కొండ శిఖర గ్రామంలో గిరిజనులకు అధిక విద్యుత్ బిల్లులపై నిరసన

అనకాపల్లి జిల్లా రోలుగుంట మండలం, ఆర్ల పంచాయతీ పరిధిలోని కొండ శిఖర గిరిజన గ్రామమైన పెదగరువులో గత కొంతకాలంగా విద్యుత్ బిల్లులు ఇచ్చేవారు కాదు. 13 సంవత్సరాల నుంచి ఎస్సీ, ఎస్టీ గృహాలకు 100 యూనిట్లు, కొన్ని పథకాల పరిధిలో 200 యూనిట్ల వరకు ఫ్రీ విద్యుత్ ఇవ్వాలని ప్రభుత్వాలు ప్రకటిస్తున్న నేపథ్యంలో ఇప్పుడు ఈ కొండ శిఖర గ్రామాలకు అధిక బిల్లులు వస్తున్నాయని గ్రామస్తులు ఆరోపిస్తున్నారు. ఆర్ల పంచాయతీలోని లోసింగి, కొత్తలోసింగి, పెదగరువు, పిత్రిగడ్డ, నీళ్లుబంద గ్రామాల్లో ఉన్న దాదాపు 62 పీవీటీజీ గిరిజన కుటుంబాలు కొండ శిఖర గ్రామంలో మట్టి ఇళ్లతో జీవనం సాగిస్తున్నాయి. ఇళ్లల్లో రెండు బల్బులు, ఫ్యాన్ మాత్రమే వినియోగిస్తున్న ఈ గిరిజనులకు కూడా 60–80 యూనిట్ల మించి బిల్లులు వస్తుండటం, గ్రామంలో వర్షాలు పడితే కరెంట్ సరఫరా అంతా నిలిపివేయబడటం వంటి పరిస్థితుల్లో అధిక బిల్లులు వస్తున్నాయని గ్రామస్తులు గొప్ప అన్యాయంగా భావిస్తున్నారు. ఇప్పటివరకు బిల్లులు ఇవ్వని విద్యుత్ శాఖ అధికారులు ఇప్పుడు బిల్లులు ఇచ్చి, కట్టకపోతే మీటర్లు తొలగించి కనెక్షన్లు కట్ చేస్తామని హెచ్చరిస్తున్నారని గిరిజనులు వాపోతున్నారు. గతంలో గిరిజనులకు ఇచ్చిన ఉచిత విద్యుత్ హామీలు నేటి ప్రభుత్వం క్రింద పూర్తిగా అమలు కావడం లేదని ప్రాంతీయ నాయకులు విమర్శిస్తున్నారు. ఈ నేపథ్యంలో గ్రామస్తులు, సిపిఎం జిల్లా కార్యవర్గ సభ్యుడు కే గోవిందరావు సహా స్థానిక నాయకులు కిల్లో నరసయ్య, కిల్లో రుక్మ, కిల్లో మహేష్ లు సహా ఆందోళన చేస్తూ గ్రామానికి వచ్చిన విద్యుత్ బిల్లులను తక్షణమే పునరుద్ధరించాలని డిమాండ్ చేశారు. తక్షణమే స్వయాన పర్యటించి గిరిజన గ్రామాన్ని పరిశీలించి బిల్లులను తగ్గించాలని విద్యుత్ డిఈకి వినిపిస్తూ, అలా కాకపోతే జిల్లా పాలకవర్గ సమావేశం వద్ద కాగడాల తో ఆందోళన నిర్వహిస్తామని హెచ్చరించారు. గ్రామస్తులు చెప్పిన ప్రకారం, గిరిజన గృహాల్లో ఫ్రిజ్, ఎసి లాంటి ఎక్కువ భారం ఉండదు; కేవలం కొన్ని బల్బులు, ఫ్యాన్లు మాత్రమే వినియోగిస్తున్న నేపథ్యంలో విద్యుత్ శాఖ అధికారులు అధిక బిల్లులు విధించడం ప్రభుత్వం ఇచ్చిన ఉచిత విద్యుత్ హామీలను సరిగా అమలు చేయడం లేదనే అభియోగం వినిపిస్తోంది.