ମା'ବିମଳାଙ୍କ ମନ୍ଦିରରେ ମହାଷ୍ଟମୀ

ଦାମନଯୋଡି,୨୫/୦୩: ନାଲକୋ ଟାଉନସିପ ସେକ୍ଟର ୧ ଶ୍ରୀ ଜଗନ୍ନାଥ ମନ୍ଦିର ପରିସରରେ ଥିବା ମା'ବିମଳାଙ୍କ ମନ୍ଦିରରେ ବୁଧବାର ମହାସପ୍ତମୀ ଓ ମହାଷ୍ଟମୀ ପୂଜା ଅନୁଷ୍ଠିତ ହୋଇଥିଲା।ନବରାତ୍ର ଅବସରରେ ଆଜି ଅପରାହ୍ନରୁ ମହାଷ୍ଟମୀ ଆରମ୍ଭ ହୋଇଥିବାରୁ ସକାଳେ ସୂର୍ଯ୍ୟ ପୂଜା,ନବଗ୍ରହଙ୍କ ପୂଜା ପରେ ଅଷ୍ଟମାତୃକା ପୂଜା ଓ ମା'ଙ୍କର ଷୋଡଶ ଉପଚାର ପୂଜା,ଚଣ୍ଡୀ ପାଠ ଓ ଯଜ୍ଞ ହୋଇ ସନ୍ଧ୍ୟାରେ ପୂର୍ଣ୍ଣାହୂତି ଅନୁଷ୍ଠିତ ହୋଇଥିଲା।ପୂଜକ ରାମକୃଷ୍ଣ ମିଶ୍ର ପୂଜା କାର୍ଯ୍ୟ ସମ୍ପନ୍ନ କରିଥିଲେ।ତପନ କୁମାର ମହପାତ୍ର ଓ ତାଙ୍କ ପତ୍ନୀ ସଂଗୀତା କୁମାରୀ ପାତ୍ର କର୍ତ୍ତା ଦାୟିତ୍ଵ ତୁଲାଇଥିଲେ।ପୂଜକ ଅମୀୟ କୁମାର ସାମନ୍ତରାୟ,ବିପିନ ବିହାରୀ ପଣ୍ଡା, ସୁଶାନ୍ତ କୁମାର ଦାଶ ଓ ବିଜୟ କୁମାର ଆଚାର୍ଯ୍ୟ ପୂଜାକାର୍ଯ୍ୟରେ ସହଯୋଗ କରିଥିଲେ।ଶ୍ରୀ ଜଗନ୍ନାଥ ମନ୍ଦିର ପରିଚାଳନା କମିଟି ଯୁଗ୍ମ ସମ୍ପାଦକ ତ୍ରିଲୋଚନ ଚୌଧୁରୀ,ଆର.ଏନ.ମୁଦୁଲି,ଖଦାଳ ନାୟକ ପ୍ରମୁଖ ଉପସ୍ଥିତ ରହି ପରିଚାଳନା କରିଥିଲେ।ବହୁ ଶ୍ରଦ୍ଧାଳୁ ଆଜି ଉପବାସ ବ୍ରତ ପାଳନ କରି ମା'ଙ୍କର ପୂଜାର୍ଚ୍ଚନା କରିଥିଲେ।