જાયન્ટ્સ ગ્રૂપ ઓફ સચીન દ્વારા વાંઝ ગામે 200થી વધુ યુનિફોર્મનું વિનામૂલ્યે વિતરણ

જાયન્ટ્સ ગ્રૂપ ઓફ સચીન દ્વારા વાંઝ ગામે 200થી વધુ યુનિફોર્મનું વિનામૂલ્યે વિતરણ
સબહેડલાઇન:
100થી વધુ નાનકડા વિદ્યાર્થીઓને મળ્યો લાભ, શિક્ષણ સાથે સેવા ભાવનાનું અનોખું ઉદાહરણ
પ્રેસ નોટ:
વાંઝ, તા. 8 એપ્રિલ 2026:
જાયન્ટ્સ ગ્રૂપ ઓફ સચીન વિભાગ દ્વારા સામાજિક સેવા ક્ષેત્રે એક સરાહનીય કામગીરી હાથ ધરવામાં આવી હતી. આજરોજ વાંઝ ગામની ચાર આંગણવાડી તેમજ પ્રાથમિક શાળાના બાલમંદિર અને ધોરણ-૧ના આશરે 100 જેટલા બાળકોને કુલ 200થી વધુ યુનિફોર્મનું વિનામૂલ્યે વિતરણ કરવામાં આવ્યું.
ગ્રૂપના મહિલા સભ્યો દ્વારા દરેક બાળકને યોગ્ય માપ મુજબના કપડાં મળે તેની ખાસ કાળજી લેવામાં આવી હતી, જે સેવા પ્રત્યેની સંવેદનશીલતા દર્શાવે છે. કાર્યક્રમ દરમિયાન બાળકોને નાસ્તો પણ પીરસવામાં આવ્યો હતો.
બાળકોના ચહેરા પર દેખાતી ખુશી જોઈને શાળાના શિક્ષકગણ, આંગણવાડીના બહેનો તથા ગ્રૂપના સભ્યોમાં આનંદ અને સંતોષની લાગણી છવાઈ ગઈ હતી.
આ પ્રસંગે વાંઝ પ્રાથમિક શાળાના આચાર્યશ્રીએ ગ્રૂપનો આભાર વ્યક્ત કરતા જણાવ્યું હતું કે, “જાયન્ટ્સ ગ્રૂપ દ્વારા કરવામાં આવેલ આ સેવા કાર્ય ખૂબ જ પ્રશંસનીય છે. ભવિષ્યમાં પણ જ્યારે કોઈ સેવાકીય જરૂરિયાત ઊભી થશે ત્યારે અમે નિશ્ચિતપણે ગ્રૂપનો સહયોગ લઈશું.”
આ કાર્યક્રમને સફળ બનાવવા માટે શાળાના આચાર્યશ્રી, શિક્ષકો તથા આંગણવાડીના બહેનોનો મહત્વપૂર્ણ સહયોગ મળ્યો હતો, જેના બદલ ગ્રૂપ દ્વારા સૌનો આભાર વ્યક્ત કરવામાં આવ્યો હતો.
ઉલ્લેખનીય છે કે કુલ 200થી વધુ યુનિફોર્મના દાતા સચીન સ્થિત શ્રી રંગ અવધૂત એમ્પોરીયમના માલિક જા. આસિફભાઈ કુરેસી તથા તેમની પત્ની જા. નસીમાબેન કુરેસી રહ્યા હતા. ગ્રૂપ દ્વારા તેમના આ ઉદાર યોગદાન બદલ હાર્દિક આભાર વ્યક્ત કરવામાં આવ્યો હતો.