ଟାଙ୍ଗୀ ବ୍ଲକ ରାମେଶ୍ୱର ରେ ଜିଲ୍ଲାପାଳଙ୍କ ଜନଶୁଣାଣି ଶିବିର

ଖୋର୍ଦ୍ଧା,୧୩.୪.୨୬(ଏ.ଆଇ.ଏମ.ଏ)ଆଜି ଖୋରଧା ଜିଲ୍ଲା ଟାଙ୍ଗୀ ବ୍ଲକ ରାମେଶ୍ୱର ଗ୍ରାମ ପଂଚାୟତ ପରିସରରେ ଜିଲ୍ଲାପାଳଙ୍କ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଅଛି । ଏଥିରେ ଆଖ ପାଖ ବିଭିନ୍ନ ପଞ୍ଚାୟତରୁ ଶହ ଶହ ସଂଖ୍ୟାରେ ଲୋକ ଯୋଗଦେଇଥିଲେ। ଉକ୍ତ ଶିବିରରେ ଜିଲ୍ଲା ଗ୍ରାମ୍ୟ ଉର୍ନୟନ ଅଧିକାରୀ ,ଉପଜିଲ୍ଲାପାଳ,ସିଡିମଓ, ଟାଙ୍ଗୀ ବ୍ଲକ ବିଡିଓ ରୁମାନା ଜାଫିର , ସିଡିପିଓ ସମେତ ଜିଲ୍ଲା ଓ ବ୍ଲକ ସ୍ତରୀୟ ସମସ୍ତ ଅଧିକାରୀ ଉପସ୍ଥିତ ଥିଲେ। ଉକ୍ତ ଶିବିର ମାଧ୍ୟମରେ ପ୍ରଧାନ ମନ୍ତ୍ରୀ ଆବାସ,ବାର୍ଦ୍ଧକ୍ୟ ଓ ଭିନ୍ନକ୍ଷମ ଭତା, ପାନୀୟ ଜଳ, ରେସନ କାର୍ଡ, ସ୍ୱାସ୍ଥ୍ୟ ସେବା ସମେତ ବହୁ ଗ୍ରାମର ସାମୁହିକ କାର୍ଯ୍ୟ ସମ୍ପର୍କ ରେ ମୋଟ ୧୯୧ ଖଣ୍ଡ ଅଭିଯୋଗ ଗ୍ରହଣ କରିଥିଲେ। ସେଥି ମଧ୍ୟରୁ ୬ ଟି ଅଭିଯୋଗ ତତ୍କାଳ ସମାଧାନ କରାଯାଇଥିଲା,,
ସେଥିପାଇଁ ବିଭିନ୍ନ ପ୍ରକାରର ବିଭାଗ ପକ୍ଷରୁ ସହାୟତା ଶିବିରମାନ ଆୟୋଜନ କରାଯାଇଥିଲା।