📰पुणे जिल्ह्यातील पुरंदर तालुक्यातील आंबोडी गाव मध्ये विद्यार्थ्यांचा काव्यझंकार; कवी संमेलनात प्रतिभेचा जल्लोष!

आंबोडी, दि. 31 मार्च 2026 — काव्याची उधळण, टाळ्यांचा कडकडाट आणि उत्साहाची लाट… अशा वातावरणात काव्ययोग संस्थेच्या वतीने आयोजित विद्यार्थी कवी संमेलन आंबोडी येथे मोठ्या जल्लोषात संपन्न झाले. संस्थापक मा. श्री. योगेशजी हरणे आणि मा. सौ. वसुधामाई नाईक (राष्ट्रीय ज्येष्ठ सल्लागार, युवा क्रांती फाउंडेशन अंतर्गत पोलिस मित्र, ग्राहक व पत्रकार संरक्षण आणि माहिती अधिकार संघटना) यांच्या मार्गदर्शनाखाली हा प्रेरणादायी उपक्रम पार पडला.
‘श्री माऊली बाल शिक्षण संस्कार वारकरी शिक्षण संस्था’ येथे पार पडलेल्या या कार्यक्रमात वारकरी संप्रदायातील विद्यार्थ्यांनी आपल्या काव्यकौशल्याने उपस्थितांची मने जिंकली. लहानग्या कवींनी सादर केलेल्या सामाजिक, आध्यात्मिक आणि प्रेरणादायी कवितांनी सभागृह भारावून गेले.
कार्यक्रमास एकपात्री कलाकार प्रा. शरदचंद्र काकडे-देशमुख, प्रमुख पाहुणे म्हणून बालसाहित्यिका व समाजसेविका मा. सौ. वसुधामाई नाईक (राष्ट्रीय ज्येष्ठ सल्लागार, युवा क्रांती फाउंडेशन अंतर्गत पोलिस मित्र, ग्राहक व पत्रकार संरक्षण आणि माहिती अधिकार संघटना), कवी गणपत तरंगे, युवा कवयित्री सायली ढेबे, शिवव्याख्याते मोहनदादा तळेकर आणि सुरेश तात्या सस्ते यांची विशेष उपस्थिती लाभली.
तसेच संस्थेचे प्रमुख ह.भ.प. स्वप्नील महाराज काळाणे यांनी संस्थेचे कार्य आणि मुलांच्या घडणीत चालणाऱ्या उपक्रमांची माहिती देत सर्वांचे मन जिंकले. विशेष म्हणजे ही संस्था पूर्णतः निशुल्क असून येथे सध्या 150 विद्यार्थी निवासी शिक्षण घेत आहेत.
या संमेलनात विद्यार्थ्यांनी विविध विषयांवर प्रभावी कविता सादर करत आपल्या सर्जनशीलतेची छाप पाडली. उत्कृष्ट सादरीकरण करणाऱ्या विद्यार्थ्यांचा सन्मानपत्र, अक्षरधन व मेडल देऊन गौरव करण्यात आला तसेच प्रथम तीन क्रमांक जाहीर करण्यात आले.
विद्यार्थ्यांच्या लेखनकौशल्याला चालना मिळावी आणि त्यांच्या प्रतिभेला व्यासपीठ मिळावे हा या उपक्रमाचा मुख्य उद्देश होता. कार्यक्रमाचे प्रभावी निवेदन योगेश हरणे यांनी केले, तर आयोजन गौरव पुंडे आणि मयुरी लायगुडे यांनी यशस्वीपणे सांभाळले.
रिपोर्टर
अमर शिवाजी पठारे