"తెలంగాణలో విందన కొరత లేదు".ప్రజలు ఆందోళన చెందవద్దని డీలర్ల విజ్ఞప్తి..!

హైదరాబాద్, మార్చి 25, 2026:


తెలంగాణ పెట్రోలియం డీలర్స్ అసోసియేషన్ (టిపిడిఎ ) ఇంధన కొరత పై వస్తున్న వదంతులను ఖండిస్తూ ప్రజలు ఆందోళన చెందవద్దని సూచించింది.అసోసియేషన్ ప్రకారం, పెట్రోల్, డీజిల్ కొరత ఉందని సోషల్ మీడియాలో వ్యాపిస్తున్న తప్పుడు సమాచారం కారణంగా ప్రజలు అవసరానికి మించి ఇంధనం కొనుగోలు చేస్తున్నారు. దీని వల్ల సాధారణ స్థాయికి మించి సుమారు 2.5 నుండి 3 రెట్లు అమ్మకాలు పెరిగి, కొంతమంది పెట్రోల్ బంక్‌లలో తాత్కాలికంగా నిల్వలు తగ్గిన పరిస్థితి ఏర్పడింది.అయితే, ఇంధన కొరత ఎక్కడా లేదు అని అసోసియేషన్ స్పష్టం చేసింది. హెచ్పిసిఎల్ , ఐఓసీఎల్ , బీపీసీఎల్ వంటి ప్రధాన ఆయిల్ కంపెనీల వద్ద సరిపడా నిల్వలు ఉండగా, దేశవ్యాప్తంగా సరఫరా వ్యవస్థ సక్రమంగా కొనసాగుతోంది.భద్రత పై హెచ్చరిక పెట్రోల్, డీజిల్‌ను క్యాన్‌లలో నిల్వ చేయడం పిఈఎస్ఓ (పెట్రోలియం అండ్ ఎక్స్‌ప్లోసివ్స్ సేఫ్టీ ఆర్గనైజేషన్) నిబంధనలకు విరుద్ధమని టీపీడీఏ హెచ్చరించింది. ఇలాంటి నిల్వలు అగ్ని ప్రమాదాలకు దారితీసే ప్రమాదం ఉందని పేర్కొంది.

ప్రజలకు సూచనలు:

- ఆందోళనతో ఎక్కువగా ఇంధనం కొనరాదు.

- అనధికారిక కంటైనర్లలో నిల్వ చేయరాదు.

- అవసరానికి అనుగుణంగా మాత్రమే కొనుగోలు చేయాలి.

- తప్పుడు వార్తలను నమ్మకూడదు, పంచకూడదు.

- సమాజ భద్రత కోసం బాధ్యతాయుతంగా వ్యవహరించాలని అసోసియేషన్ కోరింది.

ఇరాన్, ఇజ్రాయెల్, అమెరికా ఉద్రిక్తతలు: భారతదేశంలో ఇంధన ధరలపై ప్రభావం ఉంటుందా?

ఇరాన్, ఇజ్రాయెల్, అమెరికా మధ్య కొనసాగుతున్న ఉద్రిక్తతలు ప్రపంచవ్యాప్తంగా ఆందోళన కలిగిస్తున్నాయి. ముఖ్యంగా చమురు సరఫరా, ధరలపై ప్రభావం ఉండే అవకాశం ఉంది.

ప్రస్తుతం పరిస్థితి ఏమిటి?

- ఇరాన్ ఒక ప్రధాన చమురు ఉత్పత్తి దేశం.

- మధ్యప్రాచ్యంలో యుద్ధ పరిస్థితులు ఏర్పడితే చమురు ఉత్పత్తి లేదా రవాణా (హోర్ముజ్ జలసంధి వంటి మార్గాలు) దెబ్బతినవచ్చు.

- అమెరికా, ఇజ్రాయెల్ పాత్ర కారణంగా భౌగోళిక రాజకీయ ప్రమాదం పెరుగుతుంది

- భారతదేశం పై ప్రభావం

భారతదేశం తన అవసరాల్లో 80%కు పైగా ముడి చమురు దిగుమతి చేసుకుంటుంది. అందువల్ల అంతర్జాతీయ పరిణామాలు దేశీయ ఇంధన ధరలను ప్రభావితం చేస్తాయి.

సంభవించే తక్షణ ప్రభావం:

ప్రస్తుతం పెట్రోల్, డీజిల్, ఎల్ పిజి కొరత ఉండదు

- సరఫరా వ్యవస్థ బలంగా ఉంది.

ఉద్రిక్తతలు పెరిగితే:

- అంతర్జాతీయంగా ముడి చమురు ధరలు పెరిగే అవకాశం.


- భారతదేశంలో పెట్రోల్, డీజిల్, ఎల్పిజి ధరలు పెరగవచ్చు.

- రవాణా, గృహ వ్యయాలు పెరుగుతాయి.

పరిస్థితి స్థిరపడితే:

ఇంధన ధరలు స్థిరంగా ఉండే అవకాశం ఉంది.ప్రస్తుత పరిస్థితి ప్రస్తుతం ఎలాంటి ఆందోళన అవసరం లేదు.భారతదేశం విభిన్న దేశాల నుంచి చమురు దిగుమతి చేసుకుంటూ, అత్యవసర నిల్వలను కూడా నిర్వహిస్తోంది.సంక్షేపం తెలంగాణలో లేదా దేశవ్యాప్తంగా ఇంధన కొరత లేదు. వదంతుల కారణంగా మాత్రమే ప్రజల్లో ఆందోళన పెరిగింది. మధ్యప్రాచ్య ఉద్రిక్తతలు భవిష్యత్తులో ధరలపై ప్రభావం చూపవచ్చే అవకాశం ఉన్నా, ప్రస్తుతం ఇంధన సరఫరా పై ఎలాంటి ప్రభావం లేదు.