤਾ ਨਹੀਂ, ਬਲਕਿ "ਕੰਮ ਨਹੀਂ ਸੇਵਾ" ਹੈ। ਉਨ੍ਹਾਂ ਵਿਸ਼ਵਾਸ ਦਿਵਾਇਆ ਕਿ ਉਹ ਹਮੇਸ਼ਾ ਪੂਰੀ ਲਗਨ ਅਤੇ ਸੇਵਾ ਭਾਵਨਾ ਨਾਲ ਬੇਜ਼ੁਬਾਨਾਂ ਦਾ ਇਲਾਜ ਕਰਨ ਲਈ ਤਤਪਰ ਰਹਿਣਗੇ।