રિપોર્ટર હરિકૃષ્ણ ભટ્ટ ગુજરાત સુરત ઓલપાડ

ઓલપાડ ખાતે
ઓલપાડ પ્રખંડ બજરંગ દળ દ્વારા પવિત્ર રામ નવમી નિમિત્તે ભવ્ય શોભા યાત્રાનું આયોજન કરવામાં આવ્યું હતું. આ શોભા યાત્રામાં ભક્તિભાવ અને ઉત્સાહનો અનોખો માહોલ સર્જાયો હતો. શહેરના મુખ્ય માર્ગો પર શોભા યાત્રા પસાર થતાં લોકો મોટી સંખ્યામાં દર્શન કરવા ઉમટી પડ્યા હતા.

શોભા યાત્રાની શરૂઆત ધાર્મિક વિધિ અને પૂજા-અર્ચના સાથે કરવામાં આવી હતી. ભગવાન શ્રીરામના સુંદર રથને આકર્ષક રીતે ફૂલો અને લાઇટિંગથી સજાવવામાં આવ્યો હતો. ભજન-કીર્તન, ઢોલ-નગારાં અને જય શ્રીરામના નાદ સાથે સમગ્ર વાતાવરણ ભક્તિમય બની ગયું હતું.

આ યાત્રામાં યુવાનો, મહિલાઓ અને વડીલો સહિત સમાજના દરેક વર્ગના લોકો ઉત્સાહપૂર્વક જોડાયા હતા. ખાસ કરીને યુવાનોમાં દેશભક્તિ અને ધાર્મિક ઉર્જાનો જુસ્સો જોવા મળ્યો હતો. વિવિધ સ્થળોએ શરબત, પાણી અને પ્રસાદનું વિતરણ કરવામાં આવ્યું હતું.

આ શોભા યાત્રામાં અંદાજે 7 થી 8 હજાર જેટલી માનવ મેદની જોડાઈ હતી, જેના કારણે ઓલપાડમાં એકતા અને ભક્તિનો અદભૂત દૃશ્ય સર્જાયો હતો. પોલીસ અને સ્વયંસેવકો દ્વારા સુરક્ષા અને ટ્રાફિક વ્યવસ્થા પણ સુચારૂ રીતે સંભાળવામાં આવી હતી.

આ રીતે ઓલપાડ પ્રખંડ બજરંગ દળ દ્વારા આયોજિત આ ભવ્ય શોભા યાત્રાએ રામ નવમીના પર્વને વધુ યાદગાર બનાવી દીધો હતો અને લોકોના હૃદયમાં ભક્તિ અને સંસ્કૃતિ પ્રત્યેનો ઉત્સાહ વધાર્યો હતો.
રિપોર્ટર હરિકૃષ્ણ ભટ્ટ સુરત ઓલપાડ