“माणदेशी कोहिनूर हिरे सचिन मोटे व नितीन वाघमोडे यांच्या उपस्थितीत ‘माणदेश रत्न’ सोहळा; धुळदेव यात्रेला चार चाँद!

“माणदेशी कोहिनूर हिरे सचिन मोटे व नितीन वाघमोडे यांच्या उपस्थितीत ‘माणदेश रत्न’ सोहळा; धुळदेव यात्रेला चार चाँद!”

माण तालुक्यातील धुळदेव येथे सुरू असलेल्या श्री धुळोबा देवाच्या यात्रेला यंदा विशेष महत्त्व प्राप्त झाले असून, ‘माणदेश रत्न पुरस्कार सोहळा’ हा या यात्रेचा मुख्य आकर्षण ठरत आहे. विशेष म्हणजे, माणदेशातील कोहिनूर हिरे म्हणून ओळखले जाणारे आयकर आयुक्त मा. सचिन मोटे आणि आयकर आयुक्त नितीन वाघमोडे यांच्या प्रमुख उपस्थितीत हा भव्य सोहळा पार पडणार आहे.
२ ते ६ एप्रिलदरम्यान सुरू असलेल्या या यात्रेत भक्ती, परंपरा आणि संस्कृतीचा संगम पाहायला मिळत आहे. क्रिकेट स्पर्धा, बैलगाडा शर्यत, भारुड, धनगरी ओवी, गजी नृत्य यांसारख्या पारंपारिक कार्यक्रमांमुळे धुळोबा बन सध्या उत्साहाने गजबजून गेले आहे.
यंदाच्या यात्रेत धुळदेव गावातील सुशिक्षित व जागरूक युवकांनी एकत्र येत ‘माणदेश रत्न पुरस्कार’ या उपक्रमाच्या माध्यमातून एक वेगळी ओळख निर्माण केली आहे. या अंतर्गत माण तालुक्यातील नवनियुक्त पोलीस उपनिरीक्षक अधिकारी, धुळदेव गावातील विविध शासकीय सेवेत कार्यरत अधिकारी तसेच गुणवंत विद्यार्थ्यांचा सन्मान करण्यात येणार आहे.
विशेष म्हणजे, या सोहळ्याला माणदेशी कोहिनूर हिरे सचिन मोटे व नितीन वाघमोडे यांची उपस्थिती लाभणार असल्याने कार्यक्रमाची प्रतिष्ठा अधिक उंचावली आहे. याशिवाय पोलीस उपअधीक्षक प्रदीप गोरड, सहाय्यक पोलीस निरीक्षक दत्तात्रय दराडे तसेच प्रसिद्ध लेखक व कथाकथनकार नागू विरकर यांचीही प्रमुख उपस्थिती असणार आहे.
भक्ती आणि परंपरेसोबतच कर्तुत्वाचा सन्मान करणारा हा सोहळा माणदेशासाठी अभिमानास्पद ठरत असून, येणाऱ्या पिढीसाठी प्रेरणादायी ठरणार आहे.