ମଧୁସୁଦନ ପଲ୍ଲୀରେ ନଗର କୀର୍ତନ ସହ ବଙ୍ଗାଳି ନବବର୍ଷ ଉତ୍ସବ ପାଳିତ

ମଧୁସୁଦନ ପଲ୍ଲୀ (ଏମ ପି ଭି ୭୩) ଗ୍ରାମରେ ବଙ୍ଗାଳି ନୂତନ ବର୍ଷ ଅବସରରେ ଭକ୍ତିମୟ ପରିବେଶରେ ଉତ୍ସବ ପାଳନ କରାଯାଇଛି। ସକାଳୁ ସକାଳୁ ଗ୍ରାମବାସୀ ଓ ଭକ୍ତମାନେ ଏକତ୍ରିତ ହୋଇ ନଗର କୀର୍ତନର ଆୟୋଜନ କରିଥିଲେ। ଢୋଲ, କାହଳି ଓ ଭଜନ କୀର୍ତନର ଧ୍ୱନିରେ ସମଗ୍ର ପରିବେଶ ମଙ୍ଗଳମୟ ହୋଇଯାଇଥିଲା।
ପୁରୁଷ, ମହିଳା ଓ ଯୁବପିଢ଼ୀ ସହ ଛୋଟ ଛୋଟ ଶିଶୁମାନେ ମଧ୍ୟ ଏହି କୀର୍ତନରେ ଭାଗ ନେଇଥିଲେ। ଗ୍ରାମର ମୁଖ୍ୟ ରାସ୍ତା ଓ ପଡ଼ାପଡ଼ି ଘୁରି ଭକ୍ତିମୟ ସଙ୍ଗୀତ ମାଧ୍ୟମରେ ନବବର୍ଷର ସ୍ୱାଗତ କରାଯାଇଥିଲା। ଏହା ସହ ଘରେ ଘରେ ପୂଜା ପାଠ ଓ ପ୍ରସାଦ ବିତରଣ ମଧ୍ୟ ହୋଇଥିଲା।
ଏହି ଅବସରରେ ଗ୍ରାମବାସୀମାନେ ସମ୍ମିଳିତ ଭାବେ ଶାନ୍ତି, ସମୃଦ୍ଧି ଓ ସୁସ୍ଥତାର କାମନା କରିଥିଲେ। ବଙ୍ଗାଳି ସମୁଦାୟର ଏହି ପାରମ୍ପରିକ ପର୍ବ ଗ୍ରାମର ସାମୂହିକ ସଂସ୍କୃତି ଓ ଏକତାକୁ ଅଧିକ ସୁଦୃଢ଼ କରିଥିବା ବେଳେ, ଏହା ସ୍ଥାନୀୟ ଲୋକମାନଙ୍କ ମଧ୍ୟରେ ଆନନ୍ଦ ଓ ଉତ୍ସାହର ଲହରୀ ସୃଷ୍ଟି କରିଥିଲା।