जामखेड पंचायत समिती रोजगार हमी कक्ष जिल्ह्यात अव्वल; सर्व अधिकारी-कर्मचाऱ्यांचा विशेष सहभाग...

बातमी:
अहिल्यानगर जिल्ह्यातील जामखेड पंचायत समितीच्या रोजगार हमी कक्षाने मनरेगा अंतर्गत केवायसी प्रक्रियेत जिल्ह्यात अव्वल स्थान पटकावत उल्लेखनीय कामगिरी केली आहे. या यशामागे सर्व अधिकारी व कर्मचाऱ्यांचा एकत्रित आणि समन्वयित सहभाग महत्त्वाचा ठरला.
या उपक्रमात गटविकास अधिकारी (BDO), एपीओ (APO), विस्तार अधिकारी, तांत्रिक अधिकारी तसेच ग्रामपातळीवरील रोजगार सहाय्यक यांच्यासोबतच डाटा ऑपरेटर यांनीही अत्यंत महत्त्वाची भूमिका बजावली. केवायसीची ऑनलाइन नोंद, डेटा अचूकपणे अपडेट करणे आणि प्रणाली सुरळीत चालू ठेवणे यासाठी डाटा ऑपरेटरचे योगदान मोलाचे ठरले.
ग्रामस्तरावर जाऊन मजुरांची माहिती संकलित करणे, केवायसी प्रक्रिया पूर्ण करणे आणि आवश्यक मार्गदर्शन करणे ही कामे प्रभावीपणे पार पाडण्यात आली.
यामुळे मनरेगा अंतर्गत मजुरांना त्यांच्या खात्यात थेट व वेळेत मजुरी जमा होण्याचा मार्ग अधिक सुकर झाला आहे. सर्व संबंधित अधिकारी-कर्मचाऱ्यांच्या टीमवर्कमुळे जामखेड पंचायत समितीने जिल्ह्यात आदर्श निर्माण केला आहे.

#जामखेड #मनरेगा #रोजगारहमी #KYC #अहिल्यानगर #पंचायतसमिती #BDO #APO #विस्तारअधिकारी #तांत्रिकअधिकारी #डाटा_ऑपरेटर #रोजगारसहाय्यक #टीमवर्क #ग्रामीणविकास