ସରକାରୀ ମହିଳା ମହାବିଦ୍ୟାଳୟ, କେନ୍ଦୁଝରରେ ଓଡ଼ିଆ ପକ୍ଷ ପାଇଁ "ସ୍ବଚ୍ଛତା ଅଭିଯାନ" କାର୍ଯ୍ୟକ୍ରମ।

ସରକାରୀ ମହିଳା ମହାବିଦ୍ୟାଳୟ, କେନ୍ଦୁଝରରେ ଓଡ଼ିଆ ପକ୍ଷ ପାଇଁ "ସ୍ବଚ୍ଛତା ଅଭିଯାନ" କାର୍ଯ୍ୟକ୍ରମ।

କେନ୍ଦୁଝର -୦୬/୦୪ (ଖଣ୍ଡାଧାର ନିଉଜ) ଓଡ଼ିଆ ପକ୍ଷ ପାଇଁ ସ୍ବଚ୍ଛତା ଅଭିଯାନ କାର୍ଯ୍ୟକ୍ରମ ସରକାରୀ ମହିଳା ମହାବିଦ୍ୟାଳୟ, କେନ୍ଦୁଝରର ଜାତୀୟ ସେବା ଯୋଜନା ଅଧିକାରୀ ଡ. ନିବେଦିତା ଦାସଙ୍କ ତତ୍ଵାବଧାନରେ ଅନୁଷ୍ଠିତ ହୋଇଯାଇଛି । ଏହି ଅଭିଯାନରେ ଜାତୀୟ ସେବା ଯୋଜନାର ବହୁ ଛାତ୍ରୀ, ଅଧ୍ୟାପକ ଅଧ୍ୟାପିକା, ମହାବିଦ୍ୟାଳୟର ଅଧ୍ୟକ୍ଷ ଡ. ଲଳିତ ରଂଜନ ସାହୁଙ୍କ ସମେତ ଅଣଶିକ୍ଷକ କର୍ମଚାରୀବୃନ୍ଦଙ୍କ ମିଳିତ ସହଯୋଗରେ ସ୍ଥାନୀୟ କାଶିପୁରସ୍ଥିତ ଲକ୍ଷ୍ମୀ ମନ୍ଦିର ଯାଇ ମନ୍ଦିରର ଚତୁଃପାର୍ଶ୍ୱକୁ ସଫା କରିଥିଲେ । କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ଡ. ସାହୁ କହିଥିଲେ ଯେ ସ୍ବଚ୍ଛ ପରିବେଶ ରହିଲେ, ସ୍ବାସ୍ଥ୍ୟ ସୁସ୍ଥ ରହେ । ଏହି ପରିପ୍ରେକ୍ଷୀରେ ନିଜ ଘର ସହ ପାର୍କ, ଦେବସ୍ଥଳୀ, ସାର୍ବଜନୀନ ସ୍ଥାନ ବା ଚତୁଃର୍ପାଶ୍ୱକୁ ସ୍ବଚ୍ଛ ରଖିବାକୁ ଛାତ୍ରୀମାନଙ୍କୁ ଉପଦେଶ ଦେଇଥିଲେ । ଏଥିରେ ସ୍ଥାନୀୟ ମନ୍ଦିର କର୍ମକର୍ତ୍ତାଗଣ ଓ ସାମ୍ବାଦିକ ସତ୍ୟଜିତ୍ ସାମନ୍ତରାୟ ଏଭଳି ପ୍ରୟାସକୁ ସ୍ୱାଗତ କରିବା ସହ ଆଗାମୀ ଦିନରେ ସ୍ବଚ୍ଛତା ଅଭିଯାନ ଜୋରଦାର କରିବାକୁ ମତ ପ୍ରକାଶ କରିଥିଲେ । ସ୍ବଚ୍ଛତା ଅଭିଯାନରେ ଅଧ୍ୟାପିକା ଶ୍ରୀମତୀ ଗୀତାଞ୍ଜଳି ନାୟକ, ଅଧ୍ୟାପିକା ଶ୍ରୀମତୀ ସନ୍ଧ୍ୟାରାଣୀ ଶଂଖୁଆଳ, ଅଧ୍ୟାପିକା ରଶ୍ମିତା ସାହୁ ଓ ଅଣଶିକ୍ଷକ କର୍ମଚାରୀବୃନ୍ଦ ସହଯୋଗ କରି ଅଭିଯାନକୁ ସଫଳ କରେଇଥିଲେ ।

ଡମ୍ବରୁଧର ମହାନ୍ତ ଙ୍କ ରିପୋର୍ଟ।