ନକଲି ସାର୍ଟିଫିକେଟ୍ନ ନକଲି ମାଷ୍ଟର

ନକଲି ସାର୍ଟିଫିକେଟ୍ ଦେଇ ଶିକ୍ଷକତା କରିବା ପଡ଼ିଲା ମହଙ୍ଗା ଶିକ୍ଷକଙ୍କ ନାଁରେ ଥାନାରେ ଏତଲା ଦେଲେ ବିଇଓ । କାର୍ଯ୍ୟରତ ସହକାରୀ ଶିକ୍ଷକ ନକଲି ଯୁକ୍ତ ଦୁଇ ସାର୍ଟିଫିକେଟ ଦେଇ ଶିକ୍ଷକତା ଚାକିରି କରିବା ସହ ୨୭ ବର୍ଷ ଧରି ସରକାରୀ ଦରମା ହଡ଼ପ କରିଥିବା ଅଭିଯୋଗ ହୋଇଛି ।
୨୭ ବର୍ଷର ନକଲି ଚାକିରି: ଶିକ୍ଷକଙ୍କ ନାଁରେ ଥାନାରେ ଏତଲା!
ବିଇଓଙ୍କ କଡ଼ା ପଦକ୍ଷେପ, କର୍ଣ୍ଣାଟକ ବୋର୍ଡ ସାର୍ଟିଫିକେଟ୍ ନକଲି ବୋଲି ପ୍ରମାଣିତ!ଏଭଳି ଏକ ଚାଞ୍ଚଲ୍ୟକର ଘଟଣା ନବରଙ୍ଗପୁର ଜିଲ୍ଲା ଉମରକୋଟ କୁର୍ସି ସ୍ଥିତ ଉଚ୍ଚ ମାଧ୍ୟମିକ ବିଦ୍ୟାଳୟରୁ ସାମ୍ନାକୁ ଆସିଛି, ଯେଉଁଠାରେ ଜଣେ ଶିକ୍ଷକ ୨୭ ବର୍ଷ ଧରି ନକଲି ସାର୍ଟିଫିକେଟ୍ ଦେଇ ଶିକ୍ଷକତା କରୁଥିବା ଅଭିଯୋଗ ହୋଇଛି। ଆପଣ କେବେ ଏଭଳି ଘଟଣା ଶୁଣିଛନ୍ତି କି? ଏହା କିପରି ସମ୍ଭବ ହେଲା? ଏହା କ’ଣ ଶିକ୍ଷା ବିଭାଗର ଦାୟିତ୍ୱହୀନତାକୁ ଦର୍ଶାଉନାହିଁ?ଏହି ସଙ୍ଗୀନ ଅଭିଯୋଗ ସହକାରୀ ଶିକ୍ଷକ ସନଧର ମାଝୀଙ୍କ ନାଁରେ ଆସିଛି, ଯିଏକି ନକଲି ଯୁକ୍ତ ଦୁଇ ସାର୍ଟିଫିକେଟ୍ ଦେଇ ଶିକ୍ଷକତା ଚାକିରି କରିଥିବା ସହ ଦୀର୍ଘ ୨୭ ବର୍ଷ ଧରି ସରକାରୀ ଦରମା ହଡ଼ପ କରିଥିବା ଜଣାପଡିଛି। ତାଙ୍କ ଶିକ୍ଷାଗତ ପ୍ରମାଣ ପତ୍ର ଯାଞ୍ଚ ସମୟରେ, ସେ କର୍ଣ୍ଣାଟକ ହୁବୁଳି ସ୍ଥିତ ବୋର୍ଡ ଅଫ ସେକେଣ୍ଡାରୀ ଏଡୁକେସନରୁ ଯୁକ୍ତ ଦୁଇ ସାର୍ଟିଫିକେଟ୍ ଦାଖଲ କରିଥିଲେ। ତେବେ ଏହି ସାର୍ଟିଫିକେଟ୍ ନକଲି ବୋଲି ଅଭିଯୋଗ ଜାଣିବା ପରେ ନବରଙ୍ଗପୁର ଜିଲ୍ଲା ଶିକ୍ଷା ଅଧିକାରୀ କର୍ଣ୍ଣାଟକ ବୋର୍ଡକୁ ଯାଞ୍ଚ ପାଇଁ ପଠାଇଥିଲେ, ଯେଉଁଥିରେ ଏହା ନକଲି ବୋଲି ପ୍ରମାଣିତ ହୋଇଥିଲା।
ଏହା ପରେ ଜିଲ୍ଲା ଶିକ୍ଷାଧିକାରୀ, ବ୍ଲକ ଶିକ୍ଷା ଅଧିକାରୀଙ୍କୁ ସନଧର ମାଝୀଙ୍କ ନାଁରେ ଥାନାରେ ଏତଲା ଦେବାକୁ ନିର୍ଦ୍ଦେଶ ଦେଇଥିଲେ। ଗୋଷ୍ଠୀ ଶିକ୍ଷାଧିକାରୀ ଏହି ଘଟଣାରେ କୌଣସି ପ୍ରତିକ୍ରିୟା ଦେଇନଥିଲେ ମଧ୍ୟ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଛନ୍ତି ଯେ ନକଲି ସାର୍ଟିଫିକେଟ୍ ଦେଇ ଶିକ୍ଷା ବିଭାଗରେ ଚାକିରି କରିଥିବା ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।ପୂର୍ବରୁ ବରଗଡ ଜିଲ୍ଲାରେ ଅନେକ ନକଲି ଶିକ୍ଷକ ଧରା ପଡ଼ି ଗିରଫ ହୋଇ ଜେଲ୍ ଯାଇଛନ୍ତି ଆଉ ଅନେକ ନକଲି ଶିକ୍ଷକ ଙ୍କ ମାମଲା କୁ ବିଭାଗୀୟ ଅଧିକାରୀ ଜାଣିଶୁଣି ଚପେଇ ଦେଇଥିବା ଚର୍ଚ୍ଚା ଜୋର ଧରିଛି।