ସ୍ୱାଭିମାନ ଅଞ୍ଚଳର ବିକାଶରେ ତେଜୀ: ଯନ୍ତ୍ରୀ ପଞ୍ଚାୟତକୁ ଆଦର୍ଶ ଗଢ଼ିବାରେ ଜିଲ୍ଲାପାଳଙ୍କ ପ୍ରୟାସ

ମାଲକାନଗିରି ଜିଲ୍ଲାର ସ୍ୱାଭିମାନ ଅଞ୍ଚଳର ସମଗ୍ର ବିକାଶ ପାଇଁ ପ୍ରଶାସନ ପକ୍ଷରୁ ପ୍ରଚେଷ୍ଟା ଜୋରଦାର ହୋଇଛି। ଜିଲ୍ଲାପାଳ ପ୍ରଥମେଶ ଅରବିନ୍ଦ ରାଜଶିର୍କେ ଚିତ୍ରକୋଣ୍ଡା ବ୍ଲକର ଯନ୍ତ୍ରୀ ଗ୍ରାମ ପଞ୍ଚାୟତକୁ ଗସ୍ତ କରି ବିଭିନ୍ନ ବିକାଶମୂଳକ କାମର ସମୀକ୍ଷା କରିଥିଲେ। ଦୁର୍ଗମ ଅଞ୍ଚଳ ହେବା ସତ୍ତ୍ୱେ ସେ ମୋଟର ବୋଟ୍‌ ଯୋଗେ ଜଳପଥରେ ଗ୍ରାମକୁ ପହଞ୍ଚିଥିଲେ। ଗ୍ରାମରେ ଅଙ୍ଗନୱାଡ଼ି ଶିଶୁମାନଙ୍କ ସ୍ୱାଗତ ନୃତ୍ୟ ଦେଖି ସେ ଖୁସି ପ୍ରକାଶ କରିଥିଲେ। ଯନ୍ତ୍ରୀ ପଞ୍ଚାୟତକୁ ଆଦର୍ଶ ପଞ୍ଚାୟତ ଭାବେ ଗଢ଼ିବା ପାଇଁ ବିଶେଷ ବ୍ଲୁ-ପ୍ରିଣ୍ଟ ପ୍ରସ୍ତୁତ ହୋଇଛି। ସମନ୍ୱୟ ବୈଠକରେ ସେ ସରକାରୀ ଯୋଜନାର ଲାଭ ଶେଷ ହିତାଧିକାରୀଙ୍କ ପାଖକୁ ପହଞ୍ଚାଇବାକୁ ଗୁରୁତ୍ୱ ଦେଇଥିଲେ। ଘନବେଡା ସେତୁ କାମର ଅଗ୍ରଗତି ମଧ୍ୟ ସେ ସମୀକ୍ଷା କରିଥିଲେ। ସେତୁ ନିର୍ମାଣ ଶେଷ ହେଲେ ଯୋଗାଯୋଗ ବ୍ୟବସ୍ଥା ଓ ଅର୍ଥନୈତିକ ସ୍ଥିତିରେ ବଡ଼ ପରିବର୍ତ୍ତନ ଆସିବ ବୋଲି ସେ କହିଥିଲେ।